خبراء النيفا من فضلكم افيدوني

**ranovech** · 21-08-2010 05:04 AM

أنا معروض أودامي عربية نيفا موديل 1981 العربية فبريقة دواخل بالكامل ... معمولها عمرة موتور و ماشية 2000 كيلو .... رشة من الخارج نظافة .... الفرش و الكراسي نديفة الفرش الصلي بتعها و محافظ عليها جدا .. العفشة سليمة
مطلوب 20000 الف جنية .. حاولت أنزل حاجة في المبلغ و البائع رافض تماما .... اية رايكم أشتريها ولا غلية كدا ؟ ... ارجو الرد من حضارتكم

**engaass** · 21-08-2010 11:34 AM

اعتقد مش اكتر من 18000

**ranovech** · 21-08-2010 02:15 PM

الف شكر علي الرد ......... و أنا أولتلو 18 ألف و لو وفئت هجبهوملك حالا و للاسف مصمم علي 20 الف بيئولي أنا جايبلها كل حاجتها أصلي

**engaass** · 21-08-2010 04:12 PM

معلش يعنى دى لادا مش bmw عشان ما يجبلهاش حاجتها امال كان عايز يجبلها اية وبعدين خلى بالك ان الموديل قديم وده بيموت سعر العربية حتى لو حالتها ايه

**mohamed2002** · 21-08-2010 04:56 PM

سعر مبالغ فيه

**mada1989** · 21-08-2010 05:16 PM

علي فكره انا عايز اشتري نفس العربيه
وشوفت منها كتير من كتر ما دورت علي حاله نضيفه ده غير اني كنت محتار بينها وبين رانجلر
المهم عربيه زي دي بالظبط اقسم بالله موديل
85 كانت معروضع عليا ب 17 وانا مكنتش راضي
يا باشا عربيه بالسعر ده لازم يبقي مسقطلها ماتور جديد
وبعدين عامله عمره يعني هتطلب عمره كمان سنه وهتقرفك ساعتها
انا راي يا تنزل جامد ف سعرها يا تدور علي حاجه تانيه ومعلش اني طورلت عليك

**ranovech** · 21-08-2010 05:42 PM

متشكر جدا علي اهتمامكم بالموضوع و مساعدتكم ليا ..... أنا شايف باردو ان السعر مباغ فيه أوي ,,, بس أنا بئالي 8 شوهور بدور علي عربية تكون نضيفة وحلتها كويسة و مش لائي .... أنا بدور علي عربية في رنج 22 23 ألف بس للأسف كل العربيات مشيسة يأما عيزة عمرة موتور و كمان أتخنأت لأن العربية بكشف عليها في البنزينة ب 100 جنية و خالاص مبأش فية أمانة كلو عايز يضحك علي الناس
و اسف اني طولت عليكو بس من زاهئي

**mr_sameh** · 21-08-2010 05:48 PM

اصبر وان شاء الله تلاقي عربيه كويسه

**ranovech** · 21-08-2010 06:19 PM

متشكر جدا أستاذ سامح .... أديني صابر.... بس أنا محتاج عربية ضروري قبل بداية السنة الدراسية لاني السنة الجية أنشاء الله بركرليوس وكليتي في العاشر من رمضان و انا ساكن في الهرم

**محمد بازيد** · 25-08-2010 04:44 PM

السلام عليكم ورحمة الله وبركاتة
الاخ الفاضل كل سنة وانت طيب
أولا ليا استفسار صغير جدا اشمعنى النيفا بالذات
ثانيا المبلغ المطلوب عالى جدا على العربية لان العربيات دى معدش ليها سعر اللى لية سعر دلوقتى هو الجيب رانجلر
ثالثا نصيحة لوجه الله انت شاب زى فبلاش النيفا لانها 2 باب دى أور حاجة ثانيا قطع غيرها قليلة شوية وثالثا استهلال البنزين عالى رابعا حضرتك بالمبلغ دة تجيب حاجات مختلفة خالص ممكن سويفت 94 تبقى ب25 الف وحاجات من هذا القبيل لان النيفا والله لسة بتعالج من اثر الركوب فيها لمدة 3 سنوات فى ظهرى والحمد لله قرب العلاج على الانتهاء
خامسا لو انت مصمم عليها يبقى تنزل سوق العربيات فى اسكندرية هتلاقى حاجات منها كثير لان العربيات دى منتشرة فى البحيرة قوى ولو احتجت اى نصيحة ارجوك متسناش وكلمنى وانا تحت امرك
أخوك محمد حامد

الموضوع: خبراء النيفا من فضلكم افيدوني

LinkBack

أدوات الموضوع

عرض

-

-

-

-

المواضيع المتشابهه

من فضلكم افيدوني عن الهوندا سيتي

(عاجل) افيدوني من فضلكم

من فضلكم افيدوني في تيل فرامل الياريس 2007

افيدوني من فضلكم في aveo 5

من فضلكم افيدوني

الكلمات الدلالية لهذا الموضوع

المفضلات

المفضلات

ضوابط المشاركة