الألتو فيه منها 800 سي سي كده يبقه زيها زي الماروتي
وفيه منها 1000 سي سي ومكيفه دي طبعا احسن من الماروتي
بس لما تلاقي نفسك هاتدفع مثلا في حدود 15 الف زيادة تحس ان الفرق ميستاهلش وبرده تبقه الماروتي احسن
عرض للطباعة
الألتو فيه منها 800 سي سي كده يبقه زيها زي الماروتي
وفيه منها 1000 سي سي ومكيفه دي طبعا احسن من الماروتي
بس لما تلاقي نفسك هاتدفع مثلا في حدود 15 الف زيادة تحس ان الفرق ميستاهلش وبرده تبقه الماروتي احسن
أنا كنت فى نفس الحيرة دية بس توصلت أن أكيد الآلتو أحسن مش علشان أنا معايا ألتو لكن هيا أحسن من ناحية الشكل والوسع الداخلى والخارجى والتابلوة وأرتفاع العربية
بيفرق بينهم أيضا السعر بين الماروتى 800 والآلتو 800 حوالى 5000 جنية
بس النصيحة لو تقدر تجيب الآلتو ال 1100 cc المكيفة تبقى كدة جبت قوة الموتور زيادة وكمان مكيفة وأربعة سلندر بحوالى 51 أو 52 ألف جنية ودية للآمانة أرخص عربية محترمة ذات ماركة عريقة بعد الماروتى طبعا
والله الموفق والمستعان
ايه ده يعنى فرق 15 الف عشان تكييف و موتور
امل لو حطوا فيها abs هتزييد كام هههههههه
طيب بالنسبه للتكيف بتعها حلو ولا ايه النظام
عشان لو كده ابتدى العب فى دماغ الحج
و ادخل فى دماغه الالتو
تستاهل يعنى العربيه المبلغ و الفرق ؟!
معلش انا تاعبكوا معايا بس ده من عشمى فى اعضاء منتدانا
تقبلوا تحياتى
عربيه جميله وربنا يباركلك فيها و انظر مميزاتها و عيوبها فى موضوع مثبت فى هذا المنتدى
الوحيد بينهم هوة السي سي والتكييف لكن باقي العربية الألتو زي الماروتي ، لكن لو عايز تعمل شغل شباب و سرعات فوق الـ 120 لفترات طويلة حرام عليك تهلك الماروتي لأنها مش هتعمر معاك بالصورة دي
مش عارف انا ابتديت اخاف منها
اصل انا عارف نفسى
هاهلكها فعلا
شكلى كده هخلينى فى البيتلز
الف شكر يا رجاله نايل موتورز
معلش تعبتكوا معايا
تقبلوا كامل احترامى و تقديرى
تحياتى
شوف يا باشا لو الحاج هوه اللى هيدفع و بتفكر تقنعه بالتو بدل ماروتى
و تقدر تعمل كدة
يبقى عليك انك تقنعه بالسوزوكى سيلاريو
و ممكن تدفع كمان شوية معاه عشان تحصل على موافقة الحاج
السيلاريو = موتور+تكييف+عربية كويسة
و ابقى قولنا عملت ايه
تصدق انك برنس
والله العربيه شكلها بره و جوه
عجبنى جدا
و الموضوع يعنى ان الحج هايساعد بس بجزء اكبر من اللى معايا مش هو اللى هايدفع كله يعنى
بس دى عامله كام يا باشا لو سمحت
و موتورها ايه نظامه كام سى سى
و هل فى مواضيع ليها هنا فى المنتدى ؟!
زى اخوكوا بقى و استحملونى
دور على المنتدى هتلاقى مواضيع كثير عن السيلاريو
و لعلمك افضل عربية فى استهلاك الوقود
و اقوى موتور
يا بيتل مع احترامي للسوزوكي ماروتي و التو
و بما اني كان معايا بيتلز 1971 و 1200 سي سي زي حالاتك من ييجي 5 سنين و بعتها
السوزوكي عربيات كويسه بصفة عامه
لكن انا لو مكانك اخد الـ 40 و لا الـ 50 الف دول و انزل اشوفلي كده حتا هيونداي اكسنت او كريستالة و اكشف عليها كويس عشان انا عارف انت دماغك ايه في السواقة و غاوي تظبط العربية و عدة و كلام من ده
السوزوكي ماروتي كويسة بس انا مش عارف هتعجبك ولا لا
انا رأيي الشخصي لو مبدأ انك تجيب مستعمل موجود هات حاجة مستعملة احسن لانسر او هيونداي اكسيل او اكسنت و ممكن تجيب لانوس لو بيتحبها (انا مش بتعجبني اللانوس) ممكن برضه كيا سيفيا او سبكترا.
تاني بكرر السوزوكي ماروتي عربية عملية جدا و ماشية في مصر كويس بس اتأكد انها هتمشي معاك.