مياه الردياتير بها طحينة ( نصر 128 ) ؟؟؟؟

**refath** · 19-08-2010 10:11 PM

السلام عليكم رحمة الله وبركاته

انا يا شباب لسه مغير الردياتير من اسبوعين نحاس 3 ماسورة ومركب ثرموستات 68 - 82 والحمد لله الحرارة لا تزيد عن 90 درجة وكمان غيرت طرمبة المياه يوم السبت اللى فات وغيرت خرطومين مياه عشان كانو بايظين
المشكلة ان بلاقى مياه الردياتير مزيتة وكمان زى ما يكون فيها طحينة بالضبط وكمان المياه بتنقص يعنى لازم ازودها كل يوم حوالى 1/4 لتر وممكن ازودها بعد كل مشوار

يا ترى فى خطورة بالنسبة لموضوع الزيت والطحينة دى
مع العلم انى العربية مبتسخنش منى خالص وكمان لون الزيت طبيعى جدا وكمان فتحت غطاء الزيت لاقيته نضيف ومفيهوش اى اثار طحينة
هل هذا من علامات جوان وش السلندر

**yoko** · 19-08-2010 10:46 PM

ده طبعا جوان وش سلندر بس لسه في أولة ورأي الشخصي لإلحقة بدل ما تعملها معاك وإن في الطريق وتجيب الوش كله زي ما حصل معايا
كان فيه تسريب خفيف وكبرت دماغي وأنا ماشي على الدائري هوب العربيه وقفت فكيت الوش عند الميكانيكي لقيت الوش متاكل وعامل مجرى بين ال4 سلندرات كإنهم واحد!!!

**yoko** · 19-08-2010 11:37 PM

مش فاكر بالظبط بس الجوان مكملش 20 جنيه والمصنعيه مش كتير مش فاكر بالظبط بس متأكد إن مكملتش 200 جنيه بالإكراميات
وده سبب إن العربيه بتاكل بنزين

**H_Daim** · 23-08-2010 12:24 PM

المشاركة الأصلية كتبت بواسطة refath

200 جنيه مصنعية

ربنا ييسر الحال
الف شكر على المساعدة
وربنا يشفيك ان شاء الله

بص يا سيدي انا لسه عامل المشوار ده انت هاتجيب 2 جوان وش سلندر 30جو جوان مانفول 8ج و 2 جوان شكمان كحكة 2ج و مصنعية 50ج يبقى التكلفة كلها 90ج بس.

**yoko** · 23-08-2010 06:49 PM

المشاركة الأصلية كتبت بواسطة h_daim

بص يا سيدي انا لسه عامل المشوار ده انت هاتجيب 2 جوان وش سلندر 30جو جوان مانفول 8ج و 2 جوان شكمان كحكة 2ج و مصنعية 50ج يبقى التكلفة كلها 90ج بس.

أنا صحيح مليت الوش وقشطة كمان!!! عشان كده عديت ال200

**yoko** · 23-08-2010 08:58 PM

المشاركة الأصلية كتبت بواسطة refath

الف شكر ليكم يا شباب

بس انا فى حاجة عجيبة حصلت معايا
اول امبارح وانا راجع على البيت فوجئت انى الحرارة 130 درجة طبعا طفيت العربية وفتحت الكبوت وفتحت غطاء الردياتير
لافيت المياه ناقصة جامد
المهم استنيت لحد ما العربية بردت ودورت وحطيت مياه والكلام ده كان اول امبارح
ومن بعديها كل يوم ابص على المياه الاقيها تمام مش ناقصة ومياه القربة ناقصة حاجة بسيطة جدا يعنى تقريبا نص كوب مياه
ولاحظت ان المياه لونها طبيعى ومش مزيتة ومفيش طحينة وكمان جربت العربية النهاردة على الدائرى وجريت بيها بتاع ربع ساعة والمؤشر موصلش للـ 90 درجة
يا ترى ده من ايه
هل ممكن يكون من غطاء الردياتير مكنش راكب كويس عشان كده المياه نقصت
وهل لون الطحينة اللى انا شفتها دى ممكن تكون صدا او وساخة ظهرت بعد تغيير طلمبة المياه

إحتمال وارد جدا