ما هوا الحل في سيارات الحوادث؟؟؟

**ooso28** · 21-08-2010 12:54 AM

اريد ان اعرف ما هي الطرقه لاعادة اصلاح سياره حادث
هل هوا تغيير نص او ربع حسب حالة الحادثه ولا ترمي العربيه
وهلي تغيير نص مثلا لازم تصريح او كده وهل هيا عملية شرعيه
وهل تؤثر علي متانة السياره
الرجاء الافاده باي معلومه حتي لو كانت بسيطه

**tamer_a7** · 21-08-2010 03:38 PM

الحل بيعتمد علي مدي الدمار اللي حصل في العربيه يعني الموضوع غير قابل للاصلاح ولا ايه
طبعا تغيير الربع والنص بيكون فعلا فعال جدا بس برده بيعيب العربيه عيب قاتل تماما

**dr_haitham79** · 21-08-2010 04:30 PM

سبحان الله
كنت داخل النهاردة عشان اسأل عن نفس الموضوع!

الحكاية انى سمعت عن عربية شاهين
مغيرة نص كامل
موديل تسعينات
ومطلوب فيها 18 ألف

فكنت عايز أعرف عموما
هل العربية اللى مركبة نص دى أمان ؟
هل لحام العفشة دة بيبقى جامد ؟ مظبوط ؟
واتأكد ازاى ؟

ولو كان الموضوع بيتعمل صح والعربية بتبقى تمام..
ليه تمنها بينزل قوى كدة؟؟

وباسأل أنا كمان عن موقفها فى المرور والتراخيص وكدة.

**ahmed_moeaz** · 21-08-2010 04:59 PM

تغيير النص السمكرى بيلحم رقم الشاسية فى النص الجديد اللى راكب وان كانت عملية فعالة ولا لأ فبتعتمد على كفاءة السمكرى والنص الراكب يكون نفس الموديل والمقاسات واتفاقك مع السمكرى على التجربة ومتدلوش فلوسه كلها مرة واحدة ولا تديله حقه كامل الا ميخلص شغله تماماً وتجرب العربية بنفسك
لسه عربية واحد صاحبى كانت مقلوبة وغيرت نص بصراحة السمكرى ظبتها لكن تقفيل العربية كان سىء جداً مع انها بيجو 504
اما من وجهة نظرى الخاصة لو العربية هتغير نص وهتفتح فى المصاريف فانا ابيعها على حالتها واستعوض ربنا فيها واشترى راحة بالى وان عملية الاصلاح غير مضمون نتائجها

**cOrn** · 21-08-2010 08:22 PM

فى ناس بتاخد عربيات الحوادث دى تشتريها وتستنفع بيها يعنى فى جميع الاحول مش هترمى العربية و هحاول اجيبلك ارقامهم وموضوع تغيير نص وربع دة لو العربية تستاهل هى نوع العربية اية؟

**al_manara** · 21-08-2010 11:57 PM

المشاركة الأصلية كتبت بواسطة ahmed_moeaz

تغيير النص السمكرى بيلحم رقم الشاسية فى النص الجديد اللى راكب وان كانت عملية فعالة ولا لأ فبتعتمد على كفاءة السمكرى والنص الراكب يكون نفس الموديل والمقاسات واتفاقك مع السمكرى على التجربة ومتدلوش فلوسه كلها مرة واحدة ولا تديله حقه كامل الا ميخلص شغله تماماً وتجرب العربية بنفسك
لسه عربية واحد صاحبى كانت مقلوبة وغيرت نص بصراحة السمكرى ظبتها لكن تقفيل العربية كان سىء جداً مع انها بيجو 504
اما من وجهة نظرى الخاصة لو العربية هتغير نص وهتفتح فى المصاريف فانا ابيعها على حالتها واستعوض ربنا فيها واشترى راحة بالى وان عملية الاصلاح غير مضمون نتائجها

تمام كدة . المهم السمكري يكون شغلة عامل ازاي خصوصا ان الشغل الكويس بيكون مكلف مش رخيص . ليا تجربة مع واحد صاحبي مغير ربع ومغير صدر . الناس مابتعرفش ان فيها حاجة . والعربية ما شاء الله عليها ممتازة

وواحد كمان اعرفة مغير نص والعربيو ولا كان فيها حاجة . بس المهم تكون مستعد لانها هاتصرف كتير اوي . وهما كانوا بيصرفوا عشان مش هايبيعوا بيحبوا عربياتهم اوي . ربنا يبارك لهم فيها . ويكفينا شر الطريق .

**ooso28** · 22-08-2010 12:47 AM

العربيه افيو موديل 2008 دي لو اتباعت علي حالتها تعمل كام؟؟؟

**ooso28** · 22-08-2010 12:48 AM

لون العربيه اسود هل ينفعلها نص ابيض ؟؟؟

**al_manara** · 22-08-2010 04:49 AM

المشاركة الأصلية كتبت بواسطة ooso28

العربيه افيو موديل 2008 دي لو اتباعت علي حالتها تعمل كام؟؟؟

لو تحط لنا صورة يكون احسن
حجم الخسائر اد اية عشان الي بيفهم في الحاجات دي يفيدك من حيث سعرها لو هاتبيعها او تكلفت تصليحها
وربنا يعوض عليك . المهم تكون بخير

المشاركة الأصلية كتبت بواسطة ooso28

لون العربيه اسود هل ينفعلها نص ابيض ؟؟؟

اة ينفع لانة هايترش .

**dr_haitham79** · 22-08-2010 01:42 PM

طيب لو أنا اللى بشترى عربية غيرت نص بالفعل
اتأكد من ايه؟
واخللى بالى من ايه؟
هل فيه خطورة من ان مكان اللحام ينفصل اسهل من العادى؟
معلش أنا بسأل عشان دة اللى سمعته قبل كدة

الموضوع: ما هوا الحل في سيارات الحوادث؟؟؟

LinkBack

أدوات الموضوع

عرض

ما هوا الحل في سيارات الحوادث؟؟؟ - انشر الموضوع فى :

-

-

-

-

-

المواضيع المتشابهه

استفسار بخصوص سيارات الحوادث

محدش يعرف شركه لشراء سيارات الحوادث

رايكم ايه فى شراء و تصليح سيارات الحوادث

سيارات الحوادث

نشترى سيارات الحوادث

الكلمات الدلالية لهذا الموضوع

المفضلات

المفضلات

ضوابط المشاركة