طرمبة بنزين

**cOrn** · 20-08-2010 07:07 AM

السلام عليكم اولا العربية E30 Model 90 محتاجة تغيير طرمبة البنزين وانا محتار اجيب استيراد ولا جديد فى ناس بتخوفنى من الجديد على اساس ان عمره الافتراضى قصير و فى نفس الوقت ناس بتقولى ان سواء استيراد او جديد فهو مش مضمون المهم فى واحد قالى اجيب طرمبة استيراد ماركة اسمها VDO ودى اللى هى الاصلية اللى بتنزل بيها ال e30 اية رأيكو يا شباب و اللى عنده اى فكرة عن الاسعار سواء جديد او استيراد ياريت يفيدنى وشكرا

**cOrn** · 20-08-2010 02:04 PM

مستنى ردودكم

**TheBuccaneer** · 20-08-2010 03:03 PM

زهير لقطع الغيار الأستيراد
ت: 26976076, م: 0105123717, 0101763094

الألمانية لقطع الغيار الجديده
ت: 26970825, 23459965, م: 0122174835

**cOrn** · 20-08-2010 09:18 PM

شكرا يا باشا وانا عموما جبت واحدة BOSCH المانى اصلى و الحمدلله العربية دارت ورجعت بيتها بعد بيات 3 ايام برة واللى عايز اى معلومة عن تغيير الطرمبة و الانواع والاسعار انا فى الخدمة

**inspiron** · 21-08-2010 12:55 AM

المشاركة الأصلية كتبت بواسطة matrixco

شكرا يا باشا وانا عموما جبت واحدة BOSCH المانى اصلى و الحمدلله العربية دارت ورجعت بيتها بعد بيات 3 ايام برة

واللى عايز اى معلومة عن تغيير الطرمبة و الانواع والاسعار انا فى الخدمة

يا ريت حضرتك تعرفني سعر بتاعة 523 e39 كام.

**inspiron** · 21-08-2010 04:58 AM

المشاركة الأصلية كتبت بواسطة matrixco

في من اول 400 و دى تركى و فى 650 اتحاد اوروبى و 900 المانى و ممكن تلاقى ب 850 الاسعار ديه عند محل اسمه "ناسا" امام سنترال رمسيس

يعني أم 400 و 650 كويسن؟؟؟ ولا أخليني في أم 900 دي وأمري لله؟؟

**inspiron** · 21-08-2010 03:54 PM

المشاركة الأصلية كتبت بواسطة matrixco

الموضوع كله عامل زى موضوع البطاريات يعنى انت وحظك لكن الاصلى مفيهوش كلام ولو فيه بيرجع على طول و انت اية اخبار الطرمبة اللى عندك و عربيتك بتدور الحمد لله ولا لأ؟ ولا انت عايز تغير الطرمبة لية بالظبط عموما انا شفت موضوع تقييم عربيتك بسم الله ماشاء الله ربنا يكفيك شرها وشر الطريق وعيون ال..... عموما لو فى امكانياتك تجيب الاصلى هات لو كتير هات اتحاد اوروبى بيقولوا كويسة والله اعلم وقولى بس هتعمل اية وانا هسألك تانى ان شاء الله

أخييييرا لقيت حد في المنتدي العجيب ده يتابع معايا.بارك الله فيك..ومتشكر علي رأيك في التقييم..والله بالنسبة للطرمبة كان حصل معايا موقف تكرر مرتين كده مكانش حلو.وحاليا مفيش مشاكل بس خايف يحصل تاني.. كانت العربية بتمشي عادي زي الفل مفيش أي مشاكل.مجرد ما تانك البنزين يوصل للربع أو النص تبدأ تبرجل وترعش وكأنها هتبطل ومفيش إستجابة خالص لدوسة البنزين سواء وهي واقفة أو ماشية علي الأول..المهم فضلت مسايس فيها ومشيت مسافة كيلو متر واحد في نص ساعة...عذااااب لحد ما وصلت محطة البنزين وفولتها ورجعت علي طبيعتها زي الفل.والموقف ده إتكرر مرتين.ولاحظت لما أفول العربية المؤشر مش بيكون علي علامة max بيكون قبلها بحتة صغيرة.فأنا مش فاهم هل أنا عندي شوائب في التانك مثلا مبهدلة الدنيا ولا الطرمبة مش كويسة ولا إيه بالظبط..علما بإن صاحب العربية الأولاني كان ساكن في كرداسة.وما أدراك ما محطات البنزين في كرداسة.الله يحفظ مقامك..بيحطوا بول مش بنزين في العربية....أنا آسف علي الإطالة ومستني ردك يا باشا.