سؤال لاهل الخبره فى اللانسر عن اسعارها
يا جماعه انا ليا سؤال عن شويه اسعار و ارجو الافاده
انا معايا عربيه لانسر 2006 سبورت كامله خليجي كويتى و كلها فابريكه ماشاء الله
و لا بويه و لا حركات غير بس الاكصدامين للامانه و العربيه كلها سليمه عفشه و ماكنه
و والله اللى يركبها ما يصرف فيها جنيه لمده سنه على الاقل و عامله على العداد 100000 كيلو
يا ترى تتمن بكام النهارده ؟
و فيها رخصه سنتين لسه
و عايز اعرف سعر البومه سوبر اكشن 2008 تكون نضيفه كلها و مش عامله كيلوات كتير تعمل كام ؟
و برده لو 2009 تعمل كام ؟
و معلش لو طولت عليكم بس انا ليا سؤال هيهبلنى
النهارده كنت بشوف عربيه 2008 سبورت كامله الراجل ماسك فيها على 92 عامله عداد 50000 و بيقول انها مش فيها بويه بس انا وريتله انها كانت خابطه شنطه و اكصدام و فانوس المهم هل التمن ده كويس؟
و كمان قالى انه ممكن يجيبلى سبورت 2010 و بكررها 2010 على سعر من 105 الى 108 و انا اعرف ان سعرها جديد 126 او 128 هل ده كلام يعقل و لا يكون فيها حاجه ؟
و لو هي فعلا كده اجيب 2008 سوبر اكشن و لا 2010 اسبورت
