-
مشكلة
السلام عليكم ....
انا ضيف عندكم من قسم رينو
الحقيقة انى المشكلة مش بتاعتى ... المشكلة بتاعت واحد صديقى . هو كان معاه اونو و بعاها و جاب اوبل فيكترا a 1600 موديل 1995
العربية فيها شوية مشاكل
1 - العربية استهلاكها للبنزين بشع حسبناها طلع 125 كيلو /20 لتر
2 - التكييف ضعييف مع انه كان شغال فى الاول كويس بقى ضعيف و المشكلة الاكبر ان العربية حرارتها بتوصل ل100
3 - قطع الغيار ياأما غالية يا اصحاب المحلات بيستهبلوا ( ارجوا من ملاك السيارة وضع اسعار لقطع الغيار المختلفة )
4 - مش لاقيين ميكانيكن كويس و فعلا بيفهم فى الاول فى منطقة الهرم و بما إن هو مش فاهم فى الاوبل اوى فالمكانيكيين بيودوه و يجبيوه
ارجوا منكم سعة الصدر و اسف على الاطالة
و شكرا جزيلا
-
95
لاء
انت تجيب من الاخر وتستنى طنانى يحكيلك قصه حياه الموديل ده
-
محمد طنانى هيخلص فى الليله دى
-
يامسهل ادينى مستنى استاذ طنانى و شكرا جدا لردك ياباشا
-
-
تحت امرك يا باشا
اولاً الفيكترا 1600 ال 95 مش مستاهله عبقرى او ميكانيكى خطير يصلحها لأنها تكنولوجيا قديمه معتمده على رشاش واحد من غير هيصة الحساسات اللى فى ال 2000 سى سى
1. استهلاك البنزين اسبابة فى العربية دى محدوده بعيبين لا ثالث لهم
=== الرشاش مسيل و ده سهل يتكشف عليه
=== حساس الكولنت و ده برضوا سهل يتكشف عليه و تلاقى لمبة التشيك فى بعض الأحيان بتنور من غير مناسبة
و عيوب الأتنين دخنه سودا و هباب على البوجيهات
العربية فيها ماب بس نادر قوى قوى لما شفته بايظ بس ده مع استهلاك البنزين العربية تبقى مخنوقة بغبا
الحل
لو رشاش هتيجيبه استيراد من الوكاله من عند سوسو او من خالد خيرى او اى بتاع اوبل فى الوكاله و ما اكثرهم فى الوقت الحالى و سعره يتراوح من 200-250 جنيه لو حالة شاذه
حساس الكولنت ب 65 الفيبى و لا انصح بيه و التوبران ب 55 جنيه و البوش لو اصلى و صح بيعمل 75 جنيه و ده من التوفيقيه من المتحده او سرور او امريكان ستارز و فيه نوع اسبانى بيقولوا كويس قوى
---------------------------------------------------------------------------------------------------------------------------------------------
التكييف
انت كده عندك احتمالين لأن العربية دى مش زى ال 2000 فى سخونيتها
1. فيه تهريب و بالتالى الشحنه ناقصه و بالتالى التبريد يقل و الحرارة تعلى و ده ممكن تتأكد منه لو فيه صوت زى هوا جوه مواسير و انت جوه العربية من الجنب اليمين
2. بلف الضغوط ابتدى يهيس و ده برضوا يسخن العربية و يضعف التكييف
السخونه
لو مع التكييف بس يبقى ماسبق و ضيف عليه انك تتأكد ان المروحتين شغالين سرعتين
لو من غير التكييف يبقى فيه اكتر من احتمال هنا بقى
1. الردياتير فيه سدد او الريش بتاعته عايزة تتنضف
2. غطا القربة لو وحش غيره
3. المروحتين لازم يكونوا شغالين صح
4. طرمبة المية و ده احتمال ضعيف شوية
بس قبل ما تلعب فيما سبق اى كهربائى يقوي كابل الأرضى و و مع تقويته هتلاقى العملية لو مفيش مشاكل اختفت او قلت بنسبة كبيره
================================================== ====================
قطع الغيار
هى بوجه عام قطع غيار الألمانى غالية
شوف عايز قطع غيار ايه و انا اقلكح سعرها و تجيب جديد و لا استيراد و منين
================================================== ===================
الميكانيكى
اى ميكانيكى شغال فى الدايو يشتغل فى الفيكترا ايه اللى هى الشكل القديم لأن موتور الدايو اتبنا على التكنولوجيا دى
مفيهوش اختراعات و لا قلق
حساساته بسيطه
و امكانها سهله
انا مش باتعامل مع حد معين
بس فيه واد جنبى كويس و بيراعى شغله بس يفهم ايه العيب
لو مكنشى كده عندك عبدالله اوبل فى المريوطية شغال مش وحش
===================
ارجو انى اكون عرفت افيدك
-
:Ta_clap[1]:
يا طنانى باشا انا مش عارف اقولك ايه انتا المفروض يبقى التوكيل يبقى اسمه طنانى اوبل مش منصور اوبل
جزاك الله كل خير على معلوماتك الوفيرة و حماسك انك تساعد الناس و خاصة اصحاب الاوبل و بما ان احنا فى محافظة واحدة مش بعيد تلاقينى اخد رقمك من المنتدى و تلاقينى بزعجكك انا و صديقى و تودينا عند الميكانياكى بتاعك علشان انا كمان ما اعرفش نوصل لعبدالله اوبل ازاى
شكرا مرة تانية
-
تحت امرك يا باشا
ارقامى للمره المية
0119995031
0105454207
-
Content Relevant URLs by
vBSEO 3.6.0 PL2