الموضوع: بفكر اركب تكييف في عربيتي الماروتي ومحتاج مشورتكم الله يخليكم

السلام عليكم ورحمة الله

ازيكم ياشباب
كل سنة وانتو طيبين

انا عندي عربية سوزوكي ماروتي 800 سي سي
الموديل 2007

المهم
العربية بتنزل في الهند مكيفه وفي عربيات كتير 800 سي سي ومكيفه برضو

واللي حصل ان في كذا حد ركبلها التكييف هنا وماشاء الله اموره تمام

انا نزلت لفيت في محلات الاستيراد ولقيت تكييفها الفبريكا اللي بتنزل بيه بره موجود
وبيتباع بتركيبه ب 2000 جنيه

اما عن اللي بيتركب هنا فهوا ساندن ياباني وبيكلف حوالي 3000

وكنت قرأت في سايتات اجنبية وقالو حاجه ان مفيش مشاكل من تركيب ايا منهم لكنهم قالو ان الافضل اني اول اما اركبه اغير مروحة العربية من 80 واط بواحده دينسو 120 واط ودي كفيله بانها تقضي على اي حراره
غير كده قالو كله هيبقى تمام
وطبعا معروف ان التكييف بيموت العربية وميخليهاش تشد وكده وده بالنسبالي انا مش عايزه اساسا

لكن عايز اسألكم كذا سؤال ومعلش استحملوني

1\ياترى تنصحوني باني اركب الفبريكا الاستيراد ولا اركب الساندن؟؟(مع العلم ان السايتات الاجنبية قالو ان تبريد الساندن اقوى)

2\هل مروحة الرديتار ال120 واط دي موجوده وسهل ألاقيها؟

3\هل التكييف عموما ممكن يأثر على عمر الماتور؟؟

4\هل حواجه مشاكل من حيث ان التكييف هيحتاج كهربا اكتر فالدينمو هيتعب اكتر؟؟

5\وفي الاخير تنصحوني اركبه ولا لأ؟؟(مع العلم ناس كتير ركبوه واعرف منهم اتنين ومغيروش حتى المروحه وشغال معاهم حلو)

تحياتي ليكم جميعا...

اخوكم حازم