لحام الكاوتش التيوبلس

**zakiali** · 06-03-2008 02:01 PM

انا معايا فيرنا 2008 - 1600 ولله الحمد جيت أركن عند الساسي بتاع دار القضاء العالي بعدها مشيت لقيت صوت حاجه معدن بتطقطق في الكاوتش طلع مسمار حدادي الله لا يسامحه اللي رشقه في الكاوتش - اعوذ بالله من دي ناس ! المهم غيرت الاستبن وتاني يوم قلت أروح للبنزينه ازبط الدنيا المهم لقيت الأربع فرد علي الأرض مهوين وانا راكن تحت البيت !! ( انا من نصر الدين الهرم ) انا مش عارف هيعملوا فيها ايه تاني ربنا يستر يعني هو كل واحد يشتري عربيه جديده يعين عليها غفير ولا يفضل صاحي طول الليل ولا يبات فيها أحسن !!

المهم اسف للأطاله بس حبيت افضفض لحسن دمي اتحرق علي الصبح

رحت البنزينه الواد بتاع الكاوتش قالي دي تيوبلس ودي اول مره تنزل في الفيرنا الكاوتش نسر علي فكره ولحمه كده بطريقه غريه راح حاطط حاجه كده زي خيط الدبار وقالي ده لحام مستورد وراح مدخل مسمار كبير كده في الخرم وسد الخرم بالحته دي اللي دخلها وبس .. قلتله ايه ده هي كده اتلحمت ؟ قالي ايوه يا بيه كده تمام ولو حصلها حاجه تاني يبقي العجله دي تلزمني ! قلتله طيب هي مش بتتلحم من جوه برده قالي لا عشان العجله جديده ولسه زفره مش هينفع تتفك .. قلتله طيب كده اقدر امشي بيها يعني قالي أيوه يا بيه !! قلتله طيب ياخويا ..

هل طريقه اللحام دي صحيحه ولا لحمها امريكاني ؟

**eng_mkhalaf** · 06-03-2008 03:59 PM

بس يا باشا هو عمل الصح بس مش قوووى - لأن لحام التيوبلس فعلا بيتم عن طريق الخابور والخابور الواح بيتكلف 5 جنية بس الطريق دية بتبوز السلك الداخلى للعجل على المدى الطويل
كان أحسن حاجة تلحمة من جوة وتغلس علية بس هيبقى أغلى - على العموم خيرها فى غيرها

**Hossam.Hamdy** · 08-03-2008 03:28 AM

المفروض يستخدم الخبور اللى لونه اسود ده رفيع مش زى البنى تخين...
بعد كده لو حصل حاجه تانى لاقدر الله متروحش بنزينه...
روح لبتاع كاوتش هيستخدملك اللحام الصح سواء خابور او غيره

**zakiali** · 08-03-2008 04:32 PM

مشكورين يا شباب .. جزاكم الله خير .

**elrasy** · 08-03-2008 11:02 PM

اوعى تعمل خوابير تانى لانها بتبوظ العجل ,,, احسن حاجة لحام المكوى من الداخل طبعا.
ملحوظة: متصلحش الكاوتش عند اى بنزينة اخرك تظبط الضغط لانهم بيكونوا مأجرين المكان غالى وبيحاولوا دايما يخدعوك علشان ياخدوا اكتر من حقهم.

**modux** · 08-03-2008 11:13 PM

المشاركة الأصلية كتبت بواسطة Hossam.Hamdy

المفروض يستخدم الخبور اللى لونه اسود ده رفيع مش زى البنى تخين...
بعد كده لو حصل حاجه تانى لاقدر الله متروحش بنزينه...
روح لبتاع كاوتش هيستخدملك اللحام الصح سواء خابور او غيره

+111111111111111111

**mazgangy** · 10-03-2008 04:06 AM

المشاركة الأصلية كتبت بواسطة elrasy

اوعى تعمل خوابير تانى لانها بتبوظ العجل ,,, احسن حاجة لحام المكوى من الداخل طبعا.
ملحوظة: متصلحش الكاوتش عند اى بنزينة اخرك تظبط الضغط لانهم بيكونوا مأجرين المكان غالى وبيحاولوا دايما يخدعوك علشان ياخدوا اكتر من حقهم.

+11111111111

**Islam_galal** · 10-03-2008 01:01 PM

يا جماعه إسمحولي أأقول أساسيات في إصلاح الكاوتش
1- إياك و الخوابير - ممنووووووع تماما.
2-إياك و الإصلاح في البنزينه.
3-إحتفظ بكمرة داخلية في شنطة العربية و لو اضطريت تدخل بنزينة خليه يزود العجلة بس لغاية لما تروح لواحد بتاع كاوتش أو خلية يركبلك الكمرة الداخلية لغاية لما تروح لواحد بتاع كاوتش

صدقوني كان في موضوع قديم كتبته عن اصلاح التيوبلس
http://www.nilemotors.net/Nile/showt...ED%E6%C8%E1%D3

أعتقد المناقشة فيه مفيدة أكتر

**MEDO80** · 15-03-2008 12:20 AM

اوعوا البنزينات احسن ولاد حرام تروحلة و العربية يا دوب عاوزة تغير بلف تلاقي بقدره قادر العجلة واخدلها حوالي 5 او 6 خوابير ( دا العربية عفوا ) و تدفعلك حوالي 30 او 40 جنية في خوابير يعني خوابير و غرامة
و موضوع الخوابير زي الاخ ما قال بيبوظ العجل
بس الميزة الوحيدة الي فية انة مش بيبوظ الترصيص بتاع العجل و خصوصا لو نسر الله يلعنة و
لو حد عاندة اي خوابير اسف اقصد استفسار انا موجود علشان انا بقيت خابور اسف اقصد خبير فيها و شكرا

**ahmed1981** · 15-03-2008 12:41 AM

المشاركة الأصلية كتبت بواسطة elrasy

اوعى تعمل خوابير تانى لانها بتبوظ العجل ,,, احسن حاجة لحام المكوى من الداخل طبعا.

إياك وإستعمال الخوابير
لابد أن تلحم الكوتش من الداخل للمحافظة عليه
ولا تنسى ترصيص العجل بعد التصليح

الموضوع: لحام الكاوتش التيوبلس

LinkBack

أدوات الموضوع

عرض

لحام الكاوتش التيوبلس - انشر الموضوع فى :

-

-

-

-

خابور -

-

المواضيع المتشابهه

لحام الكاوتش التيوبلس ارجو الافادة <............*

الفرق بين الكاوتش التيوبلس و الكاوتش الداخلى و ايهم افضل

لحام التيوبلس على البارد

الكاوتش انفجر مباشره بعد لحام الكاوتش .. الاسباب ؟؟

سؤال عن الكاوتش التيوبلس

الكلمات الدلالية لهذا الموضوع

المفضلات

المفضلات

ضوابط المشاركة