الموضوع: مطلوب نصيحة للادخار الحلال

المشاركة الأصلية كتبت بواسطة mgazaly

ريحى نفسك وحطيهم فى البوسطة,,, كل الناس دلوقتى بئت تعمل كدة
هيا فيها فوائد بس افتكر انها حلال مش حرام

من دكتور فى الفقه وبيدرس فى الجمعية الشرعية

لأ البوسطة حرام
تحط فى بنك اسلامى ولو الأخت مش واثقة فيهم الأثم عليهم
اللى كان حاطط فى البوسطة يطلع الفوايد لوجه الله بس مش فى طعام لأنها تعتبر ربا وممكن فى جامع مثلا وكده بيحوش عن نفسه الأثم لكن مش بيآخد ثواب



و انا شايفة ان مش صح تسيبلهم الفلوس ما الفقرا اولى بيها والأثم على الى بيكذب على الناس ويقول انه ماشى شرعى ده لو بيكذب اصلا افرضى الفوايد وصلت 60 الف جنيه مش كده بوجهة النظر دى تبقى بتحرمى الفقرا منها وربنا يعطيكى ويرضيكى

المشاركة الأصلية كتبت بواسطة eng_ahmedryad

لأ يافندم

بيتم فتح الحساب عادي للقصر بولاية ولي الأمر

لا يافندم حضرتك بتتكلم على دفتر توفير او ودائع او شهادات استثمار دى الى ممكن
لاكن انا بتكلم عن حساب جارى لانها عايزة حاجة بدون فوائد فالحساب الجارى لازم الشخص يكون عدى 21 عام
لان الحساب الجارى بيطلع علية شيكات و استعمالاتة كثيرة مثال حساب اساسى للعمل من خلالة و دائع
يستعمل فى الاعمال لعدم ارتباطة بفوايد و يصدر لة دفتر شيكان و اشياء اخرى كثير

faisal islamic bank of egypt
موقع بنك فيصل

ننصح بشراء الذهب القديم (الذهب الذى يشترية الصاغة من الناس بعد خصم الدمغة) وطبعا حضرتك هتشرى وزن فقط بدون أن تدفعى ثمن الدمغة مثل الذهب الجديد المهم فى الموضوع أن تحصلى على الفاتورة المعتمدة من البائع لضمان عدم حدوث مشاكل مستقبلا عند البيع (ضمان عدم كون الذهب مسروق مثلا) و فى حالة توافر القدرة المالية على فتح حساب بأسمك ف أى بنك يمكنك طلب أيجار خزينة صغيرة بالبنك فى حجم درج صغير تكون بقفلين احد المفتاحين معك والاخر عهدة رسمية مع أحد موظفى البنك وبهذا لا يمكن فتح الخزينة الا فى حضورك وايجارها بسيط يبدا من 70 جنية تقريبا فى السنة على حسب حجمها وفى حالة الوفاة لاقدر الله يسلم البنك محتويات الخزينة بعد استيفاء جميع الاجراءات اللازمة للورثة الشرعيين من واقع اعلام الوراثة أو يتبع البنك تعليمات نيابة الاموال العامة - قسم الولاية على القصر فى حالات وجود قصر لم يبلغوا 21 عاما حيث يتم تعيين وصى شرعى من قبل المحكمة لرعاية شئون القصر يتولى الانفاق عليهم تحت اشراف المجلس الحسبى لحين بلوغهم سن الرشد .

واسجل اعتراضى وبشدة على كل من قطع بحرمة تعامل مثل هذة الحالة بالذات مع البنوك مع علمه اليقينى بعدم قدرتها على ايجاد أى بدائل اخرى للحفاظ على اموال صغارها ولا حول ولاقوة الا بالله