كل عام وانتم بخير
انا عربيتي لانوس 2 تكييف وباور
كنت عايز اغير زجاج من عادي الي كهرباء
فهل اشتري مكن كهرباء واركبه ولا اشتري كسوة باب كامله استيراد بالمكن بتاعها
مستني رأيكم وياريت اشتري منين سواء مكن او كسوة استيراد
عرض للطباعة
كل عام وانتم بخير
انا عربيتي لانوس 2 تكييف وباور
كنت عايز اغير زجاج من عادي الي كهرباء
فهل اشتري مكن كهرباء واركبه ولا اشتري كسوة باب كامله استيراد بالمكن بتاعها
مستني رأيكم وياريت اشتري منين سواء مكن او كسوة استيراد
الف شكر يا باشا
قاشوف المواضيع وارد عليكم
وشكرا جزيلا وتقبل الله صيامكم
انا تحت امرك وكل سنه وحضرتك طيب :-)
انا كنت مغير الزجاج الامامى فقط الاتنين طبعا ب 300 جنية وده كل التكلفة يعنى المكن بلمصنعية بكل حاجة بالزراير اللى بتبقى بين الكرسيين و الراجل ساعتها قالى انا عندى المكن استيراد و اضمنهولك سنة و فى فالسوق مكن جديد صينى و اضمنهولك اسبوع و لما ركب المواتير كانت بتاعة عربية غير اللانوس و قالى عشان بتاعة اللانوس لما بتبوظ الشربون بتاعها مش بيتعمله صيانه انما المكن ده لو جاب شربون بيتعمله صيانه و يتظبط و كان بصراحة شغله نضيف
و لو عايز تسال عن حاجة انا فى الخدمة
لا انا عملتها من حوالى شهر مثلا
و هو فى امبابة و لو تحب اسالك دلوقتى النظام ايه انا معنديش مشكلة كده كده ان شاء الله هعدى عليه بكرة بس لو حبيت تعملها عنده اعتقد انه مش هيقولك سعر تانى لما يشوفنى معاك
هو فى شارع البوهى امام مدرسة الامجاد و اسمه الاسطى حسن لما انزله هجيب منه رقم التليفون و لو حد حب انى اقابله و اجى معاه من عنيا الاتنين الواحد يعنى نفسه يخدم اعضاء المنتدى الجميل ده
بص بقي يا جماعة انا عملت بحث سريع في السوق عندي في فيصل
تركيب 4 زجاج كهربي باربع زراير في القنصله 2 امام و 2 ورا حوالي 800 جنيه ( قابل للتفاوض ) ومكن الرفع 150 لزجاج كله
وسالت عن سعر الفرش الأصلي بكارتة المفاتيح قالي حوالي 1000 جنيه من غير مكن
وان شاء الله هنزل الحرفيين وابلغكم عملت اية
الحمد لله تم تركيب عدد 4 مكن زجاج ياباني + لوحة مفاتيح اصلي اربع مفاتيح بتوع جوليت في القنصل + عدد 2 مكن رفع زجاج
بس بصراحة شغل نضيف جدا بنسبة 90% قريب من الفبريكة اجمالي التكلفة حوالي 1000 جنيه .
وبعد السؤال عن سعر فرش الباب الأصلي وسعر المكن التكلفة هتكون حوالي 1600جنيه
عشان كده ركبت الشغل ده ارخص و علي مزاجي.
وشكرا لجميع الأعضاء الذين ساهموا برأيهم
الف مبروك يا استاذ خالد :-)
الله يباركلك يا محمد باشا
وشكرا ليك مخصوص ووصايا لأاني بصراحة استفدت من ردك في موضوع الزجاج
واستفدت ايضا من جميع ردودك ومشاراكاتك في قسم الدايو
مبروك يا استاذ خالد
وكل سنة و انت طيب اخوك وائل
تركيب زجاج كهرباء كلة من 800 الي 1000 جنية
الف مبروك على الزجاج و يا ريت تقولنا عملته عند مين؟
و طبعا شكر خاص ل أ/محمد الشامى على مجهوده الوفير فى مساعده الاعضاء و من الواضح انه شخصيه جميله و محترمه