تجربتي في السفر لأول مرة باللوجان صد رد بعد أول 1900 كيلو
بسم الله الرحمن الرحيم
حدثت إمبارح عندي حالة طارئة إستدعت سفري إلي رأس البر
المهم إتحركت بعد صلاة الفجر
وغلط وخدت الدائري أنا وزوج أختي أنا باللوجان وهو بلانسر 1300
وسبب إني بقول غلطت أن كان في مقطورة مقلوبه وبوظت الدنيا ووقفت الدائري
المهم نقسم التقييم لمراحل
1- وأنا داخل من الدائري للطريق الزراعي قرب قليوب في حته في الطريق مجوفة علي قد العجلة بتاعة العربية يعني العجل ينزل وفيها وفي حته عالية في النص تخبط العربية من تحت
---الأنسر حكت حكه صح من أولها لأخرها لدرجة أن قريبي وقف يبص علي عربيته
---اللوجان ما شاء الله ولا في البال الموضوع ده بس قولت أبص برده ولاول مرة أكتشف وجود لوح حديد تحت الموتور (هل هو ده التدريع يا جماعة وهو حدوده من فين لفين ؟؟)
2- أستلمنا الطريق وطبعا التكييف شغال طبعا معرفتش أزود في السرعة عن 130 لأن الزراعي نادر لما تلاقيه فاضي وتعرف تاخد راحتك في . العربية ما شاء الله إتزان ولو أديتها هتجري ومع التكسير اللي في الطريق أنت قاعد جوه بتسمع صوت لكن مش حاسس بحاجة
---الأنسر كان قافل التكييف علشان يعرف يشد معايا بس
3- وصلنا وعند البوابة قريبي دخل فيا من ورا من غير قصد :majd(4): بي الحمد لله النمر بتاعت العربية اتنت وخدش بسيط جنبها يتشال بالدهك عادي
4- قضينا اليوم في الحر بصراحة رأس البر جوها زفت :_Alshmokh08[1]: حر وعرق بس جوه العربية موضوع تاني اللي تعبني موضوع الشحن الزيادة بتاع الفريون بيفرق لما الجو يبقي حر نااااااااااااار
5- وفي طريق العودة بقي كان الطريق ضلمة وماشيين كل كام متر مطب بس أول ما دخلنا القاهرة أختفيت
تقيمي العام
العربية بصراحة ممتازة بالنسبة لتمنها وأنا شايف انها تتقارن بعربية زي الانسر والنيو أكسنت واللي مش شايف ده صح يا ريت يقولنا ليه :ma(36):
أنا كنت عايز أعرف هو انا مش لاقي فرصة أجري فيها وأفتح الموتور بس بعد رمضان ان شاء الله مسافر مرسي مطروح ..هل ده في مشكله لو التفتيح أتأخر لحد 3000 أو 4000 كيلو ؟؟ :satelite:
