هشترى تيدا هاتش باك 2008

**manarmohsen** · 21-08-2010 01:29 AM

السلام عليكم و رحمة الله و بركاته
عايزة رأيكم أرجوكم بسرعة أنا هاشتري تيدا هاتشباك موديل 2008 ماشية 38000 كيلو ب 90000 جنيه و مش عايزين ينزلوا ولا جنيه هيا فيها خبطة في الرفرف و خبطة من طوبة صغيرة في حجم عقلتين كده في السقف و خدوش تانية صغيرة و العربية لسة في الضمان و متأمن عليها و هي نظيفة قوي بس أنا مستغلياها شوية عايزة رأيكم أنا هاروح بكرة إنشاء الله أرفعها . و كل عام و أنتم بخير

**SeaShark** · 21-08-2010 01:39 AM

المشاركة الأصلية كتبت بواسطة manarmohsen

السلام عليكم و رحمة الله و بركاته
عايزة رأيكم أرجوكم بسرعة أنا هاشتري تيدا هاتشباك موديل 2008 ماشية 38000 كيلو ب 90000 جنيه و مش عايزين ينزلوا ولا جنيه هيا فيها خبطة في الرفرف و خبطة من طوبة صغيرة في حجم عقلتين كده في السقف و خدوش تانية صغيرة و العربية لسة في الضمان و متأمن عليها و هي نظيفة قوي بس أنا مستغلياها شوية عايزة رأيكم أنا هاروح بكرة إنشاء الله أرفعها . و كل عام و أنتم بخير

انا معرفش حاجة عن التيدا خالص

بس ليه تجيبيها هاتش باك و مستعمله و انتي ممكن تجيبي بنفس السعر صني جديدة و الجديد برضه جديد و انتي تبءي اول يد

انا لو مكانك هعمل كده

**manarmohsen** · 21-08-2010 01:45 AM

بحس أن الصنى رجالي قوي و بعدين عجباني التيدا

**manarmohsen** · 21-08-2010 01:48 AM

عايزة أعرف كمان هي صيانة الأربعين بتتكلف كام و بيتغير فيها الكاوتش ولا امتى بيتغر أرجوكم فيدوني في الموضوع ده

**SeaShark** · 21-08-2010 01:49 AM

المشاركة الأصلية كتبت بواسطة manarmohsen

بحس أن الصنى رجالي قوي و بعدين عجباني التيدا

اولا انا مش مقتنع ان في عربية رجالي و عربية حريمي..دي عربية مش جزمة

اللون النبيتي حلو اوي فيها

و الصني عربية محترمة جدا بجد و هتبءي اكبر من التيدا خصوصا انك كمان هتجيبيها هاتش باك

لو بجد السبب الوحيد انك شايفة ان الصني رجالي انا مش معاكي انا بشوفها مع بنات كتير و بعدين روحي اي معرض اتفرجي عليها يمكن تعجبك..

و ابءي قوليلنا انتي قررتي ايه...

**manarmohsen** · 21-08-2010 02:08 AM

أنت شكلك كده مركبتش التيدا ,التيدا واسعة قوي مش زي اي عربية هاتشباك

**SeaShark** · 21-08-2010 02:13 AM

طبعا التيدا احسن بكتير لو هتجيبيها جديده يعني علي الاقل تقفيل ياباني.

انا بس معترض علي انها مستعملة و الـتسعين ألف كتير عليها

بس طبعا لو عجباكي اوي كده و ممكن تدفعي فيها المبلغ ده هاتيها و بقترح عليكي انك تروحي تكشفي عليها في التوكيل ده ممكن و يبءي احسنلك عشان تصمني ان العربية سليمة

**Ahmed.TV** · 21-08-2010 03:47 AM

اولا وجه المقارنة صعب بين الاتنين صعب
وفعلا اللى مركبش التييدا وقعد فيها وشافها ومش ساقها كمان , يبقا محسش بالفرق , وممكن يفتكر انى بتحيز للعربية عشان انا من ملاكها
والتجربة خير دليل
والحمد لله ليه اصدقاء بره النت معاهم العربية وجوة النت وفى المنتدى معانا معاهم صنى وركبوا عربيتى وحسوا بالفرق وهما اتكلموا لوحديهم وقالوا
فرق التقفيل والخامات وحاجات كتير لصالح التيدا فعلا
وفرق التقفيل بحق واضح جدااااااا

وعاوز اقول ان جبت عربيتى مستعملة وعاملة 20 الف كيلو , والحمد لله حلتها كويسة جدا , ودفعت فيها حوالى 105 الف
وكان ممكن اجيب صنى سوبر صالون , واوفر 5000 جنية كمان , بس بصراحة الحمد لله مرتاح جدا وبشكر ربنا على النعمة اللى معايا
لان الفرق واضح وان كانت كمان اللى معايا كنت جايبها مستعملة

وطبعا كل واحد حسب ظروفه ووجهة نظره وحياته وبيختار

بس فى حاجة حقولك عليها للامانة

التيدا اللى معروضة عليكى دى غالية جدا

لان دى تمنها من الاخر مايزدش عن 85 الف وتكون كمان اعلى فئة

فى تيدا تانية لواحد قريبى معرفة , موديل 2009 وماشية 20 الف كيلو , واول فئة فى الاتوماتيك , بس هى سيدان , وانتى عايزة هاتش باك
لو اذا تناسبك قوليلى وانا تحت امرك

والله الموضوع ده جيه بالصدفة , لانه كان عارضها للبيع فقالى لو تعرف حد

هى العربية صيانتها كلها فى السبع , وهو اول يد للسيارة , ولسه العربية فى الضمان طبعا وطالب فيها 95 الف والعربية تحفة

فشوفى وممكن نتفاهم معاه ونقرب وجهات النظرى

بس على العموم اللى معروضة عليكى دى غالية , ولازم تنزلى في تمنها كتير

**Ahmed.TV** · 21-08-2010 03:39 PM

كل الاسئلة دى اتكررت كتير فى القسم , وموجودة وليها موضوعات مثبتة كتير , لو قرتيها حتلاقى فعلا اجابات لكل الاسئلة واكتر , لان فيها اراء كتير ة جداا

فيها الفرق للعربية
وفيها موضوع اعادة البيع
وتكلفة الصيانات
وايه اللى بيتعمل فى الصيانات
وكل شئ
ياريت كل الاعضاء الجدد , يدخلوا ويقرؤا , لان الناس اللى عملت التقارير دى اجتهدت وتعبت فيها بجد , عشان الناس اللى بتدخل وكانوا اعضاء جدد يستفادوا منها وخصوصا الناس اللى مستعجلين فى حالات الشراء و لان ممكن يكون ملاك السيارة مش موجودين , والاسئلة اللى بتتكرر احيانا مش بيردوا عليها , وبيردوا على اى استفسار جديد ومختلف فى السؤال

على العموم دى الموضوعات وان شاء الله تفيدك

كل موضوعات التيدا من فروق وصيانات وكل شى هنا

http://www.nilemotors.net/Nile/171459-a.html

اسعار قطع الغيار فى التوكيل هنا

http://www.nilemotors.net/Nile/155219-2010.html

اسعار الصيانات هنا

http://www.nilemotors.net/Nile/155080-a.html

تفاصيل الصيانات وايه اللى بتعمل فيها هنا

http://www.nilemotors.net/Nile/164776-a.html

وده موضوع فى النيسان صنى بس مفيد عن تجربة العضو فى تركيب قطع غيار غير اصلية واللى حصل معاه

http://www.nilemotors.net/Nile/167732-102.html

وده موضوع بردوا لسه حديث فى القسم كنت شاركت فيه بتقرير مصغر وراى عن السيارة

http://www.nilemotors.net/Nile/173098-tiida.html

وده موضوع عن اهم النصائح الاستلام للعربية , وهو كان معمول للصنى , بس مفيد والكل بيستفاد منه بردوا

http://www.nilemotors.net/Nile/158434-a.html

بخصوص عربيتى
انا جبتها ب105 الف لانها اعلى فئة اللى اسمها تيدا بلس , وكان تمنها زيرو ب127 الف
فى السعر ده كويس عليها جدا بالنسبة لمستعمل وقت ما كنت بشترى

اما الفئة الاولى ب114 الف واعتقد دى لو كنت جبتها ممكن تكون فى حدود 90 او 92 الف مستعملة و اذا كانت عاملة 20 الف كيلو وكل حاجة حسب الحالة طبعا
والفرق بين الفئتين موجود فى اهم الموضوعات اللى بعتهالك

ومرة تانية لازم تنزلى فيها كتير لان العربية عاملة 40 الف كيلو وغير كدا بتقولى فيها خبطة , فحرام

وربنا يوفقك الى الخير