-
انا هقول لحضرتك علي حاجه حلوة اوي
لو العربية في حد شافها ليكي كويس جدا جدا و متاكده انا مش عامله حادثه قبل كده او فيها اي اي اي مشكلة
يبقي معلش انا من رأيي انك تتنازلي عن 5000 جنيه دول و تشتري العربية لأن عربية عاملة 38000 كيلو معناه انها لسة زيرو ممشيتش كتير
انا لما جيت اشتري عربيتي القديمة كورولا 96 انا اتنازلت برده عن 5000 جنيه قدام عربية في قمة الاحترام
و علي فكرة في ميزة معاكي برده كويسة ان العربية في الضمان يعني لو حصل اي حاجه فيها كعيب تصنيع يبقي هتتغير فورا بدون كلام و لو تقدري قبل ما تشتري العربية تاخديها مثلا توكيل السبع و احنا هنا هنوصي عليها اوي عشان يشوفوا العربية كويس جدا قبل ما تشتريها .. احنا هنا تحت امرك
و مبروك مقدما
-
انا اختلف معاك يا بيشوى فى قصة انها تتنازل عن 5000 جنيه وتاخد العربية
حرام على العربية المبلغ ده الا اذا كانت التيدا الهاتش باك دى اعلى فئة
وحتى اذا كانت اعلى فئة تقولهم بردوا ينزلوا 2000 او 3000 عشان تعمل الصيانة الجاية وكمان عشان تعمل الحاجات اللى متجرحة ومخبوطة دى
واذا كانت التيدا الهاتش باك دى بردوا الفئة الاولى وبالسعر ده يبقا تخلع لان السعر كتير عليها
وفى فى مواقع للبيع السيارات حتلاقى فيها تيدا هاتش باك بس انتى اصبرى , زى ما صبرت كدا والحمد لله وخطبت تيدتى ههههههه
وخدى معاك حد بيفهم ضرورى فى العربيات ويكون ناصح جدا عشان يقلب فيها ويرفعها فى بنزينة او توديها التوكيل عشان يكشفوا عليها
لان انا اضحك عليه فى حاجاة لما جبت عربيتى , صاحب العربية اللى قبلى مش قلى ان العربية كانت مخبوطة من الخلف , والاكصدام مرشوش ومتمعجن , واتكتشفت دى بعد ما اشتريت العربية ,وعربيتى اتخبطت من الخلف وفكيت الاكصدام ولقيته مش مصلح الخبطة القديمة كويس وكمان الاكصدام واخد معجون ومرشوش
ولو كنت عرفت كدا كنت نزلت حوالى 3000 على الاقل
وكمان فى نقطة مهمة شوفى دفتر الصيانات , وفواتير الصيانات وجمعيها وشوفى كان بيعمل صياناته بانتظام ولالا , فى التوكيل , واقرئى الورق وشوفى هل في كان مشكلة بيشتكى منها وهما كاتبوها فى التوكيل وقالوا انهم شيكوا على حاجة غير اللى بيتعمل فى الصيانات العادية
بمعنى
يعنى هل غير مساعد اواى حاجة من الحاجات دى قبل الاربعين الف ومكتوبة فى الفواتير الصيانة , هل فى مشاكل فى الدريسكيون فى الطنابير
كل ده شوفى مكتوب في ايه
اذا كان مكتوب فى الصيانات تركيب فلاتر زيت وزيوت وتربيط عفشة وظبط زوايا وتغير تيل فرامل وتظبيط فلتر هوا والحاجات البسيطة دى يبقا تمام , مفيش اى قلق
-
أنا متشكرة فعلا على ردودكم .
انا اعتقد انها أعلى فئة لانها كانت شرياها ب 125000 سنة 2008 و هى مش راضية تنزل ولا مليم فيها و انا رايحة بكرة انشاء الله ارفعها في يونايتد جروب الدراسة لانى ملاتش ميعاد تانى في مودرن موتورز ولا السبع عشان اشوف حالتها هل في اي إقتراحات و هى كده كويسة ولا إيه و متشكرة تانى لمساغدتكم ليا
-
Content Relevant URLs by
vBSEO 3.6.0 PL2