الموضوع: أروح الشغل ولا لأ ؟؟

شوف يا باشا طالما الموضوع فيه تهديد من الخارج يبقي تروح المخابرات العامه ودول ليهم مكاتب في ديوان كل محافظه علي مستوي الجمهوريه , و لو معرفتش يبقي تروح المقر الرئيسي في حدائق القبه , ثانيا انا حاسس انهم بيلعبوا معاك لعبه ( حافه الهاويه) يعني اني اشدك و اجري معاك و انت عارف ان في نهايه المسار هاويه فتقوم انت تخاف و تتراجع في كلامك في حين اني مش هوقعك لاني ببساطه انا اللي بشدك و لو وقعنا هنقع احنا الاثنين!!!

مش عارف حاسس ان فيها حاجة غريبة الحكاية دي
يعني عندهم التعليم أحسن و البحث العلمي أحسن عندهم يعني أحسنله أنه يختار واحد من هناك
و رأي أنك طبعا عملت صح و رفضت

روح زيارة لمبنى المخابرات العامة .... و إشتغل فى إسرائيل و فى نفس الوقت جاسوس لمصر أو عين ليهم هناك ...

الموضوع مش مجرد مشاكل هنا ... إنت تقبل تشتغل فى إسرائيل؟؟؟ معلش يعنى الواحد لو شاف واحد إسرائيلى بيبقى عايز يدبحه و يسلخة و يقطع راسه و يعلقها على باب زويلة

واضح إن إسرائيل بتحاول جدا إنك تغير فكر شعب مصر عن إسرائيل ... عايزة تعمل تطبيع بجد ...

السلام عليكم و رحمة الله و بركاته

معلش , أنا مش فاهم , دور المخابرات و أمن الدولة بيبقى شكله ايه , يعنى أنت ممكن تروح أمن الدولة أو المخابرات , يقوموا يقولولك, ماتروحش الشغلانة دى ؟؟؟

أنا رأيى أنهم مايقدروش يعملوا كده لأنك أنت بس اللى تقدر تقرر الشغل ده , لو كنت تقبله أو لأ .

أنا رأيى انك تروح أمن الدولة و المخابرات و تبلغهم بالوظيفة دى و كماااااااااااااااان تبلغهم أن العرض و الوظيفة مناسبة جدا و مغرية و أنك مش عاوز تفرط فيها , لأن اللى هيخليك تروح اسرائيل هى ظروف بلدنا المهببة و لو كان فى نص الوظيفة دى ليك فى مصر , كنت قعدت فى بلدك بكرامتك و اشتغلتها و خلاص .

أما بالنسبة للسفر الى اسرائيل بعد ما تبلغ الاتنين دول - أمن الدولة و المخابرات - , أنا مش شايف فيه أى مشكلة و سافر عادى و لو مارتحتش ابقى سيب الشغل هناك و اعتبرها تجربة جديدة فى حياتك و أنك ماخسرتش حاجة ,و لو قعدت السنتين دول فى اسرائيل , هتبقى اكتسبت خبرة فى مجال تخصصك من شغلك فى شركة Multinational و عملت CV محترم يقدر بمشيئة الله أنه ينقلك لأى مكان تانى كويس فى أوروبا الغربية أو أمريكا الشمالية , الا ادا كنت عاوز تلف تلف و فى الآخر ترجع تشتغل و تستقر فى مصر , ماكنت من الأصل تدور على شركة Multinational .

و قبل كل شيييييييييييييييييييييييي ئ , صلى صلاة استخارة .

مازيراتى كواتروبورتيه

المشاركة الأصلية كتبت بواسطة raouf

السلام عليكم
هاقولك نصيحة من اخ كبير وشغال فى شركة مالتينشيونال برضه
اوعى واوعى تقبل بالعرض
لو جواز سفرك اتختم عليه ختم اسرائيل مجرد ختم دخول وخروج فقط لن تستطيع الدخول لكثير من الدول العربية وخاصة دول الخليج وبالتالى هاتخسر فرص عمل كثير هناك وقد تكون افضل من اللى جاتلك
حتى الدول اللى مش ها تمنعك فى كل سفرية ها تنقرف فى المطارات ده لو عرفت تاحد التاشيرة اصلا لهذه الدول
الجاجة الثانية نفترض انك عايز تتجوز وتاخد مراتك معاك مين هاترضى او يرضى اهلها انها تروح معاك
اللى اعرفه ان الشركات دى بتبقى مدعومة من المجلس الصهيونى العالمى للتطبيع وبيدعموا الشركات دى بالمال والمشاريع فى سبيل مساعدتها على التطبيع
على فكرة لو رحت فيه خطوات بعد ذهابك للشركة وهى
محاولة اقتاعك بالزواج من اسرائيلية ( وقد تكون جنسية اخرى للتمويه )
اقناعك بالهجرة لامريكا مثلا علشان يسهلوا ليك عملك
وفى النهاية مهما كان العرض صدقنى ستكون الخسائر اكثر بكثير من المكاسب

جزاك الله خيرا ....رأى محترم

المشاركة الأصلية كتبت بواسطة ahmadyusuf

اكيد لو مكانك مش حروح , و حستوعض ربنا فى الشغل و ربنا يكرمك فى شغل تانى ان شاء الله
المساله مش مساله مشاكل حتحصل او قلق من اهلك او او او
المساله مساله مبدأ , احنا اصلا المفروض منعترفش ان فى حاجه اسمها اسرائيل , فى حاجه اسمها فلسطين المحتله و ربنا يوفقك

مائة بالمائة صحيح، الموضوع ليس موضوع مشاكل، الموضوع هو رضا الرزاق الذي اعتقد لن يكون راضي عن من يقوم بدعم وجود السرطان الصهيوني الذي يستحل دماء واعراض المسلمين، ودعم هذا السرطان يبدأ من الكلمة التي يكتبها دعاة التطبيع ووصولا لمن بقدم خدمات تعينهم على المعيشة ويصدر لهم الغاز.

المشاركة الأصلية كتبت بواسطة eng_ahmedryad

من ترك شيئا لله عوضه الله خيرا منه

قد لا تشعر بهذا الحديث النبوي الان لكن تأكد انه مع الوقت والخبرة في الحياة واخلاص النية لله سوف تراه وتشعر بأيات الخالق سبحانه وتعالى وتأكد ان من يتقي الله يجعل له مخرجا ويرزقه من حيث لا يحتسب.

المشاركة الأصلية كتبت بواسطة airforces

مش عارف الموضوع دا غريب اوى
المفروض انك مصرى يعنى الأتش ار المفروض يستبعدوا البلد دى لأنه ما ينفعش يحطوك فى مكان انت كارهه بطبيعتك ودا شغلهم
لكن يقولوهالك كدا وصراحة وبعدين انت بتقول اختبارتهم كانت صعبة وانت اجتازتها يبقا هما حاطين عينهم عليك وهيغروك بالفلوس فالموضوع يقلق الصراحة رأيى حاول تشوف شغل فى مكان تانى وربنا يوفقك

والله فعلا كلام مقلق

المشاركة الأصلية كتبت بواسطة maserati

السلام عليكم و رحمة الله و بركاته

معلش , أنا مش فاهم , دور المخابرات و أمن الدولة بيبقى شكله ايه , يعنى أنت ممكن تروح أمن الدولة أو المخابرات , يقوموا يقولولك, ماتروحش الشغلانة دى ؟؟؟

أنا رأيى أنهم مايقدروش يعملوا كده لأنك أنت بس اللى تقدر تقرر الشغل ده , لو كنت تقبله أو لأ .

أنا رأيى انك تروح أمن الدولة و المخابرات و تبلغهم بالوظيفة دى و كماااااااااااااااان تبلغهم أن العرض و الوظيفة مناسبة جدا و مغرية و أنك مش عاوز تفرط فيها , لأن اللى هيخليك تروح اسرائيل هى ظروف بلدنا المهببة و لو كان فى نص الوظيفة دى ليك فى مصر , كنت قعدت فى بلدك بكرامتك و اشتغلتها و خلاص .

أما بالنسبة للسفر الى اسرائيل بعد ما تبلغ الاتنين دول - أمن الدولة و المخابرات - , أنا مش شايف فيه أى مشكلة و سافر عادى و لو مارتحتش ابقى سيب الشغل هناك و اعتبرها تجربة جديدة فى حياتك و أنك ماخسرتش حاجة ,و لو قعدت السنتين دول فى اسرائيل , هتبقى اكتسبت خبرة فى مجال تخصصك من شغلك فى شركة multinational و عملت cv محترم يقدر بمشيئة الله أنه ينقلك لأى مكان تانى كويس فى أوروبا الغربية أو أمريكا الشمالية , الا ادا كنت عاوز تلف تلف و فى الآخر ترجع تشتغل و تستقر فى مصر , ماكنت من الأصل تدور على شركة multinational .

و قبل كل شيييييييييييييييييييييييي ئ , صلى صلاة استخارة .

مازيراتى كواتروبورتيه

سيدي الفاضل، مع احترامي لشخصك الكريم لكن مش معنى ان بلدنا ظروفها مهببة يبقى نبيع مبادئنا وضمائرنا ونبيع رضا ربنا !! ولو كان هي ديه الفلسفة فى التفكير يبقى بنفس الفكر مفيش مانع ان بنات بلدنا يشتغلوا بالبغاء ويبيعوا أجسادهم لأن بيع الجسد لا يختلف كثير عن بيع الدين ورضا الله. أرجوك سامحني، انا مقصدش اضايقك لكن ده اساسيات يا عزيزي ولا قول على الدنيا السلام.

ثانيا، مين قال ان اخونا الفاضل حيعمل سي فس محترم بالشغل في اسرائيل؟ مائة بالمائة من الدول العربية ومصر حيشوفوها عيب مش ميزة والدول الأوروبية حتشوفها شئ عادي، يعني مش حاجة مبهرة ان واحد يشتغل في اسرائيل.

المشاركة الأصلية كتبت بواسطة raouf

السلام عليكم
هاقولك نصيحة من اخ كبير وشغال فى شركة مالتينشيونال برضه
اوعى واوعى تقبل بالعرض
لو جواز سفرك اتختم عليه ختم اسرائيل مجرد ختم دخول وخروج فقط لن تستطيع الدخول لكثير من الدول العربية وخاصة دول الخليج وبالتالى هاتخسر فرص عمل كثير هناك وقد تكون افضل من اللى جاتلك
حتى الدول اللى مش ها تمنعك فى كل سفرية ها تنقرف فى المطارات ده لو عرفت تاحد التاشيرة اصلا لهذه الدول
الجاجة الثانية نفترض انك عايز تتجوز وتاخد مراتك معاك مين هاترضى او يرضى اهلها انها تروح معاك
اللى اعرفه ان الشركات دى بتبقى مدعومة من المجلس الصهيونى العالمى للتطبيع وبيدعموا الشركات دى بالمال والمشاريع فى سبيل مساعدتها على التطبيع
على فكرة لو رحت فيه خطوات بعد ذهابك للشركة وهى
محاولة اقتاعك بالزواج من اسرائيلية ( وقد تكون جنسية اخرى للتمويه )
اقناعك بالهجرة لامريكا مثلا علشان يسهلوا ليك عملك
وفى النهاية مهما كان العرض صدقنى ستكون الخسائر اكثر بكثير من المكاسب

مائة بالمائة صحيح، والخلاصة ربنا يكرمك بشغل افضل ويعوضك خير، ومن فضلك ابعتلي السي في بتاعك وربنا يقدم اللي فيه الخير ان شاء الله.

إقراء هذه الاية جيدا وتدبرها:

( قل إن كان آباؤكم وأبناؤكم واخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره والله لايهدي القوم الفاسقين) 24 التوبة