انا معروض عليا ماروتي 2007 عملت 6000 كيلو
بحاله الفابريكة وكنت عايز اعرف تسوي كام عشان انا جديد في الموضوع وخايف يضحك عليا
عرض للطباعة
انا معروض عليا ماروتي 2007 عملت 6000 كيلو
بحاله الفابريكة وكنت عايز اعرف تسوي كام عشان انا جديد في الموضوع وخايف يضحك عليا
لا هوا فعلا مش ملعوب فيه
الاستبن ملمسش الارض حتي
و العربيه كانها لسه ف المعرض
صاحبتها ست كبيره فحركتها قليله و فعلا تشوف العربيه فبريكه
العداد مكملش ال 6000 اصلا
هوا ف كاسيت غالي كده و معملوها فرش و سماعات محترمه ناقصها السنتر بس
العده اللي بتيجي مع العربيه مستخدمتش اصلا و من كلام البواب ان العربيه ع طول مركونه فين و فين لما بتخرج بيها
هيا مصممه ع 29000
انا ادتها عربون و ان شاء الله مفروض تتنقل ليا الاحد
اه و ليا طلب كمان عند حضراتكم
اصلها اول عربيه ف حياتي بقي
انا عايز ميكانيكي يكون انسان محترم و امين و كويس ف صنعته كاني ف التوكيل عشان اتابع معاه الصيانات الدوريه عشان مش هيكون ليا علاقه بالتوكيل و هيا لسه معملتش الا 5000
يا ريت يكون الميكانيكي ف الجيزه او فيصل او الهرم او العباسيه او الدقي او حدائق القبه
طيب ربنا يباركلك فيها ان شاء الله بس انا شايف السعر كتير سنة صغيره...
لو فاضل في الرخصه اكتر من سنه توكل على الله وخلص معاها على 28 ونص بالكتير
هتقولي مش هتفرق 500 هقولك بال500 ممكن تاخدها التوكيل ويكشفولك عليها ولو في اي حاجه تتعمل وتطلع كأنها جديده
او بال500 تركب انذار وسنتر كويسين
وبما ان الكاسيت والسماعات نوعهم كويس فده شئ كويس...
ده رأيي الشخصي بناءا على متابعتي لاسعار الماروتي تحديدا
تحياتي
شكرا
بس صدقني حاولت والست ماسكة علي 29 الف بسبب حالتها وانها تعتبر كسر زيرو
والكاست نوعي سوني
وطلعوا عاملين صيانة ال 5000 كيلو وباقي علي الرخصة سنة بالظبط
اه و الرخصه لسه متخدده من 3 ايام بالظبط
متشكر بجد ع الرد و المساعده
جزاك الله عنها خير
بس انا لسه جديد ف الموضوع فاكيد هحتاجكم جامد ف الصيانه الدوريه و كده
و كمان انكم تدلوني ع ميكانيكي كويس اتعامل معاه
عربية كويسة علي الوصف انت مش هتحتاج الفترة المقبله للصيانة بالتوكيل ولا لمكانيكي بس خد بالك طالما اول عربية ليك يعني متجريش بيها لانها خفيفة شوية وغالبا مش هتحتاج الا تغيير الزيت في الوقت الحالي والتوفيق في الشراء
خلاص توكل على الله وربنا يباركلك فيها ان شاء الله
بالنسبه للميكانيكي فانتا مش محتاج حاليا لاي حد اطلاقا
كل اللي عليك انك تشيك على الميه الخضرا والزيت والفلاتر وهكذا
الحاجات العادية دي
ومتخليش حد يمد ايده في العربية الا لو فعلا عندك شكوى منها ودي نصيحه بجد
وياريت تعبي بنزين غير ال 80 عشانه مش كويس ليها
وقبل كل شئ
اقرأ دعاء شراء الحاجه الجديده
(اللهم اني اسألك خيرها وخير مافيها واعوذ بك من شرها وشر مافيها)
ربنا يباركلك
تحياتي