هل ملاك البروتون افضل منا ( ميعاد جديد للسحور)

**joso** · 20-08-2010 10:31 PM

يا جماعه اخوانا ملاك السيارة بروتون عاملين اتحاد وبيجيبوا تخفيضات جامده وانا هقترح على اخونا الباش مهندس شريف انه يجيب معاه اخوة وهو احد اعضاء اتحاد البروتون للاستفاده من تجربتهم وياريت لو حد يعرف استاذ ايمن في قسم البروتون يدعوه للسحور معانا

اتمنى اننا نكون ايجابيين او انانيين بنخاف على مصلحتنا بصولها زي ما تحبوا المهم في النهاية عايزين نستفيد فائده حقيقيه من تقاربنا من بعض على صفحات المنتدى ونترجمها لفائده ماديه ومعنوية ملموسة (تخفيضات) وكمان نبقى جهة ضغط على التوكيل نساند بعض في مشاكلنا ونعرض طلباتنا من موقف قوة اكبر من صوت الفرد

واخيرا يد الله مع الجماعة

الميعاد المقترح بديلا للسحور يعني ابتداء من الساعة العاشرة مساء الى ان ننصرف قبل السحور مش مهم السحور

1- الخميس 26/8 /2010

2- الاحد 29/ 8 / 2010

3-الخميس 2/ 9 /2010

الموضوع مش سحور الفكرة اننا نتجمع .

**joso** · 20-08-2010 10:43 PM

الناس اللي عايزة تعرف المحل اللي بيبيع المسند زي اللي اتجاب من التوكيل ب710 وبيتباع في شارع دمشق ب 85 جم

احب اقول لهم ان عنوان المحل وتليفوناته هتبقى اولوية لمن يخضر تجمع اللوجانوية المسمى سابقا سحور اللوجانوية

**joso** · 21-08-2010 12:09 AM

مش قادر افهمكم عموما اهلا بكل الناس اللي هتتجاوب وهتشاغل على قدر التجاوب وخلاص

**Egyzizo** · 21-08-2010 12:56 AM

معذرة يا جوسو .. لكن أنا بعيد خالص عن القاهرة وصعب أشارك
كل عام وأنتم بخير

**karimnet** · 21-08-2010 05:15 AM

المشاركة الأصلية كتبت بواسطة joso

الناس اللي عايزة تعرف المحل اللي بيبيع المسند زي اللي اتجاب من التوكيل ب710 وبيتباع في شارع دمشق ب 85 جم

احب اقول لهم ان عنوان المحل وتليفوناته هتبقى اولوية لمن يخضر تجمع اللوجانوية المسمى سابقا سحور اللوجانوية

يارب ميبقاش السحور ده بتذاكر

كل عام و انت بخير

**khashab** · 21-08-2010 03:19 PM

ان شاء الله معاكم فى السحور و فكرة الأتحاد دى جميلة جدااااااااا

**joso** · 21-08-2010 05:44 PM

المشاركة الأصلية كتبت بواسطة karimnet

يارب ميبقاش السحور ده بتذاكر

كل عام و انت بخير

ياباش انا شاكر لحضرتك ذوقك بس والله كان القصد منفعة الجميع وفيش في نيتي اي منفعة شخصية وعلشان كده انا هبعد نفسي عن الشبهات ولن احضر اي تجمع وساكتفي بالمشاركات هنا فقط وتقبل عذري لك ولكل من اخذ او فهم عني مالم اقصده وبارك الله فيكم جميعا ولكم في رقبتي دينا ولكم مني كل الاحترام جميعا

**AIRSUPPLY13** · 21-08-2010 10:14 PM

المشاركة الأصلية كتبت بواسطة joso

ياباش انا شاكر لحضرتك ذوقك بس والله كان القصد منفعة الجميع وفيش في نيتي اي منفعة شخصية وعلشان كده انا هبعد نفسي عن الشبهات ولن احضر اي تجمع وساكتفي بالمشاركات هنا فقط وتقبل عذري لك ولكل من اخذ او فهم عني مالم اقصده وبارك الله فيكم جميعا ولكم في رقبتي دينا ولكم مني كل الاحترام جميعا

يا نجم ماتزعلش ....
اصل البق بتاع اللي هاييجي هوا اللي هايعرف منين المسند ده مش حلو
فكرة التجمع اصلا كويسة عشان الناس توري بعضها اللي هما عاملينوا في عربياتهم و يكون فعلا فين اتحاد

لكن اسمحلي مش كل الناس هتقدر تيجي....و الأصل في المشاركة علي الموقع مش شرط بره

تقبل تحياتي

**joso** · 21-08-2010 10:23 PM

المشاركة الأصلية كتبت بواسطة airsupply13

يا نجم ماتزعلش ....
اصل البق بتاع اللي هاييجي هوا اللي هايعرف منين المسند ده مش حلو
فكرة التجمع اصلا كويسة عشان الناس توري بعضها اللي هما عاملينوا في عربياتهم و يكون فعلا فين اتحاد

لكن اسمحلي مش كل الناس هتقدر تيجي....و الأصل في المشاركة علي الموقع مش شرط بره

تقبل تحياتي

انا متشكر ليك وانسوا بقى الموضوع ده اخد اكتر من حقه انا كان قصدي تحفيز وهزار المهم كلامك وكلامكم كلكم صح

مش مهم المقابلة المهم اننا نتعاون هنا في مقابلة المهم يبقى في اثر لتعاوننا مع بعض وياريت نبدأ بمساندة الاخ صاحب المقايسة اللي ب 22000 جم ممكن اي حد فينا يكون مكانه لاقدر الله لازم نسانده بقوة ولو باتصال تليفوني

بس هرجع اقولك لما الوشوش بتتقابل بيبقى في نوع من الاحساس ببعض اكثر لكن المهم نعمل شيء ايجابي مش مجرد اننا نقعد نتكلم مع بعض من غير ما الناس اللي بنشتكي منها تحس بينا

نقول بسم الله الرحمن الرحيم ونبدأ اول خطوة مع اخونا في محنته

واوعدكم اول ما اجيب تليفون الراجل بتاع المسند هغرق المنتدى بنمرته لاني اكتشفت انه انا مش معايا النمره لانها على تليفون صديقي صاحب المشوار الاساسي اول ما هشوفو هاجيب النمرة واحطها فورااااااااااااااااا

**tamer61** · 22-08-2010 12:15 PM

المشاركة الأصلية كتبت بواسطة joso

يا جماعه اخوانا ملاك السيارة بروتون عاملين اتحاد وبيجيبوا تخفيضات جامده وانا هقترح على اخونا الباش مهندس شريف انه يجيب معاه اخوة وهو احد اعضاء اتحاد البروتون للاستفاده من تجربتهم وياريت لو حد يعرف استاذ ايمن في قسم البروتون يدعوه للسحور معانا

اتمنى اننا نكون ايجابيين او انانيين بنخاف على مصلحتنا بصولها زي ما تحبوا المهم في النهاية عايزين نستفيد فائده حقيقيه من تقاربنا من بعض على صفحات المنتدى ونترجمها لفائده ماديه ومعنوية ملموسة (تخفيضات) وكمان نبقى جهة ضغط على التوكيل نساند بعض في مشاكلنا ونعرض طلباتنا من موقف قوة اكبر من صوت الفرد

واخيرا يد الله مع الجماعة

الميعاد المقترح بديلا للسحور يعني ابتداء من الساعة العاشرة مساء الى ان ننصرف قبل السحور مش مهم السحور

1- الخميس 26/8 /2010

2- الاحد 29/ 8 / 2010

3-الخميس 2/ 9 /2010

الموضوع مش سحور الفكرة اننا نتجمع .

أنا موافق على الخميس 26/08/2010