الموضوع: 128 بتسخن مع السرعات العالية

المشاركة الأصلية كتبت بواسطة ziabassem

بص يا سيد حمدي .. اعتقد مفيش أي سبب من أسباب السخونية إلا واتقال في المنتدى هنا .. وحضرتك كان ردك أن كل ده معمول .. الحل الأخير أنك تغير كل طقم الصنايعية اللي بتتعامل معاهم

لكن هناك حل اخر
انك تغير العربيه و متحاولش تركب 128 تانى لانك اكيد اكيد اكيد اتعقدت

موضوع سخونة ال28 الشائع وبدون مراجعة الاخوة الاعضاء لانهم قالوا كل حاجة ممكن يكون السبب هو الباك بريشر بتاع غازات العادم مابتخرجش بسهولة من غرف الاحتراق وبتعمل فقد في القدرة وسخونة للمحرك وبالاخص كلما رفعنا عدد اللفات
انت ممكن تكون غيرت الموتور بموتور اكبر يعني العربية كانت 1100 وبقت 1300 والفرن والشكمان بيجمع علي ماسورة واحدة مش ماسورتين ..دة يسخن العربية لانة بيعمل موجات متضاربة من غازات العادم تعوق سرعة خروجها ..لو كدة يبقي لازم تغير الفرن من احادي لثنائي ..اما لوكانت العربية زي ماهي وما غيرتش فيها حاجة يبقي راجع علي مواسير العادم مايكونش فيها ضيق او انسداد..لو كل دة سليم يبقي لازم يتعمل كشف علي وش السلندر والبلوك باستخدام برادة الحديد الممغنطة ممكن يكون شرخ بسيط بس دة بيصاحبة زيادة في ضغط دورة التبريد لهروب غازات الاحتراق الي الدورة وممكن يكون برضة انبعاج او تقوس وش السلندر او البلوك نتيجة زيادة الحرارة وبيكون نفس السبب..مع افتراض ان دورة الاشعال سليمة وبحالة جيدة وان الكربراتير ما حدش لعب فية والخليط مضبوط وماحدش فتي وقال نغير البيكات علشان توفر بنزين بمقاس اقل

المشاركة الأصلية كتبت بواسطة h_daim

يا عزيزي انا بالفعل عملت بنصيحتك من قبل و روحت لاكثر من ميكانيكي وكان ردهم نفس الرد السلبي انت عملت كل حاجة ممكن حد يعملها. مع العلم اني مسميش حمدي!

مش معقول يعنى انت غيرت كل حاجه فى العربيه , حتى اسمك غيرته يا استاذ حمدى !!

المشاركة الأصلية كتبت بواسطة kaza

موضوع سخونة ال28 الشائع وبدون مراجعة الاخوة الاعضاء لانهم قالوا كل حاجة ممكن يكون السبب هو الباك بريشر بتاع غازات العادم مابتخرجش بسهولة من غرف الاحتراق وبتعمل فقد في القدرة وسخونة للمحرك وبالاخص كلما رفعنا عدد اللفات
انت ممكن تكون غيرت الموتور بموتور اكبر يعني العربية كانت 1100 وبقت 1300 والفرن والشكمان بيجمع علي ماسورة واحدة مش ماسورتين ..دة يسخن العربية لانة بيعمل موجات متضاربة من غازات العادم تعوق سرعة خروجها ..لو كدة يبقي لازم تغير الفرن من احادي لثنائي ..اما لوكانت العربية زي ماهي وما غيرتش فيها حاجة يبقي راجع علي مواسير العادم مايكونش فيها ضيق او انسداد..لو كل دة سليم يبقي لازم يتعمل كشف علي وش السلندر والبلوك باستخدام برادة الحديد الممغنطة ممكن يكون شرخ بسيط بس دة بيصاحبة زيادة في ضغط دورة التبريد لهروب غازات الاحتراق الي الدورة وممكن يكون برضة انبعاج او تقوس وش السلندر او البلوك نتيجة زيادة الحرارة وبيكون نفس السبب..مع افتراض ان دورة الاشعال سليمة وبحالة جيدة وان الكربراتير ما حدش لعب فية والخليط مضبوط وماحدش فتي وقال نغير البيكات علشان توفر بنزين بمقاس اقل

احسنت و زادك الله علما. فعلا انا غيرت الشكمان كله من الماسورة الي الذيل و الحمد لله العربية ظبطت بشكل كبير جدا حيث ان الحرارة تقف على 90 درجة عند السرعات العالية قد تزيد الي 95 في احيان قليلة و تقل ال 75 في السرعات الهادئة. جزاك الله خير

المشاركة الأصلية كتبت بواسطة thunder155

مش معقول يعنى انت غيرت كل حاجه فى العربيه , حتى اسمك غيرته يا استاذ حمدى !!

ههههههههههههه على فكرة افيه جامد جدا بس انا اسمي يا سيدي هاني عبد الدايم و اخذت حرف H من Hany و Daim من Abdel Daim ليكون H_Daim.

وهو الشكمان ممكن يكون السبب فى ارتفاع الحرارة كده...المفروض لو هو السبب يبقى الحرارة تزيد حتي لو العربية واقفة..صح ولا ايه