يا فلاح

**bimmeraddict** · 06-03-2008 06:47 PM

ليه يا فلاح او يافلاحة بقت شتيمة بجد حصل موقف مضايقني جدا حسيت بجد ان احنا مجتمع طبقي بالدرجة الأولى.
كنت مسافر في المواصلات فالسواق حد ضايقه شتمهم قالهم ايه((يا فلاحين يا......................)) فالبصدفة كان قاعد اتنين فلاحين فقالوله بمنتهي الزوق والاحترام ((ليه يابني كده احنا بقينا حاجة عيب يعني ماله الفلاح راجل بيشقي طول النهار في الارض وفي الاخر تشتم بينا ))
رد السواق وقاله ((بيشقي علي عيني وراسي بس مالوش غير في الغيط والحمار مابيفهمش غير في كده وبس))
وقتها قاله ((ربنا يسامحك يابني وسكت ))
بجد انا وقتها زعلت جدا ليه الفلاح اللي بيشقي طول النهار في الارض والشمس عشان يزرع لنا كل اللي احنا بناكله ده نشتم فيه ونتهمه بالجهل والغباء ليه
ليه دايما في مصر ومش في اي مكان تاني بنستهين بالناس البسيطة

الفلاح يعني البساطة يعني الاخلاق يعني الخير يعني الجدعنة يعني عادات وتقاليد يعني ابن مصر

نفكر لو مفيش فلاح ايه اللي هيحصل؟
يعني مفيش اكل
يعني مفيش حياة

**Xpert** · 06-03-2008 06:58 PM

بص يا سيدي .. سيب اللي يشتم يشتم .. علماً بأن :
الفلاحين هم الاصل ... الفلاحين عاداتهم و تقاليدهم من احسن العادات و التقاليد في مصر ..الفلاح عنده فلوس اكتر من ابن البندر (زي ما بيقولوا ابن البندر بياكل بيسكويت ههه) .. العمد و المشايخ راكبين عربيات مش راكبينها الباشاوات .. و ماتلاقيش عندهم ال تييت تييت اللي في البلد .. و غير كده .. بيعملوا احترام لبعض ..
معلومه جانبيه : الفدان وصل سعره حالياً 250 الف جنيه .. الفدان = 24 قيراط .. القيراط = 4200 متر مربع ...

**memoz** · 06-03-2008 07:03 PM

يا فلاحين
انا بهزر يا باشا
وياباشا كمان 90%ان مكانش اكتر من سكان القاهره و الجيزه و المدن الكبيره اصلا فلاح او علي الاقل أجدادهم فلاحين

**أبو عبدالله** · 06-03-2008 07:04 PM

ما هو ده اللي بنقول عليه دلوقتي انخلاع من اصلك
ده واحد جاهل اللي بيقول كده
لأن لا يعرف اي حاجه في دنيته
واللي بيقول انهم مابيفهموش غير في الحمار والأرض
والله هو اللي مبيفهمشي الألف من جوز الدره

وحسبي الله وونعم الوكيل

ونرجع نقول هما بيشتمونا بالخارج ليه واحنا اللي بنشتم نفسنا بنفسنا

**SEATLOVER** · 06-03-2008 07:20 PM

العيب مش من اللى بيقول ..و لا من اللى اتقال علية
العيب من اللى فرم الاولانى واعتبرة (دركسيون) وخلى عندة انعدام الثقافة و التمييز .. وفرم التانى واعتبرة (جرار) وخلى عندة انعدام ادراك لى اللى بيحصل حوالية .

**حماده عزو** · 06-03-2008 07:34 PM

أنا فلاح
وبجد مبحبش حد يتكلم عن الفلاح كلام مش كويس لأنى وببساطه
لو مكنتش أنا فلاح وبتعب وبشقى فى الأرض
مكانش أبن الباشا لاقى العيش والخضار والحمه والبن على الترابيزه
هتقولو مهو أنتا كده خدام للبشوات
طيب ومالو مهو خادم القوم سيدهم
ولاأيه ؟؟

**Ahmed Samy** · 07-03-2008 02:24 AM

المشاركة الأصلية كتبت بواسطة Xpert

معلومه جانبيه : الفدان وصل سعره حالياً 250 الف جنيه .. الفدان = 24 قيراط .. القيراط = 4200 متر مربع ...

حبيييييبيييييييي:) دانتا من زمااان قوي
الفدان حضرتك ب 300 الف ده تشاور عليه ماتشوفوش (بعيد و مدفون)
انما الفدان العادي يتراوح من 450 - 800 الف جنيه مصري :D
و المميز (جنب المباني او على الطريق) ب 2 - 3 مليون جنيه مصري :D
انا فلاح :D:D:D:D:D:D

معلومة جانبية ( القيراط = 175 متر و كسر) و الفدان هو اللي 4300 متر يا بيشو;)

**casperinoo** · 07-03-2008 02:56 AM

يعم دول سواقين ميكروباصات...
اهيه ديه بقي اللي شتيمه

**Xpert** · 07-03-2008 11:28 AM

اه انت صح نسيت اكتب شويه حاجات في النص :d .. بالنسبه للاسعار الاسعار اللي ماشيه عندنا كده ;)

**TaoTao** · 07-03-2008 03:23 PM

المشاركة الأصلية كتبت بواسطة Ahmed Samy

معلومة جانبية ( القيراط = 175 متر و كسر) و الفدان هو اللي 4300 متر يا بيشو;)

الفدان 4208 متر مربع
وبالنسبة للفظة "فلاح" فلا يطلقها (عادةً) إلا شخص لا أصل له محدود الثقافة، ولا يدرك أنه أن يكون للإنسان أصل خيرٌ ممن لا أصل له

الموضوع: يا فلاح

LinkBack

أدوات الموضوع

عرض

-

-

-

المواضيع المتشابهه

فلاح صيني يصنع سيارة لامبورجيني بتكلفة 10 الآف دولار فقط

تعريف انظمة الحكم لواحد فلاح بسيط ...!!!!

حوار بين فلاح ومذيعة

الكلمات الدلالية لهذا الموضوع

المفضلات

المفضلات

ضوابط المشاركة