-
كلمة ونص-6 مارس 2008
الشارع مقفول ، والمرور سيارة بسيارة واحيانا مافيش خالص، مع ان المنطقة ليست منطقة اختناق، بعد نص ساعة لما توصل لنقطة الإختناق تكتشف ان حارات الشارع الخمسة تم اختصارها الى حارة واحدة لأن هنا يوجد حلوانى او محل بقالة كبير من اللى بيقولوا عليها هايبر ماركت او مدرسة ، وطبعا كل واحد او واحدة من ركاب السيارات على رجليه نقش الحنة اللى هيتمسح لو مشى خطوتين فلازم يركن/تركن العربية فى فم المحل/المدرسة، ولو امكن ان يكون فى بلعوم المحل فلا مانع حتى ولو كانت الركنة صف رابع ،وليذهب الطريق بسياراته وسائقيه الى حيث القت
يا ناس ، امشوا شوية ، دا حتى المشى رياضة والدكاترة بينصحوا بيه، إن ماكنش علشان الطريق، علشان عربياتكم بدل ما تتخبط وتتلطش فى الركنه الكفتجية دى
-
والله كان نفسي اقول الكلام ده من زمان بالذات في شارع فيصل
الله ينور يا سبعاوي
-
ماهو لو في قانون صح العربيات دي كلها تتكلبش علشان يحرموا يعملو كده
-
هى سلوكيات سيئه لا شك
لكن الكلابش مش الحل
المشكله يا جماعه هى غياب الشرطه عن الشارع و انصرافهم عن عملهم الاساسى فى فرض النظام وانشغالهم (غصب عنهم) بأمور أخرى
-
فعلا معاك حق تعال شوف شارع مصر والسودان مثلا والركنه صف خامس فيه مع انه عباره عن تلات حارات والله حاجه تقرف
بس انا بفرح اوى لما الاقى العربيه بتاعت الراجل اللى راكنها كده مثلا اتخبطت علشان يتعلم ويحرم يركنها تانى كده
Content Relevant URLs by
vBSEO 3.6.0 PL2