كلاكيت تاني حادثة.... ربنا يحفظ الجميع و يستر طريقكم
المكان :مصر الجديدة
الوصف: انا ماشي بسرعة في شارع راكن فيه عربيات علي الالجنب الشمال صف موازي للرصيف و علي اليمين صف عمودي .. و الخ الي خبط معايا بعد الصف العمودي راكن انتظار .....
و كعادة معظم شعبنا الحبيب و هوة برضة مدي انتظار و من غير ميقلبه اشارة شمال علشان بقية الشعب اللي جاي من ورا البيه يفهم هوبا قام طالع .....
مقدرش اقول اني مش غلطان .... كنت ماشي بسرعة و كنت بجيب علبة المناديل من علي الكنبة و لما لفيت لقيته كدة ضربت كلاكس و متخيلتش ابدا ان البيه مشهيقف ....
النتيجة :
رزعت رفرفه و اكصدامه الشمال برفرفي و جنطي اليمين
الخسائر من المنظر:
عنده رفرف و اكصدام بالسلامة ..... الله اعلم بحالة العجل و العفشة
عندي ... عضعضة علي الرفرف تستعدل علي البارد"تمت"
....شطفة في حرف الجنط اليمين..."رجعته ورا... و رصصت الطقم الوراني و جبته قدام و ظبط زوايا "العجلة اليمين خدت زرجينة للزوايا"
الاكصدام كان فاتح بق من الجنب .... بعد الفك و التركيب لسة فاتح بق علشان طبعا الكلبسات البلاستيك اللي بيركب عليها بقت اشلاء اجزاء ..... لو جبتها يركب فابريكة لان كلبساتة طرية و متكسرتش
و طبعا علشان العربية صعبت عليا غسلتها من تحت و شحمتها بجاز و زيت
سمكرة "فك الرفرف تماما و استعداله و تركيبه "مضطر علشان كان زانق علي باب المرافق" 65 علشان الصيام و مبرضاش افاصل في المصنعيات مع ان المفروض اخرها 45-50
غسيل و تشحيم 25 في بنزينى التعاون "مصدق مع الدقي"
ظبط زوايا 30 "نفس البنزينة"
زرجينة 40 "نفس البنزينة"
ترصيص عجلتين 20"نفس البنزينة "
مع اني مكنتش ناوي اصلح الباب "لسة لغاية الان علي خبطته القديمة-باب خلفي شمال-"بس واضح كدة اني هدخلها تبع التأمين تتظبط بقي طالاما الاكصدام فاتح بقه و... وده علشان انا شبه متأكد اني مش هلاقي الكلبس برة .... لو لقيته ممكن اطنش ....
ربنا يستر طريقنا و اياكم ....
سلاموا عليكم