العربية مش راضية تدور الحقوني بسرعة مش عارف اعمل اية

**أحمد علوان** · 21-08-2010 11:56 AM

يا اجماعه العربية على طول بتدور من اول مرة
انهاردة رايح الشغل الصبح أجي ادور أسمع صوت تكة ومفيش اي حاجة بتحصل ولا صوت مارش ولا اي حاجة هو مجرد صوت تكة بس أحاول تاني مفيش فايدة فتحت الكبوت وشوفت كبلات البطارية لقيتها ثابته مكنها زي الفل وكل حاجة بافتح الباب نور الصالون بينور ولما بادور لمض التابلوة بتنور جربت وخليت الناس زقوني العربية دارت وطفت وزقو تاني انسا يا عمرو مفيش أي أمل
وأديني رحت الشغل بالمواصلات واتأخرت ساعة وربع وهارجع مواصلات ومش عارف هاعمل اية انا في مدينة بدر ومعرفش أي ميكانيكي هناك
يا ريت تساعدوني بسرعة عشان لما اروح اعرف اتصرف
مستني ردودكم

**shoudy2005** · 21-08-2010 04:00 PM

مشكلة فى اتوماتيك المارش

**karimfahmy99** · 21-08-2010 05:41 PM

غالبا 90 % البطارية باظت . فيها ربع . تنور انوار ماشى كلاكس ماشى بس الدوارة مع موتور البنزين انسى انها تقوم العربية . شوف حد يديك وصلة و شوف كهربائى يكشف على البطارية

**mr_sameh** · 21-08-2010 05:50 PM

اعتقد البطاريه

**cOrn** · 21-08-2010 08:18 PM

بص يا باشا هات زلطة من الارض و هتلاقى سكلين ماسكين فى البطارية خبط على الحلقة الحديد اللى حوالين العواميد بتاعت البطارية خبط عليها 10 مرات كدة مثلا بس بالراحة و مش من النص من الاطراف و دور العربية وادعيلى

**karimfahmy99** · 22-08-2010 07:11 AM

المشاركة الأصلية كتبت بواسطة matrixco

بص يا باشا هات زلطة من الارض و هتلاقى سكلين ماسكين فى البطارية خبط على الحلقة الحديد اللى حوالين العواميد بتاعت البطارية خبط عليها 10 مرات كدة مثلا بس بالراحة و مش من النص من الاطراف و دور العربية وادعيلى

هذا الحل 80% يفسد البطارية دا على اساس انها سليمة كدة انت بوظتها لا البطارية اكيد مش جديدة . طبعا اساس كلامك ان الاوتاش مهرب يبقى احسن يفك و يغسل بمية سخنة بدل الظلطة . و بعدين بيبان لو فى تمليح حوالين الاوتاش دا ممكن يؤدى لتهريب او ضعف توصيل دا لو بطارية سائلة اما الجافة صعب تلاقى اى تمليح و بيكون بطارية باظت . اولا صاحب المشكلة لازم يعرف البطارية عمرها اد اية اذا عدت سنة و نص يبقى تتغير و برضة يكشف الاول ممكن يكون عندة عيب فى الدينامو شحن قليل او ممكن شحن عالى و هيكون اما دينامو او كتاوت الشحن .

**m_kamal** · 22-08-2010 09:41 AM

انا عندى نفس المشكلة بقالى اسبوعين .... مابسمعش صوت المارش خالص لما اجى اشغل العربية ..... بس بجرب كذا مرة فالمارش بيشتغل والعربية بتشتغل عادى
و البطارية جديدة برده ماكملتش 3 شهور
بس لما كنت بغير البطارية كانت السلوك اللى بتتربط فيها مملحة و الراجل غسل الملح و نظفه تمام بس لما فتحت الكبوت علشان اشوف البطارية الجديدة مالها لقيت الملح اتكون مرة تانية و مش عارف ايه السبب ....

يا ريت حد يقدر يفيدنا
ولكم جزيل الشكر

**karimfahmy99** · 22-08-2010 10:06 AM

المشاركة الأصلية كتبت بواسطة m_kamal

انا عندى نفس المشكلة بقالى اسبوعين .... مابسمعش صوت المارش خالص لما اجى اشغل العربية ..... بس بجرب كذا مرة فالمارش بيشتغل والعربية بتشتغل عادى
و البطارية جديدة برده ماكملتش 3 شهور
بس لما كنت بغير البطارية كانت السلوك اللى بتتربط فيها مملحة و الراجل غسل الملح و نظفه تمام بس لما فتحت الكبوت علشان اشوف البطارية الجديدة مالها لقيت الملح اتكون مرة تانية و مش عارف ايه السبب ....

يا ريت حد يقدر يفيدنا
ولكم جزيل الشكر

نوع البطارية اية ؟ سائلة و لا جافة ؟؟

**mohamed_e36** · 22-08-2010 10:39 AM

وانا برضو بعاني من نفس مشكله حضرتك بس في الغالب ده عيب مارش

انا ملاحظ حاجه ان في عيوب منتشره عندي وعند ناس تانيه الايام الحر دي زي مشكله حضرتك
ومشكله ان العربيه بتبطل ومترضاش تدور ودي غالبا بتكون مشكله طرمبه بنزين

**mohamed9999** · 22-08-2010 11:04 AM

المشاركة الأصلية كتبت بواسطة karimfahmy99

غالبا 90 % البطارية باظت . فيها ربع . تنور انوار ماشى كلاكس ماشى بس الدوارة مع موتور البنزين انسى انها تقوم العربية . شوف حد يديك وصلة و شوف كهربائى يكشف على البطارية

100%