جين 2 ولا اوبترا ولا نيسان صنى
السلام عليكم :
يا جماعة ارجو المساعدة لانى خلاص هاتجنن , كل ما استقر على عربية اسمع عليها كلام يقلقنى وافكر فى غيرها, دلوقتى قدامى جين 2 وسمعت انها عربية جميلة وهى عاجبانى شخصيا وميال ليها , بس سمعت كلام غريب جدا عن فراملها انك عشان تقف فجأة لازم تدوس نص دوسة وطبعا ده لو صح يبقى هبل وتتشال فورا من القائمة , ولا اجيب اوبترا اللى فى ناس كتير من ملاكها بيشتكى منها وصاجها الضعيف والمشاكل اللى بتظهر فيها , ولا نيسان صنى اللى فيها مشاكل فى التقفيل وكمان الفرامل , استبعدت النيو اكسنت لانى مش بثق فى اعتمادية وتحمل الهيونداى عموما , طبعا انتو عارفين انى بتكلم فى فئة ال 85000 وماعتقدش انى هازود عن كده , ارجو المساعدة لان قربت اصرف نظر عن شراء عربية واشترى عجلة وخلاص عشان ماشتريش عربية زيرو احط فيها كل فلوسى وفى الاخر تبهدلنى , معلش طولت عليكو بس لو حد عنده نوع عربية تانى غير اللى قلته فى نفس الفئة السعرية ياريت يقولى عليها ويقوللى اسبابه , انا عايز عربية تستحمل بهدلة شوارعنا , وتكون عالية شوية عن الارض عشان المطبات , كمان تسد معايا فى السحب والجرى عشان بحب امشى بسرعة , واتزانها كويس , وصاجها مش ورق , وماتفرقش اذا كانت مانيوال ولا اوتوماتيك , انا عارف ان كل عربية فى الفئة دى فيها عيوب , بس مش عايز عيوب تودينى فى داهية , ارجو الاهتمام وشكرا
