الموضوع: استفسار عن الفردوس اللى فى اكتوبر

المشاركة الأصلية كتبت بواسطة hesham_tawfiq

مدينة الفردوس اساسا مبنيه لضباط الشرطه يعنى هتلائى فيها ظباط وأمن بالعبيط

انا بصراحه مش شايف انها حاجه حلوه و تطمن ال1 فى ظل الحب العميق بيننا وبينهم وعلى راى المثل من جاور السعيد يسعد

المشاركة الأصلية كتبت بواسطة mohamedbook

اقل حاجة تبعد عنها 500 م عشان
القرب من كبلات الضغط العالي بتجيب لوكميا (سرطان الدم يعني) تكون بعيد عنها مش جمبها
ياريت تقول اسعار الايجارات هناك كام عشان انا عايز ااجر شقة في نقس المكان لانه قريب من وسط البلد ممكن تراسلني علي الخاص عشان اعرف الاسعار وجزاك الله خيرا

مش ناقصه شغل فى ابراج محمول وكمان سكن جنب ضغط عالى وان شاء الله هنزل واخد لفه هناك وهعرفك بالاسعار والتشطيب بس لما كلمت الراجل قاللى 350 خامس تشطيب سوبر لوكس و400 متكرر وانا شاكك ان دى اللى جنب الضغط العالى عموما كده كده هروح وابقى اجيبلك الخلاصه

المشاركة الأصلية كتبت بواسطة heshaaam

بص الفردوس تمام وفل لكن فى مساكن قدام الفندق دى لا

شكرا للتنبيه ياباشا

المشاركة الأصلية كتبت بواسطة omarsami2009

حضرتك انا فى مدرسة الفردوس اللى بعد المسجد اللى فى المدينه
و المدينه هاديه و كويسه فى المجمل و و كمان امان و حتلاقى مدرسه تجريبى هناك لو عايز يبقى ولاد حضرتك فى مدرسه قريبه

لما اتجوز الاول وان شاء الله نبقى جيران

المشاركة الأصلية كتبت بواسطة ezzatfox

هى حلوة و هادية و امان و مستواها كويس .. بس مساحة الشقق صغيرة عشان كدة رخيصة نسبيا .. دة غير ان المرحلة التانية مش عمارات منفصلة .. لا مبنى كبير جدا لية مدخل واحد او مدخلين و تلاقى الدور الواحد فية حوالى 40 شقة تقريبا و ممكن اكتر و مفيش اسانسير و عشان تطلع الدور الخامس هناك لازم تكون حاصل على الحزام الاسود او اختراق ضاحية .

وليه الغبا ده!!!!!!!!!!! ربنا يستر ومتكونش دى اللى الراجل قاللى عليها


شكرا لاهتمامكم ياجدعان