اللانشيا عقدتنى ...اغيثوووووووووووووونى

**ashrafbahaa** · 19-08-2010 03:23 PM

انا شارى لانشيا ديدرا من شهر بس كانت مركونه 3 سنين مش بتمشي ومن يوم ماخدتها وانا كل يوم فى ارف لما زهقت وكرهتها والمشكله ان مفيش حد فاهم حاجه من اللى بروحلهم ومش عارف اعمل ايه ارجوكم انقذونى ودلونى

اولا من الركنه كاوتش العفشه نشف وفى المطبات بلاقى هيصه فى العربيه من قدام غير لما اضرب فرامل اسمع طقه
ثانيا امبير الر بي ام فصل ومفيش حد عارف يشغلو وكلوا بيقول الاسلاك راكبه تمام ومفيش حد فاهم
ثالثا/ شحنت التكييف بس فى النهار ولا اكنو شغال لدرجة انى بفتح الشباك يجيب هوا فى عز الضهر ارحم من التكييف وباليل بيكون معقول وساعات فى الحر بلاقى بيقوم ويفصل ورا بعض بمعدل ثانيه وثانيه
رابعا/ ودا الاهم اللى عاوز حد يفيدنى بحل نهائي انا العربي لما ادور بتعلا اوى وكانك دايس بنزين ومش بتوطى غير بعد فترة لوحدها وممكن طول مشوار بتفضل عليه مش عارف ايه السبب بتعلا اوى ليه وممكن تكون باردة او سخنه بيحصل نفس العيب وفكيت العمه ونضفت البوابه بتاع الكربراتير ومفيش فايدة بس لاقيت فى صباع فى النص فى فيشه مش عارف بتاع ايه وجنبه من تحت شمال فى زى مقاومه راكبلها فيشه من الخارج
والعربيه بتاكل بنزين مش عارف ليه ارجو الرد للهميه لانى زهقت بجد
وبعدين بسمع صوت ونه والعربيه واقف بس الصوت بيروح ويجي ومسمع فى العربيه والصاج وبرضو محدش عارف لدرجة قالو الدينامو وفكيتو مرتين عند كذا كهربائي ويقول سليم بس الصوت موجود ومضايقنى وحدش عارف منين
اسف انى طولت عليكم

**heshamzaky** · 19-08-2010 03:48 PM

بص يا باشا ان شاء الله مايكل زميلنا فى رابطة التمبرا كان معاة تمبرا و حاليا معاة لانشيا ان شاء الله حا يفيدك انتظر لما يشوف الموضوع و يرد عليك و الف سلامة للعربية و ان شاء الله بسيطة

**ashrafbahaa** · 19-08-2010 04:19 PM

شكرا يا اتش وانا فى انتظار الحل والاغاثه

**yoko** · 19-08-2010 04:20 PM

1) لازم تغير كل الكاوتش بتاع العفشة وطبعا كل السيور الكوتش والخراطيم الي نشفت
2) أنا كنت قريت مشكلة التكيف دي قبل كده بس مش فاكر حلها (إسأل في قسم التبريد والتكييف)
3) مقلتش ثالثا أصلا
4) هي كربراتير ولا إنجكشن عشان لو فيه قيشة تبقى إنجكشن ودي مشكلة فيشة الtps أو حساس ال idel

**heshamzaky** · 19-08-2010 04:32 PM

المشاركة الأصلية كتبت بواسطة ashrafbahaa

شكرا يا اتش وانا فى انتظار الحل والاغاثه

العفو يا باشا و بص الصور دى علشان لما ميكو يشوفها يشرحلك عليها الى هوة عاوزة انا مجرد رفعت الصور دى و الافادة علية هوة هههههههههههه دة موتور لانشيا على فكرة دى عربية مين يا ترى هههههههههههههههههههههههه

**ashrafbahaa** · 19-08-2010 04:39 PM

هو دا نفس موتورى بالتمام زى اللى فى الصورة
ومحتاج بعدين اعرف هو ايه طقم الكهربا اللى بيتغير غير البوجيهات لان العربيه اخرها 110كم

**yoko** · 19-08-2010 04:49 PM

طقم الكهربى
بوجيهات
سلوك بوجيهات
ابلاتين وكوندينسر

و110 بس أخبار إسطوانة الدبرياج إيه؟

**yoko** · 19-08-2010 05:05 PM

المشاركة الأصلية كتبت بواسطة ashrafbahaa

الاسطوانه على ماظن تعبانه لان العربيه بترجرج فى الطله وخاصه لما يكون فى ركاب معايا مش بتطلع غير بصعوبه المهم عاوز اعرف مشكله علو الموتور وايه الحل وشكرا ليك وكل سنه وانتم طيبين جميعا

العلو ده إستنى ميكو عشان أنا معرفش هي كربيراتير ولا إنجكشن
وكده لازم تغير طقم الدبرياج عشان ده سبب كبير في إستهلاك البنزين والسرعة القصوي والسحب الضعيف