بلاحظ اثناء الجري دخول هواء من الهويات اللي في التبلوة

**lionfahd** · 20-08-2010 11:28 PM

السلام عليكم

كل سنة وانتم طيبين انا عندي دايو لانوس موديل 2002 بلاحظ اثناء الجري دخول هواء من الهويات اللي في التبلوة بالرغم من اني جايب الزرار العرضي يمين يعني دورة الهواء داخلية وليسة شمال يعني من الخارج (انا بقصد الزرار اللي في التبلو اللي تحت زراير التكيف) انا شاكك انة معلق او الوير انقطع لان وانا مشغل التكيف بحس بهواء سخن مع الساقع وانا بجري بعكس وانا واقف

كيف اتاكد من ان البوبات بتاعة التهوية مقفولة لاستفيد بهواء التكيف كليا

وشكراا

يرجى من العضو اختيار عنان مناسب للموضوع

مشرف عام الكورى و الماليزى

**محمد الشامي** · 21-08-2010 12:03 AM

ممكن يكون في مشكله في مجموعه الويرات الموجوده في لوحه التحكم بتاعت التكييف , ممكن تكون مخلوعه او الجراب اللي بيركب فيه الوير مكسوره

حضرتك بص على الموضوع ده هتلاقي فيه طريقه فك اجزاء التابلوه ومن ضمنها لوحه تحكم التكييف , فك جزء التكييف وبص على الويرات كده وقولنا الاخبار

http://www.nilemotors.net/Nile/116029-a.html

مجموعه الويرات دي لو مكسوره او بايظه هتلاقيها جديده بحوالى 90 جنيه تقريبا حسب كلام احد الاعضاء الكرام

اتمنالك التوفيق بإذن الله واتمنى اكون افدتك , وانا تحت امرك :-)

**lionfahd** · 21-08-2010 12:10 AM

الف شكر يا ا محمد الشامي

وربنا يكرمك ويجعلك خير عون لنا

**محمد الشامي** · 21-08-2010 12:12 AM

جزاك الله خير على ذوقك :-)
بس بردو خلينا ننتظر رأي باقي الاعضاء الكرام سوا لان ممكن يكون حد عنده وجهه نظر تانيه وتكون مفيده اكتر :-)

**walidadel81** · 21-08-2010 06:25 AM

المشاركة الأصلية كتبت بواسطة محمد الشامي

ممكن يكون في مشكله في مجموعه الويرات الموجوده في لوحه التحكم بتاعت التكييف , ممكن تكون مخلوعه او الجراب اللي بيركب فيه الوير مكسوره

حضرتك بص على الموضوع ده هتلاقي فيه طريقه فك اجزاء التابلوه ومن ضمنها لوحه تحكم التكييف , فك جزء التكييف وبص على الويرات كده وقولنا الاخبار

http://www.nilemotors.net/nile/116029-a.html

مجموعه الويرات دي لو مكسوره او بايظه هتلاقيها جديده بحوالى 90 جنيه تقريبا حسب كلام احد الاعضاء الكرام

اتمنالك التوفيق بإذن الله واتمنى اكون افدتك , وانا تحت امرك :-)

انا تقريبا عندي نفس المشكله بالويرات بس بتاعت البوابات الداخليه مالاقيش موضوع زي ده بس للنوبيرا وجزاك الله خير يامحمد

**محمد الشامي** · 21-08-2010 11:53 AM

المشاركة الأصلية كتبت بواسطة walidadel81

انا تقريبا عندي نفس المشكله بالويرات بس بتاعت البوابات الداخليه مالاقيش موضوع زي ده بس للنوبيرا وجزاك الله خير يامحمد

وجزاك الله كل خير :-)

للاسف انا مشوفتش طريقه فك التابلوه للنوبيرا , لكن اتوقع ان الموضوع هيكون مشابه الى حد كبير , واتوقع ان فك التابلوه مش هيكون صعب طالما شوفت الفكره في فك تابلوه اللانوس

بالتوفيق ان شاء الله

**M.Zaher** · 21-08-2010 12:53 PM

فعلا فك التابلوه في النوبيرا سهل و هاتلاقيه مشابه تقريبا للانوس

**msaleh_353** · 21-08-2010 02:07 PM

أنا كنت عامل مشاركه شبيهه قبل كل سألت فيها عن اني الويرات عندي أصلا مش موجودة لكن التكييف تمام وكان الأستاذ/ أكرم قاللي انت كدة كدة مش هتحتاج التكييف السخن في حاجة فمافيش داعي لتركيب الويرات دي لكن دلوقتي لفت نظري من الموضوع ده ان الويرات مش فيدتها الوحيدة السخن دي ممكن تتسبب في دخول هواء سخن مع البارد أثناء تشغيل التكييف مش كدة ولا أنا فهمت غلط ؟
علشان لو كدة أشتري مجموعة الويرات دي وأركبهم ؟؟؟؟؟

**mostafashokry** · 21-08-2010 02:26 PM

المشاركة الأصلية كتبت بواسطة محمد الشامي

جزاك الله خير على ذوقك :-)
بس بردو خلينا ننتظر رأي باقي الاعضاء الكرام سوا لان ممكن يكون حد عنده وجهه نظر تانيه وتكون مفيده اكتر :-)

السلام عليكم أستاذ محمد ,,,,, أنا بشكرك على اسلوبك الراقى فى الرد و إنك وضعت مساحة لرد الآخريين ياريييييت كل الناس يكون عندها نفس الشعور لأنى بعانى من الموضوع ده لو حضرتك رديت برد و مجاش على مزاج أحد الأعضاء تلاقى اسلوب تهكم غريب , و كانه بينه و بينك عداوة و سبحان الله , كتبت موضوع من قبل فى نفس الخصوص عنوانة "أيه رأيكم فى الكلام ده" .
مرة تانيه بأحيى حضرتك على أسلوبك الراقى المهذب.

**محمد الشامي** · 21-08-2010 02:32 PM

المشاركة الأصلية كتبت بواسطة mostafashokry

السلام عليكم أستاذ محمد ,,,,, أنا بشكرك على اسلوبك الراقى فى الرد و إنك وضعت مساحة لرد الآخريين ياريييييت كل الناس يكون عندها نفس الشعور لأنى بعانى من الموضوع ده لو حضرتك رديت برد و مجاش على مزاج أحد الأعضاء تلاقى اسلوب تهكم غريب , و كانه بينه و بينك عداوة و سبحان الله , كتبت موضوع من قبل فى نفس الخصوص عنوانة "أيه رأيكم فى الكلام ده" .
مرة تانيه بأحيى حضرتك على أسلوبك الراقى المهذب.

وعليكم السلام يا استاذ مصطفى :-)

والله بعد كلام حضرتك الجميل ده انا مش هعرف ارد بالرد اللي يليق بذوقك و رقى حديثك :-)

بس والله حضرتك انسان ذوق و محترم وكلامك خير دليل , وربنا يديم المعروف و روح الاخاء بيننا كلنا :-)

واتمنالك التوفيق دايما بإذن الله وكل سنه وحضرتك بالف صحه وسلامه :-)

الموضوع: بلاحظ اثناء الجري دخول هواء من الهويات اللي في التبلوة

LinkBack

أدوات الموضوع

عرض

-

-

-

-

-

-

المواضيع المتشابهه

عايز رأي اللي ركبوا فلتر هواء رياضي

حد بلاحظ الموضوع ده؟.....

اهتزاز سيارة النيو سيراتو / الفورتي / اثناء السير دخول الاختصاصين وشكرا

دخول هواء من فتحات التكييف فى A4

عايز معلومات عن كمبرسور هواء اللي بيشتغل علي بطارية العربية

الكلمات الدلالية لهذا الموضوع

المفضلات

المفضلات

ضوابط المشاركة