الموضوع: كيف تنشئ خط سكه حديد؟؟؟

المشاركة الأصلية كتبت بواسطة Ralliart

ما استبعدش ان المترو عندنا يكون بيتعمل بمكن زي ده وبنفس الدقه بس للاسف بايد الاجانب

انما القطر دا اصلاً عباره عن القضبان اللي عملها الانجليز وكل ما حته تتكسر يعملو غيرها بطريقه عشوائيه وبدون اي ضمير وبتحصل كوارث كل ده لانه بأيد مصريه!!
ويوم ما جابو التوربيني اكل السكه بسبب سرعته راحو شالوه وطلعو العيب في القطر لانه سريع

اصلاً اي بلد بتفهم هتعرف انه مع تزايد الصادرات والواردات والصناعات وعدد السكان لازم يزيد حجم البضايع المنقوله وطبعاً هنا كل حاجه بتتنقل بالتريلات ودا بينبه لكارثه قريبه (لو مكانتش بدأت) لان طرقنا مش مستحمله واعداد التريلات كتر جداً وبيستنفذ بترول مدعم بطريقه بشعه والحل الوحيد هو شبكه سكه حديد محترمه وتتنقل البضائع بالقطر بين المحافظات والتريلات يقتصر دورها على توصيل البضاعه من اقرب محطه لحد المخازن
انما تريلات من اقصى شمال مصر لاقصى جنوبها بالعدد ده يبقى استهبال رسمي

شوفت فيديو لأحد مصانع VW في كوكب يدعى المانيا...
القطع بتدخل المصنع على عربات السكة الحديد ... و بعدين الروبوت بيدخلها للعامل اللي هيركبها في الـassembly line