الموضوع: الشامل فى عيوب شيفروليه لانوس حصرياً.

المشاركة الأصلية كتبت بواسطة ahmedeg1

السلام عليكم و رحمة الله و بركاته و كل سنه و انتم طيبيين
من الواضح ان الأخ اللى كاتب لستة المشاكل اتقرص من وساخة التوكيل و أحب أوضح لسيادتكم ان أوسخ حاجه بتنغص على الواحد عيشته فى العربية دى و يبقى شايل هماها هوا التوكيل و مواعيد الصيانه الدوريه بس عاوز أقول حاجه لوجه الله أن الشيفورليه لانوس أنا أملكها و الحمد لله من 28-3-2010 و العربيه فهلا كان سحبها زى الزفت فى الأول بس مع التكييفلكن من غيره العربيه تمام و فعلا لغيارات كانت خشنه جدا لدرجة انى ندمت انى بعت عربيتى الرينو موديل 1987 بسلاحظت حاجه ان سواقتى للعربية هيا اللى كانت مش مظبوطه أول حاجه عاوزكم تعرفوها ان العربيه دى بعد ما قعدت معايا و اتعودت عليها اكتشفت انها عربيه محترمه جدا جدا و لما بدءت أقرا فى السرفيس مانيوال بتاعها و ظبط معامل توقيت الشراره الخاص بقوة الأوكتين الموجوده فى البنزين المستخدم لاقيت العربيه فرقت كتير جدا جدا فرق السما من العمى و لما رحت التوكيل الزباله اللى أساء للانوس قالى اللى انتا عملته مظبوط بس احنا بنظبطها فى مصر على بنزين تسعيين و قولنله طبعا كلامك غلط و وريته الضبط يقى الزاى يعمى من الإخر عيوب السيارة تتلخص فى التالى التقفيل مش100 100 و لكن مقبول لحد ما و صاج السياره تحس انه ورق بس عاوز أقول حاجة ان العربية فى الثبات عشره على عشره و استهلاك البنزين عشره على عشره و السحب مع التكييف بعد ضبط الأوكسن بقى ميت فل و عشره و موضوه الهزه اللى فى الدركسيون و الحدفه اليمين أو الشمال كان عندى و رحت ظبط ترصيص العجل و خليت ضغط الكاوتش على 28 مش 30 و نتروجين و عاوز أقولك ان الهاف اوبشن فى الشيفورليه بيركبله موتور و ضفيرة الكامله فى اللانوس يعنى هتلاقى egr و علبة بيئة و لحبيت تركب سنتر أول زجاج كهربا أو شبوره و ساعة فى التبلوه مش هتقطع الضفير خالص و هتلاقى فيوزات الحاجات دى فى الدائرة الكهربيه بتاعة العربيه
صلى انتا على النبى و حاول تفتح موتورك و تعلمه المشى صح عشان يسمع كلامك لما تحب تخليه يجرى و لو احتجت اى مساعده اطلبها و متترددش
أخوك فى الله
أحمد

المشاركة الأصلية كتبت بواسطة ahmedeg1

أنا أول ماجبت العريبة فعلا كان صوت الموتور عالى سواء بالتكييف أو بدونه و لما رحت التوكيل الزباله بتاع منصور قالولى هو كده عادى المهم رضيت بالأمر و بعد ما قاريت فى المنتدى فتره استخلصت ان لما العربيه بتكون فى أول كيلومترات حياتها بتبقى لسه بتتشكل على طريقة سواقة صاحيها و فعلا بعد ما وصلت لل 7000 كيلوا متر لاقيت الوضع بقى أهدى بكتير و بعد ما غيرت نوع الزيت (موبيل) اللى كان محطوط فيها لزيت إمارات مصر ثم الى شيل الأصفر موضع الصوت إختفى تماما و لاقيت إن شيل الأصفر هوا الزيت المناسب للمحرك بتاع العربيه دى من حيث الإداء و الهدوء و سمعت عن زيت اسمه فيسكو هجربه ان شاء الله
و دلوقتى لا في صوت عالى لابتكييف و أو بيه

أحمد

انا كمان بستعمل زيت شيل الاصفر و فعلن لاحظت صوت الموتور الي هدي بطريقة ملحوظة فعلن ,,, بس بعد لما عملت ظبتط فيشة الاوكتين علي 95 و على بنزين 92 الصوت رجع علي تاني بس انا كنت منبهر بالاداء و السحب فا قلت مش مهم الصوت لكن بعد الحر الي احنا فيه ده بقيت بشغل التكيف الصوت بقي صعب اوي

شكرا للسادة المشاركين ...... ومتابع

المشاركة الأصلية كتبت بواسطة rimonwagdy

أعزائى الكرام أسمحوا لى أقول رأىى ...
مع كل التقدير لجميع المشاركات بس فيه حاجة مهمة أوى السيارة شيفروليه أولأ : الانوس الأن فى مصر جديدة بحوالى 69000 جنيه يعنى كل واحد يمتلك هذا المبلغ يحاول الحصول على أفضل سيارة فى حدود هذا المبلغ.
ثانباً : لا أحد ينكر ان اللانوس سيارة أقتصادية و سهلة الاستخدام و الصيانة مقارنة بماركات أخرى كثيرة سواء زيرو أو مستعمل فى نفس حدود السعر.
ثالثا : الاستاذ خالد الزميل العزبز هل حاولت تغير مركز الخدمة و تقارن فرق المعاملة ؟؟ أنا أرشح لحضرتك مركز أوتوماستر , ناس فاهمة و محترمة بصراحة.
رابعاً : اغلب عبوب الشيفروليه موجودة أصلا فى الدايو مثل مثلا خشونة الفيتيس , السحب الضعيف مع التكييف , الفرامل خفيفة ...
خامساً : العيب فى الشيفورليه فعلاُ هو أنخفاض جودة الصالون و البوبينا و طرمبة البنزين صينى .
سادساً : فى ظل أسعار السيارات فى مصر الأن سواء الزيرو او المستعمل و بمقارنة عيوب و مميزات الشيفروليه لانوس أعتفد انها تتفوق على سيارات كثيرة أوووى .
أسف أعزائى للأطـــــــالة و لكم جزيل الشكر .

انا سمعت سمع خير علي الجماعة بتعو اتوماستر من زملائي إلي بيصينوا عندهم
تفتكر هما ينفع يظبطوا فيشة الأوكتين
ولا الواحد يعملها بنفسه

المشاركة الأصلية كتبت بواسطة bakkarahmed

بصراحه اول مره اعرف ان ملئ التنك للزور بيبوظ الطرمبه ..دانا ما بستريحش نفسيا الا لما املاه للزور

ليه ملهاش لازمه الموتور الى جواها اصلو صيني و مش عايزين نتعبو:(

هو اوتوماستر ده فين بالظبط