أشتري البومة واللا...

**TheInfernal** · 20-08-2010 09:57 PM

السلام عليكم. أنا والدي قرر يشتري عربية جديدة و دي المعايير المهمة بالنسبة له:
1) الميزانية 80-100 ألف و ممكن زيادتها ل120 لو الفارق فعلا يستحق.
2) تكون 4X4. على حد علمي مفيش عربيات 4X4 في حدود ميزانيته غير الSperanza Tiigo و هو مش مقتنع بالصيني, فممكن نتغاضى عن النقطة دي.
3) عالية عن الأرض و متحكش في المطبات و مريحة أثناء السير في الطرق الغير ممهدة
4) قطع الغيار معمرة و رخيصة بقدر الإمكان لأن العربية هتتبهدل
5) بالنسبة للموتور مش مهم السحب أو الAcceleration, بس التكييف يكون معقول.
6) الثبات و العزل طالما كويسين على 140كم/س يبقى كويس أوي لأن العربية مش هتجري أكتر من كده
7) العربية هتكون لأسرة من أربع أفراد, فالكراسي تكون مريحة لأربع أفراد و الشنطة يكون حجمها معقول.
7) معايير الأمان مهمة. نتايج العربية في الEuroNCAP و وجود ABS و EBD هيأثروا في إختياري

انا شايف كل الأسهم رايحة للميتسوبيشي لانسر البومة, و لكن أنا مبحبش العربية دي بالذات العفشة بتاعتها مش مريحة بالنسبالي فكنت حابب أسمع لو عندكم ترشيحات تانية. الDaihatsu Terios أعتقد برضو تنفع لأنها عالية بس معتقدش هيكفي الميزانية غير ال2X4.

شكرا يا شباب نايل موتورز على وقتكم.

**tameraast** · 20-08-2010 10:08 PM

حرااااااااااااااااااااااا ااااااااااااااام بومه كفايه عليها اوى كده انا تعبت من شكلها

مش قصدى حاجه العربيه مفيش فيها غلطه بس خلاص شكلها اتحرق و انت مش هتدفع كل ده فى عربيه خلاص اتحفظت انت عايز حاجه جديده شكلا تحسسك انك راكب زيرو و ده رأى الشخصى فى فئه 120 الف اختياراتك رينو سكالا كيا سيراتو نيسان صنى سوبر صالون اوبترا كروز النترا و مش عارف اول فئه فى الانسر شارك بس مش متأكد بس متكنش بومه وانبى :))

**Scuderia.M** · 20-08-2010 10:11 PM

ممكن يستنى لحد ما الرينو داستر تنزل... ودي أعلى فئة فيها بـ134 ألف و 4x4

**TheInfernal** · 20-08-2010 10:34 PM

المشاركة الأصلية كتبت بواسطة tameraast

حرااااااااااااااااااااااا ااااااااااااااام بومه كفايه عليها اوى كده انا تعبت من شكلها

مش قصدى حاجه العربيه مفيش فيها غلطه بس خلاص شكلها اتحرق و انت مش هتدفع كل ده فى عربيه خلاص اتحفظت انت عايز حاجه جديده شكلا تحسسك انك راكب زيرو و ده رأى الشخصى فى فئه 120 الف اختياراتك رينو سكالا كيا سيراتو نيسان صنى سوبر صالون اوبترا كروز النترا و مش عارف اول فئه فى الانسر شارك بس مش متأكد بس متكنش بومه وانبى :))

ده برضو رأيي. البومة عفا عليها الزمن.
السيراتو قعدتها ورا مش مريحة في الطرق الغير ممهدة
النيسان صني واطية و أعتقد هتحك بسهولة في المطبات
الأوبترا و الكروز توكيلهم منصور
الDaihatsu Terios أخدت تقدير وحش في TopGear فأنا هصرف النظر عنها: Daihatsu Terios expert car review verdict - BBC Top Gear
بقية العربيات معنديش فكرة عنها.

إيه رأيكم في الNissan Tiida؟

الDuster في ContractCars بتبدأ من 115 ألف.

**tameraast** · 20-08-2010 10:57 PM

التيدا حلوه و الناس بتشكر فيها و شوف السوبارو سعرها كام

**tameraast** · 20-08-2010 10:59 PM

كلمه حق صاحبى لسه جايب سيراتو هاى لاين العربيه احسن قيمه مقابل السعر و انشفان العفشه مش محسوس الا على الطرق المكسره و النيتروجين بيظبط الدنيا شويه فى الجنط 17
هيا 2 ايرباج و abs بس من غير ebd و اختبارات السلانه الاوروبيه العربيه كويسه

**ahmedbeirut123** · 21-08-2010 11:22 PM

المشاركة الأصلية كتبت بواسطة TheInfernal

السلام عليكم. أنا والدي قرر يشتري عربية جديدة و دي المعايير المهمة بالنسبة له:
1) الميزانية 80-100 ألف و ممكن زيادتها ل120 لو الفارق فعلا يستحق.
2) تكون 4X4. على حد علمي مفيش عربيات 4X4 في حدود ميزانيته غير الSperanza Tiigo و هو مش مقتنع بالصيني, فممكن نتغاضى عن النقطة دي.
3) عالية عن الأرض و متحكش في المطبات و مريحة أثناء السير في الطرق الغير ممهدة
4) قطع الغيار معمرة و رخيصة بقدر الإمكان لأن العربية هتتبهدل
5) بالنسبة للموتور مش مهم السحب أو الAcceleration, بس التكييف يكون معقول.
6) الثبات و العزل طالما كويسين على 140كم/س يبقى كويس أوي لأن العربية مش هتجري أكتر من كده
7) العربية هتكون لأسرة من أربع أفراد, فالكراسي تكون مريحة لأربع أفراد و الشنطة يكون حجمها معقول.
7) معايير الأمان مهمة. نتايج العربية في الEuroNCAP و وجود ABS و EBD هيأثروا في إختياري

انا شايف كل الأسهم رايحة للميتسوبيشي لانسر البومة, و لكن أنا مبحبش العربية دي بالذات العفشة بتاعتها مش مريحة بالنسبالي فكنت حابب أسمع لو عندكم ترشيحات تانية. الDaihatsu Terios أعتقد برضو تنفع لأنها عالية بس معتقدش هيكفي الميزانية غير ال2X4.

شكرا يا شباب نايل موتورز على وقتكم.

from 1 to 8

you are talking about cruze

ContactCars | Chevrolet شيفروليه - Cruze كروز - 1.6 F/O A/T - 125,900 - 2010

i think it will be awonderful car for you

**bmwosama** · 22-08-2010 07:23 PM

طيب ليه ما فكرتش في البروتون جين 2 او بيرسونا او واجا
عوامل امان
2 ايرباج
abs + ebd
واخدت 3 نجوم في اختبارات السلامه الاوروبيه
ده غير الوبشنز الكتير اللي فيها
فوج لايت و دركسيون ماتي فنكشن و جنوط سبور وباركينج سبنسور ومثبت سرعه في الاوتوماتك
ده غير ثباتها الممتاز واللي بتتفوق فيه علي الكوري والياباني علي السرعات العاليه لحد 180 كم
وصاجها سميك جدا 0.8 مم
وسعرها لاعلى فئه 91 الف