ربنا ستر على الدائرى

**Ros** · 20-08-2010 10:25 PM

كل اللى اقدر اقوله الحمد لله بجد انا راجع من الشغل بعد الفطار الساعه 8 الا ربع على الدائرى قبل نزله المنيب فى اتجاه الهرم 6 عربيات كانو هيلبسوا فى بعض بسسب تهور بى ام انا راجع على ال 110 و ماشى فى الحاره اللى فى الوسط وده كان ورايا وعدى منى بسرعه وخد غرزه قدامى وراح الحاره الشمال اخر حاره وزنق نفسه بين العربيات وعاوز ياخد غرزه تانيه رمى عليا بسرعه كبيره وانا قادمى 127 فجاءه باقى ماشى بطه و فجاءه اللى ورا البى ام واللى قداموا بطؤا جامد وده مصر ياخد الغرزه فرامل لينا كلنا وانا الحمد لله الحاره اللى على يمينى فاضيه فارملت ورميت جامد وفجاءه مع الفمله بى ام برضه جايه بسرعه من اليمين كان هيلبس فيا رحت راجع تانيه بسرعه مع غرزه من شمال ال127 و عديتهم ودول ورايا شايفهم فى المرايا كانوا هيلبسوا فى بعض كلهم بجد الواحد مش عارف يقول ايه للناس دى واحد جاى من اليمين بيجرى والتانى بياخد غرزه من غير مايشغل مخه بجد حسبى الله ونعم الوكيل

**casper_Dj30** · 20-08-2010 10:30 PM

معلش الحمد لله ان ربنا ستر و هداك للتفكير الصح و متلبختش

**Ros** · 20-08-2010 10:40 PM

اه والله الحمد لله انى متلبختش

**ahmed_mido1889** · 20-08-2010 10:57 PM

ربنا يحفظك ويحفظنا من الدائري اللي بيمش عليه البقر بتوع الميكروباصات والنقل والشباب اللي مش لاقي اللي يلمه

**thegoodhacker** · 20-08-2010 11:36 PM

حمدا لله علي سلامة حضرتك .... معلش اادي حال المرور في البلد كل واحد بيعمل اللي علي مزاجه ... اللي بيتخطي من اليمين واللي بياخد غرزة علي سرعات عالية كان الارواح و العربيات مالهاش قيمة ... ده غير السير عكس الاتجاه اللي رجع زي الاول واكتر .... ربنا يرحمنا و يسلمنا من شر الطريق ... امين

**Akram** · 21-08-2010 01:20 AM

الحمد لله انك قدرت تتماسك ,الواحد مش عارف يلاقيها من النقل و الا الميكروباص و الا الملاكي اللي ماشي بسرعة عالية ..

**Nistelrooy** · 21-08-2010 01:29 AM

المشاركة الأصلية كتبت بواسطة casper_Dj30

معلش الحمد لله ان ربنا ستر و هداك للتفكير الصح و متلبختش

**karimzein4444** · 21-08-2010 06:46 AM

الناس بقت بتتمنظر على بعض بأرواحها حسبى الله ونعم الوكيل

**cOrn** · 29-08-2010 11:23 AM

اية دة هوا انت ؟؟ اسف يا باشا مكنتش اعرف ان هيحصلك كل دة! بهزر طبعا مش انـــــــــــــــــــــــ ــــــــــــــــا ههههههههه و الحمد لله على سلامتك وهو دة العادى من الشعب المصرى