الموضوع: فرامل كورولا 99 عيون

المشاركة الأصلية كتبت بواسطة mahmoudselim

مش لازم طنبورتين جداد علي فكرة. ممكن تروح لخراط يساوي الطنبورة لو متخرطتش قبل كدا .
ولو انتا مصمم انا ممكن اشوفلك المكانيكي ال بتعامل معاة بيجيب حاجات العربية استيراد بس نظيف جدا جدا
واسعارة في التمام, بس منصحكش لو الطنابير متخرطتش قبل كدا .

هما قالو كده

هما طبعا مش اتخرطوا قبل كده

بس قالي ان الطنبورة هترق

وانا مش مرتاح للموضوع ده

وبعدين دي الفرامل يعني مفيهاش هزار

اما بالنسبة للاسعار فانا بس عاوز اعرف في حدود قد ايه




وشكرا لاهتمامك

المشاركة الأصلية كتبت بواسطة mr_sameh

اشتري اتنين استيراد في حدود 150 جنيه

اتنين ايه الاستيراد في حدود 150 جنيه يا استاذ سامح ؟


الطنبوره الواحدة في حدود 150 ؟!!
مش شايف انها رخيصة ؟

ايه يا تيوتاوية انا جيت في النمرة غلط ولا ايه :]

طبعا بهزر معاكم

ولكن يا ريت منكم المشورة والنصح

في ناس قالتلي ان الطنبورة في حدود 1000 جنيه


ايه رأيكم يا جماعة

وبعدين محدش رد في موضوع الabs

متابع و بقوة
لان تقريبا عندى نفس المشكلة

اولا مافيش حاجه اسمها اروح اشتري طنابير استعمال دا من وجخة نظري ووجهة نظر بعض الصنايعيه كمان الكلام ده يتعمل في اللادا او البلونيز او الفيات القديم عامتا الطنبور مش بيكون المطلوب فيه التخانه وبس المهم ما يكنش فيه رفه هوا دا اللي بيعمل الصوت وبعدين ما انت لو جبت الاستعمال لازم قبل ما تركبه تروح تمسحه من الجنبين والداير بتاعه عند الخراط يبقى ما عملناش اي جديد باختصار شوف الطنابير بتاعتك لو تخانتها لسه بحالتها بس فيها خرابيش(بيسموها مريجه مطرح التيل) يبقى روح امسحها عند حد يكون متخصص مسح طنابير (غالبا الجماعه اللي بيملو التيل بيكون عندهم المكنه ديه لان ما تضمنش مكن الخراطه برده وظبطه بيكون حسب خبرة الخراط انما المكنه اللي بقول عليها ديه بتظبط الطنبور في مكانه بالظبط) ولا يمكن يوصل سعر الطنبور الجديد ل1000 جنيه ارخص من كده بكتيييييييييييييييير وعلى فكره معظم الناس متعرفش الطنبور بيبوظ من ايه انما من واقع الخبره ودا في معظم العربيات ان الطنابير خصوصا الاماميه بتبوظ في الشتا اكتر منها في الصيف ودا نتيجة ان الارض بتكون فيها بركة مياه والواحد بيجري بالعربيه ومع دوس الفرامل الطنبور بيسخن وتيجي بركه ميه ينزل فيها الواحد غصب عنه وتيجي الميه على الطنبور وهوا سخن فتبرده بسرعه فيتلوح وتحصل حكاية الرفه دي مع دوسة الفرامل اما بالنسبه لموضوع الabs صعب انك تركبه في عربيه مفهاش النظام ده لان ده مش مجرد فيوز وفيشه دا جهاز كامل بيركب بعد السرفو وبيوزع على الاربع عجلات والاجهزه بتاعت الاربع عجلات لازم يكون فيها الحسسات الخاصه بهذا النظام وعلى فكره الحسسات ديه بشتغل على جزء معين من الكوبلن بيكون خلف الكوتشه الخارجيه وشبه الترس يعني معنى كده انك عشان تغير من عربيه عاديه للنظام ده محتاج absكونترول يونت +اربع اجهزة فرامل بالحسسات لكل عجله +كبالن اماميه مهيئه للعمل بهذا النظام وعلى فكره في العربيات ديه مالهوش لازمه لان الabsبينزل في العربيات ذات الوزن التقيل عشان يساعد في الوقوف السريع للكتله التقيله للسياره انما الكورولا تتمتع بوزن خفيف الى حد ما مع العلم ان نظام الفرامل حتى لو الفرامل الاماميه قفلت على العجل والعربيه بدات بالزحف الفرامل الخلفيه مصممه انها ما تقفلش على العجل وبتخلي العربيه ما تنحرفش وتقف في اقل ومسافه ممكنه
ارجو ان اكون قد افدتكم