جيت النهاردة افتح باب الدايو لقيت الاكرة تعلق (تطلع لفوق ومتردش لمكنها) اية الحل ياشباب:satelite:
عرض للطباعة
جيت النهاردة افتح باب الدايو لقيت الاكرة تعلق (تطلع لفوق ومتردش لمكنها) اية الحل ياشباب:satelite:
كده غالبا السلك الصلب الواصل بين المقبض والـ Lock بتاع الباب خرج من مكانه (من ناحيه المقبض)
فك فرش الباب عادي جدا , وبص على السلك الصلب ده من ناحيه المقبض , وشوفه راكب مكانه ولا لا , وفي الغالب هتلاقيه خرج من مكانه نتيجه ان الباب اتقفل جامد (اترزع) والله اعلم طبعا
وخلي بالك ان السلك ده بعد تركيبه في مكانه صح المفروض انه يبات جوا قطعه بلاستيك مثبته في الباب بشكل عكسي مع اتجاه تركيبه عشان ميفكش تاني من مكانه
الصوره الجايه فيها توضيح لشكل الباب وهو مفكوك , وهتلاقيني مشاورلك بأسهم على السلك الصلب المقصود , بص عليه من اوله لأخر وان شاء الله يكون الموضوع بسيط :-)
http://i815.photobucket.com/albums/z...lti/lanos2.jpg
وفي احتمال تاني كمان
ان السوسته المسئوله عن رد المقبض نفسه تكون اتكسرت او فكت من مكانها , و ده هيبان بعد فك الباب
اعتقد ان صاحب المشكلة يقصد الاكرة الخارجية بدليل كلمة (تطلع لفوق ومتردش لمكنها) و دا هيكون اما السوستة اتكسرت او ودن من الودان اتكسرت . لو سوستة بتاع الابواب بيصلحها اما لو ودن يبقى تغير الاكرة
يا سيدى مختلفناش ردك ممتاز . بس انا عن نفسى فهمت كل الكلام دا على الداخلى . و اعتقد اى حد برضة هيعتقد كدة . حصل خييييييييييييييييير
حصل خير ياريس وربنا ما يجيب خلافات ابدا :-)
انا يمكن موضحتش قصدي بالكلام وبالصوره بنسبه 100% بس ده لاني كنت معتمد على ان اللي هيفك الباب اكيد عينه هتجيب كل حاجه موجوده في الباب :-) وبالتالي حتى لو انا مقولتش الاماكن بشكل مباشر فصاحب العربيه عينه هتقدر تمييز الوضع السليم من الوضع الغير سليم
وعشان كده كررت مشاركتي مع تكبير وتلوين الكلمات المقصوده , عشان اللي مش واخد باله بشكل عام ينتبه :-)
وبشكر حضرتك على المناقشه الجميله وان شاء الله صاحب الموضوع يحل مشكلته ويبلغنا بالجديد معاه :-)
وكل سنه وحضرتك طيب
و انت بالف صحة . على فكرة احنا جيران . انا برضة من الدقى جنب سينما التحرير . انت منين و حاولت اعملك اضافة على المسنجر بس انت قافلة . انا هوت نفس الاسم
غالبا الودن بتاعه الاوكره اتكسرت او السوسته فلتت ( لازم الاوكره تتحل من مكانها علشان تعرف السبب
للاسف انا مش فـ 14 :-) انا عارف ماجيك ومكتب التصوير الهندسي لكن بصراحه ماخدش بالى من عربيه الفول :-) ههههههههه بس واضح طبعا انها بتقف الصبح بدري (بما انها عربيه فول)
عالعموم انا جنب الفيلا الصغيره اللي قبل المستشفى على طول :-) بس كل ده حضرتك لسا مقولتش انت فين من عبدالرحيم صبري :-) ؟؟؟؟؟؟
ههههههه اوعى تكون العمارة اللى كنت و انا صغير بنزل منها و اطلع على شارع محمد خلف اختصارا للف .
غموض لية بس ؟؟ انا فى 16 بس حاليا مش مقيم فيها بس شبهة كل يومين اطمن على الولدة . و بدل وجع القلب مضفنى ع المسنجر قلتلك نفس الاسم هوت
والله يا باشا حاليا مش هينفع اضيفك لاني في الشغل والمسنجر معمول عليه حظر من الشبكه :-)
بس ان شاء الله اول ما اروح هضيفك وندردش شويه , وبجد انا اتشرفت بمعرفه حضرتك :-)
بس قولي هي 16 دي فين ؟؟ قبل فندق كنج ولا بعده ؟؟ لاني مباخدش بالى من ارقام العمارات :-)
لا قبل الفندق . لزق فى السفارة . هنتظر اضافتك انا نازل و هرجع على 3 العصر و هفتح ندردش شوية . الشرف ليا اشكرك
شرح ممتاز للعطل و إن شاء الله هيبقى بسيط
يرجى من العضو الانتباه الى كتابة "ان شاء الله" بشكل صحيح
مشرف عام الكورى و الماليزى