الموضوع: موتوري وعاوز اعرف مكوناته

رقم 1 ده خرطوم بخار الزيت وتمنه حوالى 10 جنيه تقريبا
رقم 2 دي مسطره الرشاشات
رقم 3 ده المنافولد اللي بيستقبل الهواء اللي جاي من الفلتر ويدخله على غرفه الحريق
رقم 4 بصراحه مش واضحه ومش عايز افتى :-)

والمحرك ده 1500 سي سي 1 كامه , القوه الحصانيه 89 حصان

وبالنسبه لمراوح الريدياتير فياريت حضرتك توضح المقصود شويه , لكن اللي فمهته ان المالك الاول للعربيه عامله وصله خارجيه على فيوز للمراوح , وغالبا ده معناه ان كان في مشكله معينه في الكتاوت الأصليه للمراوح , والله اعلم , بس حضرتك وضح الموضوع بإستفاضه اكتر :-)

المشاركة الأصلية كتبت بواسطة wesamsoftware

بالظبط كده لانه فيه 2 كتاوت للمراوح فيه واحد راكب زي ماهو فى العلبة ومطلع من تحته طرف خارجي وموصل الكتاوت التاني بره العلبه عليه وطرف علي البطارية فالمراوح كده بتشتغل بمجرد ما بفتح كنتاكت بس
ساعت بقه المروح مدورش والمتور يشتغل لازم اطفي واسمع صوت المراوح قبل ما اشغل الموتور
فانا خايف من الموضوع داه لانه المروح ساعت بتفصل وانا ماشي وحرارة العربية بتعلي وربنا بيستر وباخد بالي

كده غالبا كان في مشكله في مكان الكتاوت الاصلي للمراوح , واعقتد ان الوصله الخارجيه دي اللي عملها صنايعي مش فاهم دايو كويس , وعشان كده لازم تخلي كهربائي يرجعلك الاوضاع لأصلها , لان من كلامك ان المراوح ساعات مش بتشتغل وده خطر جدااااا , فـ حفاظاً على الموتور لازم تروح لكهربائي فاهم

المشاركة الأصلية كتبت بواسطة wesamsoftware

معلش كمان هو فايدة بخار الزيت ايه يعني بيطلع من البخار ويرجع يدخل فى راس المكينة ولا بيدخل هو وهل فيه تأثير علي اداء المحرك لما بيكون الخرطوم داه ضعيف او مخروم ؟؟؟

http://www.nilemotors.net/Nile/3872886652-post2.html

المشاركة الأصلية كتبت بواسطة MMamdouh

دة خرطوم البخار و شغلتة توصيل ابخرة الزيت الموجودة فى الكارتيرة الى منافولد السحب

لو فيه ترشيح خفيف مش مشكلة... لو فيه قطع او تشقق يبقى غيرة... الخرطوم ب 10 جنية

MMamdouh

وده سبب وجود خرطوم البخار

http://www.nilemotors.net/Nile/3872906776-post6.html

المشاركة الأصلية كتبت بواسطة MMamdouh

الابخرة دى جزء منها غازات عادم اتسربت من غرفة الحريق و عدت الشنابر و دخلت الكارتيرة و بخار الزيت اللى بيطلع طبيعى مع سخونة الزيت

لو مفيش مصدر تنفيث للكارتيرة حيحصل زيادة فى الضغط جوة الكارتيرة و اويل سيلات الكرنك تتلف وتجيب زيت

الغازات دى ممكن تسريبها للهواء الجوى بس دة ضار بالبيئة و كمان حيسبب تكثف للزيت على الموتور و الحوض و يبهدل الدنيا و بالتالى تم الاستعادة عن ذلك بتوصيل اعلى نقطة من الموتور بخرطوم الى منافولد السحب ليكون مصدر سحب للغازات دى و حرقة و التخلص منة

MMamdouh

انا تحت امرك يا استاذي :-)

المشاركة الأصلية كتبت بواسطة wesamsoftware

باشا معلش نسيت اقولك فيه خلف منافولدالسحب 2 مخرج واحد واصل بخرطوم سحب بخار الزيت اللي في رقم 1 وفيه فتحة تحتيه لما احط صباعي عليها بيكون فيه سحب هواء للداخل والاولني وكأنه مش بيعمل حاجة فهل داه مظبوط ولا فيه حاجة ناقصة ؟؟

والله يا استاذي للاسف انا مش متخيل الحوار اللي حضرتك بتتكلم فيه لاني مركزتش مع المنطقه دي قبل كده , بس اللي اعرفه ان المفروض المنافولد ميسحبش هوا من اي مكان غير خرطوم العمه اللي جاي من فلتر الهواء , و اي تنفيث او سحب هواء من اي مكان تاني فأظن انه شئ مش طبيعي

وبخصوص الزيت اللي بينقص فأعتقد ان الموتور فيه مشكله

ممكن ننتظر رأي اصحاب الخبره والتجارب ونعرف منهم سوا ايه الحكايه :-) معلش لاني مش بحب افتي او اتكلم ف حاجه مش فاهمها

المشاركة الأصلية كتبت بواسطة wesamsoftware

بالنسبة للزيت هل ممكن بيكون بيتبخر من السخونية او نه بسبب شنابر ؟؟؟

اعتقد البخر يسببش نقص جاااااامد في الزيت , لان معدل البخر بيكون بطئ جدا وغير ملحوظ

اعتقد انها مشكله في الموتور نفسه , بس مش هقدر اتوقع ايه هي معاك لان معلوماتي في النقطه دي ضعيفه شويه :-)