محتاج بوجيهات لعربيتيك ... محتار؟ مش عارف تعمل ايه الحل هنا

من فتره وانا ماليش نفس اعمل مواضيع جديده بسبب بعض الاسباب لاكن اليومين دول حاسس ان القسم بتاعنا اتظبط شويه :ask: يعني التوبك هياخد حقه والناس هتستفيد فقلت انزل التوبك ده :3_3_102[1]: وهوا بخصوص البوجيهات


http://www.9ower.com/uploads/9ower.c...2823591891.jpg


مين فينا ما يعرفش البوجيهات
يمكن في مننا ناس محترفه في الموضوع ده لاكن في ناس تاني يادوبك يعرفوا الاسم فقط
البوجيهات بتكون راكبه في وش السلندر في منتصف غرفه الحريق وفي اشكال وانواع ومقاسات منها النهارده هنتكلم عن النوع الي مستخدم في بروتون وهوا NGK وده من اجود الانواع الموجوده
طيب ايه وظيفه البوجيهات
البوجيهات وظيفتها تفريغ شحنه من الكهرباء الضغط العالي بين قطبين الشمعه الي الجسم الارضي وده بيحصل في غرفه الحريق الي بكون فيها البنزين والهواء مضغوطيب وبكده بيكتمل مثلث الحريق وبينتج عنه حراره وضغط جامد جدا وعشان كده من اهم مواصفات البوجيهات تحمل درجه الحراره الي بتوصل الي 2000 درجه والضغط الرهيب كمان مقاومه الاكسده نتيجه نواتج الاحتراق
طيب ايه النوع المستخدم في بروتون وهل نوع معين ولا ايه
-----------------------------------------------------------------------البوجيهات المستخدمه في بروتون ngk bpr6ef-11

http://www.9ower.com/uploads/9ower.c...2823632691.bmp
طيب ايه الكود ده
الموضوع بتاع الكود ده موضوع يطول شرحه لاكن هنقول الحروف دي والارقام دي اختصار لايه

عشان كده هسيبكم مع جدولين لتعريف الاكواد الموجوده علي البوجيهات وعن طريق الجداول دي ممكن نعرف لو عايزين نغير من ماركه لماركه تانيه


http://www.9ower.com/uploads/9ower.c...2823643441.gif



الجدول الاخير


http://www.9ower.com/uploads/9ower.c...2823644111.gif
اخير ياريت الموضوع يكون عجبكم

تسلم يا استاذ رامى توبك هايل

شكرا يا باشا وياريت تفدنا بالاسعار ان امكن

شكرا م/ رامي على الموضوع الممتاز ,, بس محتاجين من حضرتك ترشيح لكذا نوع انت شايفهم انواع جيده ,, بحيث انه يكون موضوع متكامل..
تحياتي

شكرا يارامى على الموضوع ده بس هل التوكيل بيركب ال ngk فعلا فى الصيانة الدورية ولا الواحد يشتريه من بره وهما يركبوه
ياريت توضيح النقطة دى للاهمية

شكرا يا رامى باشا على الموضوع الهايل بس ياريت نوع يكون من الانواع اللى بتعد فى العربية 60000 كيلو مش زى بتاع الوكيل يتغير كل 20000 لانى عايز اجيب ومش عارف بصراحة ياريت الانواع ال ngk اللى بتعد اكتر من كدة وتكون متناسبة مع الجين2 تحديدا بعكس الlaser iridium اللى مش معمول للجين 2
تحياتى يباشا

والله يوم عن يوم بتعمل توبيكات اجمل واشد ربنا يباركلك يا م / رامى
بص يا سيدى انا لسة جايب البوجيهات من اسبوع من توكيل التوفيق ngk فى المعادى والسعر 180 ج
الحمدلله فى تحسن ملحوط فى السحب بس استهلاك البنزين اكتر من الاول خصوصا لانى بجرى كتير
السوال هل الكود دة صحيح لان دة الى راكب عندى وراكب بردوا فى الجين بتاعت احمد على
BKR6EIX 6418 NGK
هل دة الكود دة صح او لا

الف شكر على المعلومات الهايلة دي...توبيك رائع احييك عليه ...

ممكن تقولنا ايه الفرق بين البوجيهات دي والبوجيهات الليزر والاسبليت فاير وشفت بوجيهات ليها 3 رجلين معلش اعذر جهلي بس العلم نور :) ... وكمان موضوع الكابلات الخاصة بالبوجيهات الرياضية .. وهل هي تحسن الاداء فعلاُ ولا مش قوي... وهل البوجيهات ممكن تفرق في اداء العربية فرق جوهري وهل هي ليها تأثير مباشر على العمر الافتراضي للموتور ...

اسف للإطالة وتقبل تحياتي

الله ينور على المواضيع الجمده، بتزود والله قاعده بياناتي

تسلم ايدك يا باشمهندس / رامى
و كل عام و حضرتك بخير
رمضان كريم

تسلم ايدك......

اقتباس:

---

المشاركة الأصلية كتبت بواسطة felix

شكرا يا باشا وياريت تفدنا بالاسعار ان امكن

---

البوجيهات ال ngk بتبتدي من 40 جنيه لغايه 220 جنيه علي حسب العمر والماه المصنوعه منها اقطاب البوجيه

اقتباس:

---

المشاركة الأصلية كتبت بواسطة XXXMEMOXXX

شكرا م/ رامي على الموضوع الممتاز ,, بس محتاجين من حضرتك ترشيح لكذا نوع انت شايفهم انواع جيده ,, بحيث انه يكون موضوع متكامل.. الهدف من الموضوع ان الناس تتعرف علي عربياتها اكتر والفايده تعم بي النسبه للانواع في دنسو و بوش وشامبيون واوتولايت...... انواع كتير من افضلهم ngk
تحياتي

---

اقتباس:

---

المشاركة الأصلية كتبت بواسطة Osama.shihata

شكرا يارامى على الموضوع ده بس هل التوكيل بيركب ال ngk فعلا فى الصيانة الدورية ولا الواحد يشتريه من بره وهما يركبوه
ياريت توضيح النقطة دى للاهمية

---

ايوه يا اسامه التوكيل بيركب نفس البوجيهات الي بتيجي في العربيه وانا لما بقول التوكيل قصدي عز العرب لان قريت مره ان واحد عمل صيانه لعربيته في مركز صيانه معتمد وغيرولوا نوع بوجيهات غير ngk

اقتباس:

---

المشاركة الأصلية كتبت بواسطة mido_soliman

شكرا يا رامى باشا على الموضوع الهايل بس ياريت نوع يكون من الانواع اللى بتعد فى العربية 60000 كيلو مش زى بتاع الوكيل يتغير كل 20000 لانى عايز اجيب ومش عارف بصراحة ياريت الانواع ال ngk اللى بتعد اكتر من كدة وتكون متناسبة مع الجين2 تحديدا بعكس الlaser iridium اللى مش معمول للجين 2
تحياتى يباشا

---

البوجيهات الlaser iridium مين قال انها ماتناسبش الجين2 :whtauwant:
مش معني ان في الجدول مش مكتوب:3_3_102[1]: عليه بروتون او جين 2 انها ماتناسبش
لا تركب وانتا متطمن ماتخافش

الlaser iridium المجال الحراري بتاعها واسع وعالي جدا وده بيتاناسب مع محركات بروتون كمان بيخلي المحول الحفاز بيشتغل في درجات حراره مثاليه

اقتباس:

---

المشاركة الأصلية كتبت بواسطة eslam_wega

والله يوم عن يوم بتعمل توبيكات اجمل واشد ربنا يباركلك يا م / رامى
بص يا سيدى انا لسة جايب البوجيهات من اسبوع من توكيل التوفيق ngk فى المعادى والسعر 180 ج
الحمدلله فى تحسن ملحوط فى السحب بس استهلاك البنزين اكتر من الاول خصوصا لانى بجرى كتير
السوال هل الكود دة صحيح لان دة الى راكب عندى وراكب بردوا فى الجين بتاعت احمد على
BKR6EIX 6418 NGK
هل دة الكود دة صح او لا

---

صح يا فندم انا كشفت عليه الكود وطلع صح ولو عايزني اعرفلك الكود يعني ايه حرف حرف انتا بس قولي

اقتباس:

---

المشاركة الأصلية كتبت بواسطة misho502

تسلم ايدك يا باشمهندس / رامى
و كل عام و حضرتك بخير
رمضان كريم

---

الله اكرم ويارب نكون جميعا بخير :ask:

:satelite:

اقتباس:

---

المشاركة الأصلية كتبت بواسطة مصطفى_صديق

تسلم ايدك......

---

شكرا يا مصطفي باشا رمضان كريم

ا/ رامي .. انا مستني ردك

اقتباس:

---

ممكن تقولنا ايه الفرق بين البوجيهات دي والبوجيهات الليزر والاسبليت فاير وشفت بوجيهات ليها 3 رجلين معلش اعذر جهلي بس العلم نور :) ... وكمان موضوع الكابلات الخاصة بالبوجيهات الرياضية .. وهل هي تحسن الاداء فعلاُ ولا مش قوي... وهل البوجيهات ممكن تفرق في اداء العربية فرق جوهري وهل هي ليها تأثير مباشر على العمر الافتراضي للموتور ...

---

ايه يا ا/ رامي انت مش عاوز ترد عليا ولا إيه .. لو مشركتي مش عجباك ممكن امسحها
انا بصراحة مش فاهم..!!!!!

طيب نعمل ايه معاك يا ابو الروم فى موضيعك الجامده ده

الله يكرمك يا اخى ويستر طريقك ويديك الصحة

تسلم ايدك يا باشا على المواضيع الجامدة دى
جابكو دايما بتطلع عباقرة

اقتباس:

---

المشاركة الأصلية كتبت بواسطة eng. Rafy samy

الف شكر على المعلومات الهايلة دي...توبيك رائع احييك عليه ...

ممكن تقولنا ايه الفرق بين البوجيهات دي والبوجيهات الليزر والاسبليت فاير وشفت بوجيهات ليها 3 رجلين معلش اعذر جهلي بس العلم نور :) ... وكمان موضوع الكابلات الخاصة بالبوجيهات الرياضية .. وهل هي تحسن الاداء فعلاُ ولا مش قوي... وهل البوجيهات ممكن تفرق في اداء العربية فرق جوهري وهل هي ليها تأثير مباشر على العمر الافتراضي للموتور ...

اسف للإطالة وتقبل تحياتي

---

اقتباس:

---

المشاركة الأصلية كتبت بواسطة eng. Rafy samy

ايه يا ا/ رامي انت مش عاوز ترد عليا ولا إيه .. لو مشركتي مش عجباك ممكن امسحها
انا بصراحة مش فاهم..!!!!!

---

يا فندم انتا ليه بتفهمني غلط تعتقد ايه الي مش هيخليني ما اردش علي حضرتك
اعذرني ممكن اكون مشغول ممكن اكون ماشفتش التوبك
(التمس لاخيك 70 عزر )
كل عام وانت كيب
المهم الفرق بين البوجيهات العاديه والليزر والبلاتنيوم والاريديم
الخامه المصنوع منها القطب الموجب الي بتعدي منه الشراره الي القطب السالب والي بينتج عن قفزه الشراره دي فرق جهد عالي جدا والي بيخلي القطب الموجب مع فتره التشغيل يحصل فيه تاكل خفيف بيزيد مع طول فتره التشغيل والي بدوره بياثر بي السلب علي دقه توقيت الشراره وايضا اذا كانت كميه البنزين المحقون ازيد من ما يجب بينتج غازات عادم تحتوي علي نسب عاليه من اكاسيد الكربون والي بتاثر تاثير سلبي علي جوده الاقطاب عشان كده الاقطاب المصنوعه من البلاتينيو والاريديوم والليزر بتقاوم العوامل دي كلها وبيكون عمرها اكبرررررررررررررررررر
وبخصوص الاسلاك الاسبلين فاير دي كابلات باقطار معينه ومصنعه من مواد جيده جداااااااااا لتوصيل الكهرباء ذات القدرات العاليه عشان كده بتزود اداء لاكن مع بوجيهات ليزر او بلاتنيوم هتحس بي الفرق الي مركب الاسلاك دي في عربيته الاستاذ احمد حلمي هوا ممكن ياكدلك كلامي
تقبل تحياتي
اخوك رامي محمد

شكراً استاذ رامي على ردك وسعة صدرك...
انا كنت مستعجل على ردك لأن اخويا كان نازل يشتري بوجيهات وقولته استنى اجي معاك وكنت مستنيك ترد عليا علشان اخد قرار حنشتري ايه... رأيك يهمني لأنك فاهم ودارس ومش بتفتي وانا بثق فيك وفي رأيك ... بس كده .. شكراُ مرة تانية وتقبل تحياتي وفائق احترامي

سؤال كمان لو سمحتلي... هل يحب تغيير البوحيهات بعد مده معينة ولا لما يظهر فيها عيب.. ؟
وفي حالة مواتير الكامبرو - هي لسه جديدة بس انت رأيك نستخدم ايه علشان نحافظ على عمر للموتور.. بغض النظر على الأداء الرياضي.. انا بتكلم على راحة الموتور وإطاله عمرة

لك مني كل احترام وتقدير
تقبل تحياتي

انا عن نفسي احب امشي مع كلام التوكيل يعني طالما احنا مش بتوع شد وحرق واوكتان بوستر والحاجات دي يبقي نجيب البوجيهات من بره ونركبها في التوكيل زي ما جدول الصيانه بيقول مع الالتزام بكود البوجيهات دي رايي الشخصي

يعني من الاخر يا رامي باشا
ايه احسن نوع بوجيهات ممكن اركبه للجين 2 2008 واجيبه منين ؟ وبكام؟ والكود ده اعرفه منين؟
خالص تحياتي

استاذ رامى الرجاء معرفة ان BKR6EIX 6418 NGK غير متوافقه مع الجين 2 تماما و تؤثر على ماتور الجين 2 وده رأى توكيل NGK انا بعتلهم مايل :
Dear Ahmed,

As we are the UK based offices of NGK Spark Plugs, we can only offer
comment on UK vehicles. The plugs used in other countries may well differ
from parts that are available here in the UK.

BKR6EIX is NOT compatible with your Proton Gen 2 as it has the incorrect
seating method required for your cylinder head design.

The UK models use a taper seat plug, not the gasket seat plug you have
quoted.

The plug that you removed from your vehicle will most likely be an NGK
item as original equipment, part number BPR6EFS-11. If you check the plugs
fitted to your vehicle and it is indeed a BPR6EFS-11, then BPR6EFIX-10 can
be used as an Iridium upgrade for the this part number.

Thank you for your enquiry.

Regards,

Mik Peirce AffIMI
Technical Assistant

NGK Spark Plugs (UK) Limited
Maylands Avenue
Hemel Hempstead
Hertfordshire
HP2 4SD
Tel: 01442 281000
Fax: 01442 281001
Website: www.ngkntk.co.uk





Site contact email

ahmed_elsalamony
to:
techweb
24/08/2010 08:38






Name: Ahmed Reda

Message: Hi, i have Proton Gen 2 Campro 1.6 A/T Model 2008 and i want to
know if NGK Spark Plug with part number: BKR6EIX is compatible with Gen 2
without any bad side effect or not. many thanks any advance. Regards Ahmed
Reda


NGK Spark Plugs (UK) Limited is a limited company registered in England and Wales.
Registered number 1212088. Registered office: 35 Vine Street,London, EC3N 2AA

################################################## ###################################
This e-mail message has been scanned for Viruses and ....... and cleared by MailMarshal
################################################## ###################################

رأى توكيل بروتون:
Dear Mr. Reda
thank you for your recent e-mail, the correct spark plug for your vehicle is NGK BPR6EF-11 this make and type of plug has been researched and is known to deliver the correct results and performance for your engine at the best possible price, all the ignition components are matched therefore I can only advise you to use the original specification plug as I can see little or no benefit of moving to a Iridium plug.
I hope this information is of use to you
Peter Clifford Eng Tech M.I.M.I
Proton Technical
Proton Cars (UK) Ltd
Units 1-3 Crowley Way
Avonmouth
Bristol BS11 9YR
DD: +44(0) 1179 386378
Fax: 01179 380614
Email: Peter.clifford@proton.co.uk


Registered Office: 1-3 Crowley Way, Avonmouth, Bristol, BS11 9YR
Registered in England No: 1857505
VAT Registration No: 584 9800 94

البوجيهات المتوافقه مع الجين 2:
http://www.ngksparkplugs.com.my/news...=detail&id=205
http://www.globaldenso.com/cgi-bin/g...&action=search
http://www.globaldenso.com/en/produc...rch/index.html
اخر الجداول لمعرفة رموز بوجيهات NGK الجديده :
http://www.ngksparkplugs.com/docs/te...bols_plugs.pdf
وكل سنه و انتو طيبين رمضان كريم