الموضوع: الشامل فى عيوب شيفروليه لانوس حصرياً.

المشاركة الأصلية كتبت بواسطة ahmedeg1

السلام عليكم و كل سنه و انتم طيبيين
و الله يعينا على الصيام فى الجو النار ده و يقينا شر لهيب جهنم ان شاء الله و يتقبل منا صيامنا و صلاتنا
طيب معلش اعمل اللى هاقولك عليه

فك كابل البطاريه الأرضى
و دور العربيه
طبعا العربيه مش هتدور
روح ركب كابل الطارية تانى و ربطه كويس و اقفل كبوت العربيه
و طبعا انتا ظابط فيشة الأوكتان على بنزين 95
اعمل ايدل ليرن للموتور بالطريقه التاليه
افتح الكونتاكت على وضع standbay لمدة 5 ثوانى و اقفله لمدة 5 ثوانى كرر العمليه دى مرتيين كمان
بعد كده دور العربية على وضع السلانسيه لمدة 3 دقائق و بدون اى احمال سواء تكييف او انوار او كاسيت
و بعد انتهاء ال 3 ثوانى كمل المده لحد 5 ثوانى اى ذود 2 دقيقه كمان على ال 3 دقائق بدون ان تفصل العريبة و شغل اثناء هذه ال 2 دقيقه كل حاجة فى العريبة تكييف على اخر سرعة و انوار عالية و كاسيت و شبوره لو فيه و حرك الدركسيون كمان و شغل الانتظار و نور الصالون اى بشك كامل و كل ده لمدة 2 دقيقه بعد كده اى بعد مرور ال 2 دقيقه افصل كل حاجة واحده واحده و بعد كده بطل العربيه و انتظر 15 ثانيه بعد كده دور العربيه و شغل التكييف و امشى بالعربيه و اسمع صوت الموتور و ابقى قابلنى لو سمعتله صوت تانى
أحمد

شكرا ليك جدا علي نصحتك يا استاذ احمد انا عملت زي ما ا نت قلت و الصوت هدي فعلن ,,,,,,,, يظهر اني كنت عامل الايدل ليرن غلط عشان كدة العربية كانت متلحبطة و صوتها عالي

المشاركة الأصلية كتبت بواسطة ahmedeg1

يا باشا لا شكر على واجب

احنا نشكر ربنا لانه انعم علينا بحسن الحوار و حسن الخلق
و كمان على المنتدى الجميل ده اللى انا شخصيا اتعلمت منه كتيير جدا و خصوصا اعضاؤه المتميزيين و من غير ذكر اسماء لأن الكل هنا فى المنتدى متميز و الحمد لله و شكرا لجميع اعضاء و مديريين المنتدى و كل سنه و انتم طيبيين

و حضرتك طيب و انا سعيد جدا اني اتعرفت على حضرتك معاك اخوك زياد و فعلن الواحد فالمنتدي غير إنه بعرف معلومات مفيدة جدا بيتعرف علي ناس طيبة و محترمة في جو المشاركة الجميل ده