تكلفة رش جانبى السيارة كام؟

**mr_kenawy** · 19-08-2010 07:30 PM

السيارة نوبيرا 2 فيها شوية خبطات و فعصات فى الجانبين و البوية بتاعتها تعبت خالص و بقى شكلها مش قد كدة , رحت لسمكرى جنبه بتاع دوكو علشان السمكرى يشوف شغله و بعدين يديهها لبتاع الدوكو جنبه يرش الجانبين (فرن) و الدنيا تضبط , و المقصود بالجانبين الجانبين بالكامل يعنى الاربع ابواب و الرفارف الامامية و الخلفية , بتاع السمكرة قاللى 300 جنيه , و بتاع الدوكو 1000 جنيه , ايه رأيكم فى الاسعار دى و خصوصا ال 1000 جنيه , انا مستكتر الالف جنيه لكن الراجل فهمنى ان تكلفة العربية بالكامل 2500 جنيه و انى هعمل العربية كلها عدا الكبوت و السقف و الشنطة و الرفرفين و بالتالى الالف جنيه معقولة , منتظر رأيكم و لكم جزيل الشكر.

**ahmed_mido1889** · 19-08-2010 08:38 PM

لو العربيه ميتالك ممكن تستاهل 1000 جنيه
و علي حسب البويه اللي هيجيبها

**M.Zaher** · 20-08-2010 12:10 AM

بص ياباشا رش الجنب مصنعيه بس بتاع الدوكو 200 جنيه
يعني الجنبين 400 جنيه

و هاتحتاج كيلو و ربع بويه الكيلو ب 120 جنيه الكابسي
و زيهم ورنيش
و علبه معجون مش فاكر سعره بس مش هايزيد عن 30 جنيه
و علبه فيلر مش هايزيد برده على 20 جنيه
و بعشره جنيه سنفره و ورق جرايد
و حوالي 60 جنيه فرن

نصيحه نصيحة
اتفق مع بتاع الدوكو على المصنعيه بس وقوله مالكش دعوه بالمون
و اشتري انت المون هاتوفر جامد

انا رشيت جنب كامل + الكبوت + وش البوليش اللى بيحسبوه ب 50 جنيه = 470 جنيه
200 جنيه مصنعيه + 270 جنيه مون و فرن

و بالنسبه للسمكره حسب الشغل اللى فيها
انا مره عملت جنب خبطات في الرفرفين و البابين ب 150 جنيه
و المره التانيه بقى في الجنب التاني ب 80 جنيه برده الرفرفين و البابين
و دي بتبقى انت و شطارتك مع الصنايعي

**ahmed_mido1889** · 20-08-2010 01:48 AM

بس البويه الميتالك غاليه علي حسب نوعه
انا اعرف انه بتبتدي من 280 جنيه للكيلو
وبيوصل لحد 900جنيه للكيلو بس ده للحاجات اللي تستاهل زي البي ام

**محمد الشامي** · 20-08-2010 03:10 AM

اللي اعرفه ان في دهانات اوميجا و دي متواضعه في سعرها ومعظم الناس شغاله بيها

وفي دهانات إسكنزل و دي غاليه وهي للعربيات اللي ألوانها ميتالك والألوان الزاهيه المتغيره

بالنسبه لكلمه اوميجا واسكنزل فأنا لغايه دلوقتي مش عارف ده نوع ولا فئه دهانات , لكن ده اللي اسمعه من الناس اللي بترش

**احمد ابراهيم** · 20-08-2010 12:04 PM

المشاركة الأصلية كتبت بواسطة محمد الشامي

اللي اعرفه ان في دهانات اوميجا و دي متواضعه في سعرها ومعظم الناس شغاله بيها

وفي دهانات إسكنزل و دي غاليه وهي للعربيات اللي ألوانها ميتالك والألوان الزاهيه المتغيره

بالنسبه لكلمه اوميجا واسكنزل فأنا لغايه دلوقتي مش عارف ده نوع ولا فئه دهانات , لكن ده اللي اسمعه من الناس اللي بترش

بالنسبة للدهانات الاوميجا و الاسكنز فهى اسماء او انواع و ليست فئات ( ماركات يعنى )

طبعا فى انواع كتير منها الاوميجا و ده رخيص نسبيا
الكابسى و ده اللى معظم الناس شغالين بيه
الاسكنز و اللى سمعته عنه انه هو نفسه بويه الفابريكة يعنى نضيف اووى و الكيلو بتاعه تقريبا كان فى حدود 600 جنية عل ما اتذكر

و على فكرة انا من فترة رشيت رفرفين و اكصدامين و عتبتين و الراجل اخد 400 او 450 كله على بعض يعنى المصنعية بالمون بالكابينة الفرن

بس فعلا لو هتتفق ابقى جيب انتى الالوان احسن و استنضف عشان انا لما رشيت و كان بدهان كابسى طلعت مش حلوة خالص
و ده غالبا عشان الصنايعى كان جايب على حاجات مش مظبوطة اوى

و شكرا يا استاذ محمد الشامى على مساعدتك لينا فى كل المواضيع

**hazemhassan** · 20-08-2010 06:59 PM

طيب يا جماعة انا عندى واخد خبطة فى العتبة اليمنى والاكصدام متخربش شوية خرابيش كدة يعملو كام سمكرة للعتبة فقط ودهان للاتنين
ولكم جزيل الشكر

**محمد الشامي** · 20-08-2010 07:27 PM

المشاركة الأصلية كتبت بواسطة namla

بالنسبة للدهانات الاوميجا و الاسكنز فهى اسماء او انواع و ليست فئات ( ماركات يعنى )

طبعا فى انواع كتير منها الاوميجا و ده رخيص نسبيا
الكابسى و ده اللى معظم الناس شغالين بيه
الاسكنز و اللى سمعته عنه انه هو نفسه بويه الفابريكة يعنى نضيف اووى و الكيلو بتاعه تقريبا كان فى حدود 600 جنية عل ما اتذكر

و على فكرة انا من فترة رشيت رفرفين و اكصدامين و عتبتين و الراجل اخد 400 او 450 كله على بعض يعنى المصنعية بالمون بالكابينة الفرن

بس فعلا لو هتتفق ابقى جيب انتى الالوان احسن و استنضف عشان انا لما رشيت و كان بدهان كابسى طلعت مش حلوة خالص
و ده غالبا عشان الصنايعى كان جايب على حاجات مش مظبوطة اوى

و شكرا يا استاذ محمد الشامى على مساعدتك لينا فى كل المواضيع

انا متشكر لحضرتك على المعلومات الجميله , وعلى ذوقك :-) مشكوووور

**mohfud** · 22-08-2010 03:12 PM

الدهان يدخل فى حدود الالف

**Adham** · 22-08-2010 03:37 PM

ممكن تفاصل معاه لغاية 800 يبقى كويس

و لا أفضل ان حضرتك تدخل في موضوع انك تجيب المون علشان كدة الصنايعي حايشتغلك و يخليك تجيب مون بزيادة (مش حاتخسر معاه و يستخدمها هو في شغل تاني و يكسب منها - مافيش صنايعي بيتغلب في مصر) انت حضرتك فاصل و قاولة انها كلها سمكرة و بوية ب 1000 جنية و هو يستلم من السمكري و يحاسبة و حضرتك تستلم منة و مالكش دعوة بحاجه

خللي بالك ان في رمضان شغلهم نايم

و داخلين على عيد و دول برضة عايزين يعيدوا و انت في اسيوط مفروض الاسعار رخيصة, و الاسعار اللي انا قلتها دي كويسة لحضرتك و للصنايعي مش ظلم لحد بس برضة مش لازم يكارموا بعض في مصالح عالزبون, حضرتك فاهمني طبعا ان البوهيجي بيحط في السعر مصلحه للسمكري علشان جايبلة زبون

و كل عام و انتم بخير

الموضوع: تكلفة رش جانبى السيارة كام؟

LinkBack

أدوات الموضوع

عرض

-

-

-

-

-

المواضيع المتشابهه

سعر تكلفة عمل فخص على السيارة.. وصورة لنموذج الفحص الفنى

كبس جانبى

ما تكلفة تسجيل السيارة؟

كم تكلفة تركيب قواعد للمساعدين في التوكيل؟وهل تؤثر على ثبات السيارة ؟

في حالة بيع السيارة تكلفة العقد أو التوكيل على البائع أم على المشتري ؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة