الى اهل الخبره فى اسماك الزينه

**bakkoor** · 21-08-2010 03:23 PM

ياجماعه انا جبت حوض سمك زينه بس للاسف المياه عندنا وحشه جدا والفلتر مش بينضفها كويس فيه ناس اقترحت عليه انى املى الحوض من مياه الفلتر واضع معلقتين ملح علشان اعوض الاملاح فهل الكلام ده مظبوط ولا ايه بالظبط

ياريت حد يدلنى

**tarekzein** · 21-08-2010 03:48 PM

معلش أنا عندى ثلاث أحواض سمك والموضوع مش بالسهوله دى ممكن توضح يعن أيه المياه عندنا وحشه جدا وساكن فين وحجم الحوض ونوع السمك عشان أقدر أساعدك عشان دى أرواح أمانه فى أيدينا ومش كل الأنواع ينفع يتحط لها ملح

ملحوظه فى موقع متخصص أسماك بالظبط زى نايل موتورز فى الأسماك وأنا خدت خبرتى منه والناس هناك مش بتتأخر على حد والعلم عنهم ما شاء الله أنصحك تشترك فيه وهابعتلك أسمه عالخاص دلوقتى

**heshamzaky** · 21-08-2010 04:04 PM

زى الزميل ما رد كدة عليك لو حطيت ملح مش كل الانواع بتقبل الملح يعنى لو الحوض مثلا كلة مولى يبقى ماشى بس انت حا تجيب أنواع اية فى الحوض

**bakkoor** · 21-08-2010 04:41 PM

ماهو المشكله انى جديد فى الموضوع ده انا نزلت السوق وجيبت مجموعه اسماك

يعنى عندى سمكتين حجمهم كبير شويه ودهبى وسمك بيولد وسمك كاتفيش بينضف الحوض يعنى عندى مجموعه كبيره فى الحوض

الحوض مساحته متر *30 سم والمياه عندنا زباله جدا بها شوائب كتير والفلتر مش بينضفها

**heshamzaky** · 21-08-2010 04:48 PM

انت كدة السمك الى عندك الكبير دة اسمة فان تيل او جولدن فيش و السمك الى بيولد دة لونة اية او شكلة بص انت مركب فلتر شكلة اية كهرباء يعنى و لا هواء عادى

**heshamzaky** · 21-08-2010 04:49 PM

يعنى زى دول كدة [youtube]http://www.youtube.com/watch?v=2ks6lhof3o0&feature=search[/youtube]

**bakkoor** · 21-08-2010 04:50 PM

المشاركة الأصلية كتبت بواسطة heshamzaky

انت كدة السمك الى عندك الكبير دة اسمة فان تيل او جولدن فيش و السمك الى بيولد دة لونة اية او شكلة بص انت مركب فلتر شكلة اية كهرباء يعنى و لا هواء عادى

السمك اللى بيولد لونه اسود منقط دهبى والفلتر اللى انا مركبه كهرباء

**heshamzaky** · 21-08-2010 04:53 PM

بص الانواع دى الفن تيل الى لونها فضى مبططة دة اسمها سيلفر شارك الى مخططة ازرق فى كحلى اسمها بلو ستريب كات فيش و دى بتكبر حلو و نشيطة جدا و مولى و جرامى و سورد تيل كل دول فى الحوض دة [youtube]http://www.youtube.com/watch?v=WW1m3Nejz2Y&feature=related[/youtube]

**bakkoor** · 21-08-2010 05:00 PM

انا عندى السمك اللى فى الفيديو الاول اللى ظهرت فى الثانيه عشرين

كمان عندى السمك الصغير اللى فى الفيديو الاول وزى ما قلت كان عندى الزبال اللى عامل زى سمك القرش بس ماتو كلهم