الى الأخ Kabara

**doctor_eid** · 20-08-2010 05:24 PM

السلام عليكم
انا قرأت النهاردة في اهرام الجمعة اعلان نيسان مصر و فيه مراكز الخدمة المعتمدة
و لقيت فيه:
شركة الكرنك لتجارة السيارات - الأقصر - ش المطار - ت: 0952320520
طبعا انا عارف ان المسافة من الأقصر لأسوان حوالي 350 كم و لكن على اي حال اهي ارحم من انك تنزل بيها القاهرة
و ربنا يوفقك

**egypt0777** · 20-08-2010 07:10 PM

وكمان عملين مواعيد بعد الفطار من 9 ل 12

و كشف مجانى للسياره

و الله حاجة ممتازة جدا

**Ahmed.TV** · 21-08-2010 04:20 AM

تسلم ايدك يا دكتور عيد على الخبر الجميل ده
شوفته يا جماعه اللى بنقوله دايما وبنحس عليه فى القسم وفى المنتدى, وهو الترابط والود والحب بينا

شوفته دكتور عيد فاكر العضو معانا ازاى , هو ده اللى عايزينه من بعض , اننا نكون اسرة واحدة وفاكرين بعض دايما

فعلا خبر مهم يا دكتور اللى حضرتك نقلته , ويارب المركز ده يكون مركز محترم فى شغله ويفى بالغرض لملاك نيسان فى اسوان

كنا مفتقدينك يا دكتور فى الفطار الجماعى بجد النهاردة

واعمل حسابك حتكون معانا فى مقابلة الكوماندوز المصغرة بعد العيد باذن الله

وجزاك الله خيرا على اهتمامك وعلى الخبر الجميل ده

**Bishoy.Girgis** · 21-08-2010 03:34 PM

دكتور عيد انا بشكر حضرتك علي اهتمامك الرائع و فعلا اللي حضرتك كل يوم بتظهر فيه مدي محبتك للمنتدي و اعضاءه رغم مشغولياتك الكثيرة
شكرا جزيلا

**Bishoy.Girgis** · 21-08-2010 03:36 PM

المشاركة الأصلية كتبت بواسطة kabara

هنيئا لي لأني ضمن هذه النخبة الكريمة من الإخوة الأعزاء و أشكر المولي عز و جل ثم الصني لأني تعرفت علي هذه الكوكبة العظيمة من الشخصيات الودودة المبجلة
و رغم مشاركاتي المحدودة علي فترات إلا أنكم ما زلتم تتذكرون مشاركاتي و مشاكلنا في أسوان
شكرا جزيلا لكم و هنيئا لي مرة أخري

احنا اللي هنيئا لينا بحضرتك و اهلا بيك في اي وقت بقسم نيسان نايل موتورز