عتريس ناوي يركب زينون غريب شوية - رايكم اية ؟؟؟؟؟؟؟؟؟؟؟؟؟؟؟؟؟؟

**Atrees** · 21-08-2010 03:00 AM

صباحكم فل يا رجالة

طبعا انتو عارفين الهسهس بتاعي والحاجات الغريبة اللي بتطلع في دماغي وبخربها في الاخر - عموما عشان مطولش

نويت اني اركب زينون كامل ماركة محترمة - يفضل الماني او امريكي بس المشكلة اني عايزو 4300K او 5000k وده مش موجود في مصر خاااااااااااالص - لفيت لما دوخت بس كله عندو 8000k وواحد بس لقيت عندو 10000 -

انا عايز ال 4300 عشان حاجتين

1- لون العربية شامبين
2- ودي معلومة قريتها كذا مرة ومعروفة ان اللون الاصفر الطول الموجي بتاعه اكبر من الابيض وبالتالي بيرمي لمسافة اطول - ممكن تاكدو المعلومة دي - ( دايما لون انوار الشبورة بتبقي صفرا عشان كدة )

وبكدة انا واقع في عرضكم - اولا الاقي اللون المطلوب وماركة محترمة عشان بجد بتفرق - تاني حاجة واحد ممتاز يركب عشان الفوانيس تفضل مظبوطة - لانة بيفكهم وعمره ما بيرجعم زي الاول :(

اشكرم لحسن تعاونكم - اوشك رصيدكم علي النفاذ

**cardevil** · 21-08-2010 03:13 AM

كان نفسي اقدر اساعدك بس ماباليد حيلة

ان شاء الله ربنا يوفقك للصواب والحاجة الصح عشان مش تتعب فيها صيانة كتير

تقبل مرورى : احمد غريب

**MOSTAFABASAL** · 21-08-2010 03:25 AM

احنا مركبين زينون في بور سغيد عند واحد كده في ميدان المشيه لعربيتنا الاكسنت وزي الفل و تقريبا 4000 او 600 مش فاكر بالظبط و الموضوع كله ما اخدش في ايديهم ساعه ونص
هوه صيني و الحج استرخص للاسف بس بيقوللي انوا فارق معاه اوي بس انا شخصيا عن نفسي مركب في البيكانتو لمبتين نارفا الماني 90/100الواحده ب 25 جنيه بس بتعمي اللي قدامي و مركبلهم كتاوت عند كهربائي كويس في دمياط و بسافر بيها اسكندريه في احلك ظلام و الحمد لله اول ما ارزع النور العالي في وش سواقين التريللا بيكشوا و يقلبوا
لاني لعبت في رجلاش النور بتاع الفانوس الشمال و عليته شوووووويه مش كتير :)

**alaa82mohamad** · 21-08-2010 03:29 AM

بجد الله يسامح اى بنى ادم بيركب الأختراع المؤذى اللى اسمه الزينون ده
لأنه بيعمى العربيات اللى قدامك و ممكن يتسبب فى حوادث لا قدر الله

**cardevil** · 21-08-2010 03:41 AM

الزينون النضيف الاصلي بيجى من حتتين يا اما واحد حبيبك يجبهولك من برة

اما يكون شونة بمعنى يكون جاى في نص عربية المانى جاى من برة ودة اللى بيكون صح الصح

واللى موجود في بورسعيد فعلا كلة صينى وتعبان جدا جدا جدا جدا وبعد فترة مش كبيرة من الاستعمال تلاقي لمبة تعلق

وحاجات غريبة وخلى بالكم ساعات بترجع للكهربائى