ايهما افضل سخان كهرباء فريش ولا اولمبيك ولا يونيفرسال
ولماذا
عرض للطباعة
ايهما افضل سخان كهرباء فريش ولا اولمبيك ولا يونيفرسال
ولماذا
سمعه فريش زفت وواحد كتب انه اتكهرب منه مره!!!!!
اوليمبيك شغال عندنا من 12 سنه وزى التاكس عمره ماقال لا
يونيفرسال معرفش عنه حاجه بس حاسس انه نضيف
السلام عليكم ورحمة الله,
نصيحة لوجه الله, لو في أي حاجة حضرتك محتاجها و العربي بينزلها يفضل جدا إن حضرتك تاخدها من عنده, ...
سخان توشيبا.. هو أغلى و أفضل سخان في السوق...
الله كريم,...
الثيرمكس الايطالي
ثم التوشيبا و الاريستون
اوليمبيك مش كويس و لي معاه تجارب سيئة بالذات الثرموستات بيعلق دايما و تلاقي الحرارة كسرت المؤشر و تفتح الحنفية تلاقيها بتطلع بخار سخن زي الحلة البريستو و بتاع الصاينة قاللي كويس انك لحقتة دة كان دقايق و ينفجر
الثيرمكس عندي في البيت من حوالي 5 -6 سنين و ناسية تماما
بس هو غالي شوية
تلاقية في شارع عبد العزيز
ميزتة ان الحلة سيراميك يعني عمرها ما تتآكل من الاملاح زي بقية السخانات
التوشيبا حلتة ستانلس مفروض برضة ضمانها 10 سنين تقريبا
انما الاوليمبيك حلتة صاج بس هما حاطين عليها طبقة سميكة من الطين علشان لو اتخرمت الطين يمنع التسريب (يعني زي صابين بلاص على الحلة)
و دة سبب تقل السخان الاولمبيك
حضرتك ممكن تشتري حاجة تانية أحسن من كل اللي فات ...
سخان كهرباء speed heat
ده سخان بيشتغل لما تفتح الحنفية و لما تقفلها السخان يبطل
أولا .. حجمه صغير جدا لأن مافيش خزان هو عبارة عن ملف كهربائي و خزان صغير جدا لذا أبعاد السخان حوالي
30 x 20 سم
ثانيا .. تركيبه سهل جدا
ثالثا.. موفر جدا في أستهلاك الكهرباء و مافيش أعطال كمان أنت ممكن تشغله بنصف قدرته في الصيف بأنك بتفصل مرحلة منه بزرار
رابعا.. هو بيعتمد علي ضغط المياه و بالتالي تقدر تتحكم في درجة حرارة المياه بمقدار فتحة الحنفية نفسها دون الحاجة لفتح المياه الباردة للتبريد زي السخانات العادية
العنوان و التليفونات ..
- مدينة العبور (المنطقة الصناعية الاولي)
- تليفون : 0124452061 (م/ سعد) أو 024192548
مع خالص تحياتي
م/ سمير الشهاوي
أسوء سخان في مصر هو سخان فريش
سخان فريش سيء جداً
وأنا أقول ذلك لأني إشتريته وغيرته في الضمان ثلاث مرات لنفس العيب كل مرة
وآخر مرة بعد ثالث تغيير كهربني وبقى سخان مكهرب
والله العظيم إني رميته فوق السطح رغم إني من حقي أخليهم يغيروه تاني
أسوء سخان في العالم سخان فريش المصري
المهم ركبت بعده سخان أريستون إيطالي وليس صيني
وكان راكب في شقة ثانية بقاله 15 سنة
فكيته وركبته عندي
والآن يكمل عامه العاشر عندي بسم الله ما شاء الله بدون أي مشكلة والله أكبر
يونيفرسال جربتهم في بوتجاز وكان زفت الزفت
وخدمة ما بعد البيع عندهم لا ترد
أوليمبيك يعتبر أحسن سخان صناعة مصري ولا يعني ذلك أنه خالي من العيوب لكنه أحسن سخان يصنع داخل مصر
العربي سمعته مش محتاجه كلام فوق الكل وذهب خالص ولكن سخان العربي غالي جداً جداً
ونصيحة ريح نفسك من كل ده وهات سخان غاز 5 لتر وهتنسى موضوع السخان نهائي
أنا عندي اريستون ARISTON، من ١٠ سنين، شغال ممتاز ، super glass ، فاقد الحرارة لا يذكر ، ممكن سخونه المياه تفضل فيه لمدة ٣ أيام من غير أعاده تشغيل
سخان اوليمبيك ... ممتاز