الموضوع: ماسوره الشكمان الخلفيه وقعت يا رجاله

المشاركة الأصلية كتبت بواسطة namla

غالبا الماسورة دى قصيرة و بكده العادم هيطلع من الشكمان على الاكصدام من ورا على الشنطة و منها على الصالون

انا حصل معايا كده و خصوصا لما كنت بجرى بالعربية و بعدين الطريق يزحم فكنت بضطر اقف فاشم ريحة العادم لكن طول ما انا بجرى مش بشم حاجة عشان الهوا بيطير الريحة

اعتقد اد ديل الشكمان المفروض يكون طالع برا الشفة بتاعة الاكصدام

و جرب و شوف كده العربية هتعمل معاك ايه

و يا رب تكون زى الفل و مفيهاش حاجة

انا جربتها فعلا والحمد لله مفهاش حاجه وان شاء الله برضوا هركب الديل علشان يبق الشكل حلو ومعقول وربنا يسهل ان شاء الله

المشاركة الأصلية كتبت بواسطة karimfahmy99

من معلوماتى المتواضعة فى علب الشكمان انة فعلا الماسورة اللى فكت منك المفروض انها قطعة واحد من اول العلبة حتى اخرها و مثبتة من الطرفين فى بودى العلبة و فى مرورها فى داخل العلبة بتكون مخرمة . اللى عاوز اقولة ان كلام الراجل مظبوط و الصفاية الداخلية بايظة و متهالكة و دا اللى خلا الديل وقع منك و كان سايب و مع الوقت هتسمع تخبيط جاى من العلبة بس مشى بيها دلوقت بعد ما دفعت 65 جنية مع ان 50 كان كفاية اوى . المهم اعمل حسابك على تغير العلبة و كلامى دا عن تجربة

شكرا يا باشا يبق كدا فعلا انا محتاج علبه خلفيه بس ان شاء الله هعملها عند ابو اليزيد بس لما رمضان يخلص وكدا ان شاء الله

المشاركة الأصلية كتبت بواسطة karimfahmy99

الاخ الفاضل احمد

مش لازم بعد رمضان و لا حاجة طول ما هى ماشية و متسعش صوت خبط منها خلاص . تجربتى اللى بقولك عليها و مشيت كام شهر كدة بعد ملحمت ديل و بعد كام شهر ابتديت اسمع صوت خبط و بيبان اوى ساعة دوارة العربية بس الصراحة برضة سايبها . مهو اللى تعرف ان الصوت جاى منها مش هتبقى قلقان و بقالى اكتر من سنة و لسة بنفس العلبة و زى الفل المهم جسم العلة الخرجى يكون سليم لما تظهر علامات فقفقة و لا صدا خلاص كدة اخرها

والله العلبه شكلها تمام التمام بس ان شاء الله فى اقرف فرصه اغيرها علشان يبق كل حاجه تمام بس اقرب فرصه امتى الله اعلم هههههههههههههههههه لما ربنا يكرم بفلوس اضافيه كدا تقدر ندلع العربيه بيها

المشاركة الأصلية كتبت بواسطة karimfahmy99

ربنا يفتحها علينا اجمعين و يرزقنا حلال ان شاء الله

امين يار ب