عايز اجيب Gen 2 بس فى عيوب اتكلم بعض الاعضاء عنهم و عايز اتاكد منهم

**abalyazid** · 20-08-2010 09:15 AM

العيوب هى ان 1- التكييف ضعييف و كمان صوته عالى بره العربية

2- الدركسيون تقيل يعنى الباور مش قد كده

3 - التوكيل سىء

4- الفرامل غريبة شوية (تدوس جامد العربية تهدى تدوس نصف دوسة العربية تقف و ده من وجهة نظرى عيب مش ميزة لان لو حصل حاجة فجاة و انت سايق رد الفعل الطبيعى مهما كان اعتيادك على الفرامل انك هتدوس جامد ) ياريت اللى عنده معلومات من مالكى الجين 2 يقولى على صدق العيوب دى و هل هى عامة فعلا و لا حالات فردية عشان انا ناوى اشترى و العربية عجبانى بس اتفاجأت بالكلام اللى فى المنتدى .....منتظر ردودكم بارك الله فيكم.

**M.almaghraby** · 20-08-2010 09:44 AM

1. التكيف كويس جدا و صوته عالي شوية برا العربية " مش مهم برا العربية "

2. الباور ممتع لانه مش مايع زي الباور الكهرباء مثلا ,, و انا شايفه more than satsfying و بيديك تحكم اعلي فالعربية

3. التوكيل " جيد " مش سيء ,, لكنه مش احسن التوكيلات في مصر .. لكنه كويس و قطع غيار العربية موجودة برا التوكيل ..

4 . كلام غير صحيح كله علي بعضه ..... الفرامل من افضل مميزات العربية ... " لكن التيل عمره قصير شوية " ,, الفرامل عايزه قليل من التعود مش اكتر ... لكنها ممتازة

اي استفسار تاني تحت امر حضرتك

**abalyazid** · 20-08-2010 10:15 AM

ربنا يبارك فيك طمنتنى كنت عايز اعرف هو موديل حضرتك كام و اشترى 2010 و لا 2011 ....و ياريت بردو لو فى حد من الاعضاء عنده تعليق بتفصيل فى موضوع الفرامل ده لانى لقيت كذا واحد كاتب عنه زى ما انا كاتب كده و شكرا لسرعة ردك يا DR.almaghraby

**مصطفى_صديق** · 20-08-2010 10:33 AM

المشاركة الأصلية كتبت بواسطة dr.almaghraby

1. التكيف كويس جدا و صوته عالي شوية برا العربية " مش مهم برا العربية "

2. الباور ممتع لانه مش مايع زي الباور الكهرباء مثلا ,, و انا شايفه more than satsfying و بيديك تحكم اعلي فالعربية

3. التوكيل " جيد " مش سيء ,, لكنه مش احسن التوكيلات في مصر .. لكنه كويس و قطع غيار العربية موجودة برا التوكيل ..

4 . كلام غير صحيح كله علي بعضه ..... الفرامل من افضل مميزات العربية ... " لكن التيل عمره قصير شوية " ,, الفرامل عايزه قليل من التعود مش اكتر ... لكنها ممتازة

اي استفسار تاني تحت امر حضرتك

تماااااااااااااااام ....اوجزت فا انجزت

التكييف ممتاز والحمدلله.....وفى الايام الحر دى بحمدربنا كل مابركب العربية واشغله

**mido_soliman** · 20-08-2010 11:18 AM

المشاركة الأصلية كتبت بواسطة abalyazid

العيوب هى ان 1- التكييف ضعييف و كمان صوته عالى بره العربية

تكييف ممتاز واكتر من ممتاز وفعلا صوتة عالى برة العربية (وانا مالى بالى برة انا حشغلة واعد برة بس فعلا صوتة عالى الحق يقال )

2- الدركسيون تقيل يعنى الباور مش قد كده

الباور ممتاز ودى احسن حاجة فية انة مش مايع علشان اللى بيركبوا العربية دى رجالة :) بهزر طبعا اقصد ان الميزة المهمة اوى فى تقل الدريكسيون هوة التحكم الكامل فى المناورة على سرعات عالية
3
- التوكيل سىء

التوكيل مش سىء خالص توكيل جيد وناس مجتهدة عيبهم الاساسى عدم توافر بعض قطع الغيار احيانا

4- الفرامل غريبة شوية (تدوس جامد العربية تهدى تدوس نصف دوسة العربية تقف و ده من وجهة نظرى عيب مش ميزة لان لو حصل حاجة فجاة و انت سايق رد الفعل الطبيعى مهما كان اعتيادك على الفرامل انك هتدوس جامد ) ياريت اللى عنده معلومات من مالكى الجين 2 يقولى على صدق العيوب دى و هل هى عامة فعلا و لا حالات فردية عشان انا ناوى اشترى و العربية عجبانى بس اتفاجأت بالكلام اللى فى المنتدى .....منتظر ردودكم بارك الله فيكم.

انا اول مرة اسمع الكلام دة بصراحة طب بزمتك لو حد قال الكلام دة حتصدقة نص دوسة تقف دوسة كاملة تهدى :) دة الجين 2 كدة عكس كل ماهو طبيعى يباشا الكلام دة معكوس اكيد او حضرتك مستوعبتش الكلام اللى قريتة لانة مستحيل يكون كدة والفرامل ممتازة لكن محتاجة تعود زي اى عربية جديدة بتبقى محتاج تاخد على كل حاجة فيها ومتقلقش من اى حاجة العربية تحفة

**ahmedfathy77** · 20-08-2010 12:24 PM

المشاركة الأصلية كتبت بواسطة abalyazid

العيوب هى ان 1- التكييف ضعييف و كمان صوته عالى بره العربية

2- الدركسيون تقيل يعنى الباور مش قد كده

3 - التوكيل سىء

4- الفرامل غريبة شوية (تدوس جامد العربية تهدى تدوس نصف دوسة العربية تقف و ده من وجهة نظرى عيب مش ميزة لان لو حصل حاجة فجاة و انت سايق رد الفعل الطبيعى مهما كان اعتيادك على الفرامل انك هتدوس جامد ) ياريت اللى عنده معلومات من مالكى الجين 2 يقولى على صدق العيوب دى و هل هى عامة فعلا و لا حالات فردية عشان انا ناوى اشترى و العربية عجبانى بس اتفاجأت بالكلام اللى فى المنتدى .....منتظر ردودكم بارك الله فيكم.

اولا تكييف الجين 2 تحفه و خاصه في الايام شديدة الحراره امبارح بعد مشوار 3 ساعات نازل من العربيه كاني كنت في تلاجه و بدون اي مبالغه خاصه لما قفلت مفتاح التهويه الخارجيه
ثانيا الدريكسيون بيديك تحكم رائع للعربيه و خاصه علي السرعات العاليه و ده المطلوب
ثالثا التوكيل مش لدرجة سيء انما هو جيد و خاصه قسم الصيانه و الاهم انهم بيحاولوا يتطوروا هم لو كبروا طاقه استيعاب الورشه شويه ده هيعمل فرق رابعا بالنسبه لفرامل الجين 2 كان فيه موضوع عامله ميدو سليمان جاب من الاخر و تجارب الاعضاء واضحه فيها و يكفي اني اقول لك ان بعد ستر ربنا الفرامل انقذتني من مواقف رهيبه و لو هي زي الافتراءات اللي الناس بتقولها عليها كان لا قدر الله فيه مشاكل جامده حصلت
استخير ربنا و جرب العربيه و شوف و قارن باي عربيه تانيه في بالك و ربنب يهديك للخير

**midosalah** · 20-08-2010 02:21 PM

كلاااام جميل

**mostafashokry** · 20-08-2010 02:57 PM

المشكلة الأساسية و العيب الشائع و الكلام مش موجهه للمالكى السيارة من الزيرو " العربية لو سخنت سهل تجيب جوان وممكن وش سلندر " يعنى ما بتستحملش السخونيه و الكلام ده أنا مجربه بنفسى و ما حدش قال لى عليه يعنى يا جماعة ألى عدى على عربيتة 4 سنوات يهتم جداً بدورة المياه ونظفتها و يبقى شئ جميل لو عمل تشك على مستوى المياه كل 3 أيام و صيانة تتضمن تغيير وصلات المياه (الخراطييم) كل سنتين .

**ahmedfathy77** · 20-08-2010 03:44 PM

المشاركة الأصلية كتبت بواسطة mostafashokry

المشكلة الأساسية و العيب الشائع و الكلام مش موجهه للمالكى السيارة من الزيرو " العربية لو سخنت سهل تجيب جوان وممكن وش سلندر " يعنى ما بتستحملش السخونيه و الكلام ده أنا مجربه بنفسى و ما حدش قال لى عليه يعنى يا جماعة ألى عدى على عربيتة 4 سنوات يهتم جداً بدورة المياه ونظفتها و يبقى شئ جميل لو عمل تشك على مستوى المياه كل 3 أيام و صيانة تتضمن تغيير وصلات المياه (الخراطييم) كل سنتين .

اعتقد ملاك موديلات 2006 و 2007 و علي راسهم استاذ خالد حمدي و استاذ توت اللي المفروض يردوا علي الكلام ده خاصه اني اول مره اسمعه

**memo_p910** · 20-08-2010 04:39 PM

عربيه كويسه ماتقلقش منها

الموضوع: عايز اجيب Gen 2 بس فى عيوب اتكلم بعض الاعضاء عنهم و عايز اتاكد منهم

LinkBack

أدوات الموضوع

عرض

-

-

-

-

-

المواضيع المتشابهه

عندى معلومه عايز اتاكد منها

انا بادور علي امبريزا 2006 او 2007 و عايز شوية معلومات عنهم

سمعت حاجة عن الالنترا 2010 عايز اتاكد منها

عايز اروح .... انى اتكلم من تحت الثلوج

اجيب هيونداى اى30 ولا النترا ولا لانسر و اية مواصفات و عيوب كل واحدة منهم

الكلمات الدلالية لهذا الموضوع

المفضلات

المفضلات

ضوابط المشاركة