احذر هذا الميكانيكي

**volex74** · 21-08-2010 08:17 AM

السلام عليكم

دي اول مشاركة ليا هنا فى منتدى الاوبل
انا معايا استرا2001, المشكلة بدأت لما كنت فى مشوار قبل الفطار قولت ازود مية للرادرتير والعربية دايرة عادى جدا المهم 5دقايق والقى العربية بتكركر وراحت مبطلة انا استغربت جدا و مشعارف فى اية غلط ,
المهم ركنت و كلمت صاحبى جة خادني ,
انا علطول بشوف مكانيكي جنب البيت ( خلف السراج مول مدينة نصر) عندو اوبل كتير يعنى ,ودة اول واحد جة فى دماغى

رحتلو وحسيسنى انو دكتور ومعاة سر من اسرار الكون و انو رايح يصلح صاروخ ,
وجة معايى ودور بطل وبطل ودور !!!!!!!!!!!!!!
و راح قايلى العربية مفهاش حاجة بس تعالى الورشة اولت اوك
رحت الورشة واكشف تانى قالى الرادرتير دة بايظ والترموستات والخراطيم وحاجات تانية انا مش فاكرة وليلة

فقولت اوك كام اليلة دى
فقالى الرادرتر من عندى(صناعة هندى) 700ج و ترموستات غير التركيب اتصدمت مرة واحدة الرادرتير باظ و كل دة باظ طب ازاى
وتسيب العربية و تيجى كمان يومين فا انا قولت لا طبعا والكلام دة معجبنيش ومشيت بعد ما حسبتو ,

فقولت اورح لواحد بتاع رادرتير يمكن ؟
دور,بطل,زود,,,,,,,,,,
المهم فقالى العربية واخدة هوا ؟؟انا مش فاهم ,شال خرطوم من القربة و قعد يفطى وكلة بقى تمام و مرضيش ياخد فلوس و قالى انا معملتش حاجة والعربية بقت زى الفل .........

وحسبى الله فى الى كان عايز يلبسنى فى ليلة من غير داعى

و شكرا...............................

**rocker** · 21-08-2010 08:23 AM

الحمد لله ربنا سلم
وعلى العموم كويس انك خدت بالك
الاشتغالات والحوارات بتاعه انصاف المتعلمين والجهله بتوع وكاله ناساااااااااااااااا للفضاء

ربك يستر

**mohamed_e36** · 21-08-2010 10:39 AM

حسبي الله ونعم الوكيل في العالم دي
والله العالم دي بتفورلي دمي

**nab!l** · 21-08-2010 10:50 AM

حضرتك غلط تحط مياه والعربيه دايره
لان ساعه ماهتفتح القربه هتاخد هوا

**mexmarine** · 21-08-2010 11:43 AM

مالوش لازمه و العربيه دايره و الحمد لله علسلامه . كان هيدفعك حق ريداتير و ياخد اللى عندك يرميه عالارض و يقولك عاوز البايظ ده ؟ و يبيعه لغيرك .

**A.Saad** · 21-08-2010 02:38 PM

المشاركة الأصلية كتبت بواسطة nab!l

حضرتك غلط تحط مياه والعربيه دايره
لان ساعه ماهتفتح القربه هتاخد هوا

امال الحل ايه لو احتاج تزويد مياة والعربية سخنة

**meika** · 21-08-2010 03:07 PM

نصيحة لمة تكون فى حاجة تانى ى العربية اسال كذا واحد

**abdelaziz-waleed** · 21-08-2010 03:34 PM

المشاركة الأصلية كتبت بواسطة nab!l

حضرتك غلط تحط مياه والعربيه دايره
لان ساعه ماهتفتح القربه هتاخد هوا

تمام يا نبيل عندك الحق
بس هو ممكن تتغلب على الموضوع ده بتزود القربة والعربية دايرة ولكن لازم تنتظر شوية لغاية ما الهوا يخرج عن طريق انك تستنى لغاية ما تلاقي المية بدأت تزيد في القربة وتطلع لفوق واول ما تقترب من فتحة القربة تقوم قافل القربة كويس هتلاقي المية نزلت تاني والدورة ان شاء الله مافيهاش مية
انا غالبا بزود مية والعربية باردة ومبطلة الصبح بدري مثلا