الموضوع: هو رمضان صعب اوى السنه دى ولا انا بدلع ؟

معاك حق في الحر والرطوبة الفظيعة الغير مسبوقة، أنا جيت الشيخ زايد قلت عشان صحرا والجو جاف طلع رطوبة أكتر من القاهرة !!! ربنا يعين الناس على الصيام وربنا يستر الكام سنة الجايين اللي رمضان هايكون فيهم صيف.
وتقبل الله منكم صالح الأعمال

اعلى نسبة رطوبة شعرت بيها فى حياتى هى السنة دى بغض النظر عن الصيام ورمضان
ودة فى اسكندرية الناس بتشرررررر عرق ... لكن بصراحة رمضان شهر كريم والواحد مش بيشعر بالعطش اللى المفروض يشعر بيه
ودة من رحمة ربنا علينا

معاك حق فعلا ده مافيش نسمة هوا في اسكندريه انا بقول ربنا يكون في عون الناس اللي من غير تكييف

والله العظيم يا عم انا في قطر وعدى عليا رمضان تلت مرات قبل كده وسبحان الله ده اصعب رمضان عدى عليا في حياتي
ولما لاقيت موضوعك اتفاجئت ان الناس كلها عندها نفس الاحساس

المشاركة الأصلية كتبت بواسطة عصام غنايم

اصعب رمضان مر عليا فى حياتى مادياٌ ومعنوياٌ

حر رهيب , عطش غبى , سوق تعبان

وكل اللى حواليا بيشتكوا

انا من دمياط على فكره

والناس هنا مبتتكلمش الا عن 3 حاجات

1 وقف الحال والحاله الاقتصاديه المنيله ( عندنا فى دمياط )

2 الحر والرطوبه العاليه اوى ( معداش عليا حر زى ده قبل كده )

3 الامراض ( الكل عيان ومفيش بيت الا وفيه حد بيشتكى من مرض معين )

السؤال بقى

هل المحافظات التانيه كده ولا احنا عندنا الوضع مختلف ؟

ياريت حد يرد عليا ويطمنى ايه الحال

كله كوم
والحاله الاقتصاديه كوم تانى

دمياط اللى بيضرب بيها المثل ان معندهمش بطالة والأشية معدن اضربت يا رجالة .... بركاتك ياللى في بالى وحدت مصر ولا الملك مينا في زمانه

مينا مين ياعم ده الملك مينا وحد قطرين بس انما انتا وحدت اقطار مصر كلها على كلمة " حسبي الله ونعم الوكيل

انا لولا انى مش بدفع ايجار كان زمان قفلت محلى من زمااااااااااااان

كل مدى والحالة الاقتصادية بتبوظ اوى اوى اوى اوى