1 مرفق
سيدتي الجميلة ( الشمامة ) شكرا
جاتلي رحلة مفاجئة لأسيوط و عربيتي في القاهرة و التانية لسه بتتشد .
سألت على الايجار لقيت مكاتب الايجار اتجننوا المشوار اللي كان ب 150 بيطلب 300 و شرط تبلغه وتدفع عربون قبلها بيومين على الأقل ...
المهم طلبت من عمي عربيته عشان أروح بيها و انا قلقان جدا من أي حركات نص كم هتحصل في الطريق .. و بيني و بين نفسي بقول يا واد اشتري نفسك و وقتك و ادفع 300 و ارجع أقول لأ دي سرقة ...
خدت العربية الشمامة من عمي و بدء المشوار ..
العربية واسعة , الكراسي مريحة , الفيتيس سهل الحركة ..
العفشة ناعمة جدا بالمقارنة بلانسر 1993 و ب بيجو 1978
صوت الموتور عادي مش عالي و مش مكتوم لكنه صوت حلو تحب تسمعه يديلك احساس بالقوة و بيقولك خلي بالك فيه وحش تحت الكبوت...
الشنطة كبيرة جدا
التكييف معقول
الباور خطير مش موجود في عربيات الزيرو زي الصني
على الطريق كنت ماشي متوسط سرعة 140 أوقات 160 و اوقات 120 بس في الغالب 140 و كاني ماشي 60 و لا تحس بالهواء و لا بسرعة العربية ..
الحقيقة أنا ذهلت من عربية عمرها من عمري و بالمواصفات اللي أنا هدور عليها لو عايز أجيب زيرو النهاردة ... ( شكلها هتلعب في دماغي )
بس عيبها شكلها مش حلو لكن عربية وحش فعلا ............
أعزائي ملاك مرسيدس اسمحولي أعتذر ليكم عن سوء ظني فيكم من انكم بتشتروا عربيات قديمة بأسعار عالية و متمسكين بعربيات مش مناسبة لأيامنا دي .............
أنا كنت مخطأ تماما و العربية دي تستاهل كل مليم يدفع فيها و انا فعلا فهمت ليه ملاك المرسيدس مش بيركبوا غير مرسيدس ........
دي صورة عربية أختها نفس اللون