-
مضايق من نفسي جدااا
السلام عليكم اولا
ثانيا انا كنت من نص ساعة بوصل خالي من التجمع للحي العاشر المهم وانا ماشي في امان ربنا وداخل عند الزهراء مدينة نصر
الاقي سواق ميكروباص رمي علي رمية كان هيطير الرف رف الشمال
المهم جريت وراه ورميت عليه بوز العربية وقف
عرضت العربية في نص الشارع ونزلت وحتة بوكس في ام وشو علي حتة قلم طلعو الغل اللي جوايا وكام شتيمة بيئة طبعا
افجيء بعد ماضريت السواق طلع عيل يجيب 2 او 3 اعدادي
ووشو جايب دم
المهم الناس بتحوش وانا طااااااااايح
لدرجة اني زقيت خالي زقة جامد وهو ماسك ايدي وانا عايز اكمل عالواد
المصيبة اني مابحبش امد ايدي علي حد حتي لو كان هزار
والمصيبة الاكبر اني شتمت شتايم قليلة الادب قدام خاللي
هو دول السببين اللي مضايقني جدا وبالذات السبب الاول
نصيحة لو حصل معاك موقف زي ده ماتتخانقش سيبو يغور وخليك بارد:dontudear:
-
و لا يهمك يا مان .......... تلاقيك بس كان فى حاجه مضايقاك ...........
جميل انك حسيت بالغلط .. ركل سنه و انت طيب و رمضان كريم
-
ملكش حق تدايق يعنى انت كنت هتفرح لما كان يخبط عربيتك دى ناس عايزه ...........
بس انت روق بس و مره تانيه خليك هادى البرود مفيش احسن منه فى البلد
-
الحمد لله انها جت على قد كده وربنا يسترها فى طريقك ان شاء الله ونصيحة ليك السواقة فى البلد دى عايزة واحد باااااارد و حاول تتجنب المشادات مع سواقين المكروباص دول لانهم أقل منك فى المستوى و فى الفكر
-
طيب و انت ايه الى خلاك تعمل ده كله؟
ما طول عمر الناس بترمى على بعضها و الى واخد باله بيبعد و كام كلاكس و الموضوع خلص
الخناق قلة قيمة و بهدلة وبعدين انت كان معاك خالك يعنى المفروض انك متبهدلهوش معاك
حاول تهدى نفسك
-
المفروض تدور على السواق ده و تروح تعتذرله .... ده أقل حاجة تعملها بإللى عملته ده ...
و الحمد لله ربنا سترها معاك و مكانش معاه سلاح أو كان قوى و عمل معاك الواجب ...
و الحمد لله على كل شئ و ربنا هيغفرلك إن شاء الله
-
كن بارد ولا تكن تنح
وياريت بلاش الخناقات لانها بهدلة وقلة قيمة
ومتضمنش السواق دة ممكن يكون شارب ومش فى وعية
-
حاول تهدى اعصابك لان المواقف دى هتقابلك كتير طول ما انت بتسوق فى البلد دى فمش معقول هتعمل كدا كل يوم... وكمان زى ما الاخوه قالوا المفروض ما تحطش نفك فى جو خناق والكلام دا ومعاك حد كبير او حد من العائله+ لو السواق دا من العالم البلطجيه والمطوه فى جيبه كان الحال اتقلب
طبعا الكلام دا لاى حد وانا اولهم لاننا كلنا بنتعرض للمواقف دى..
وكل سنه وانت طيب
-
تمالك نفسك يا أبو عبد الله .... دى تانى مرة تفقد اعصابك وبعد كده بتندم
انت مش لسة ضارب واحد تانى فى مكرم عبيد الشهر اللى فات وبعدين ندمت ؟؟؟
استغل فرصة الأيام المفترجة دى وادعى ربنا يقويك
مع خالص تحياتى وكل سنة وانت طيب
-
لو بايدي الم سواقبن الميكروباص دول في ميدان عام
ويترمو بالجزم لحد مانخلص منهم
بجد حاجة تقرف وتجيب المرض
Content Relevant URLs by
vBSEO 3.6.0 PL2