رابع المستحيلات
1- البلد تبقى من غير وسايط ومحسوبيه
2 - ان (البنات- الستات) تبقى هادية و عاقله بجد
3- ان الواحد يحس بامان زى ما كان بيحسه زمان
عرض للطباعة
رابع المستحيلات
1- البلد تبقى من غير وسايط ومحسوبيه
2 - ان (البنات- الستات) تبقى هادية و عاقله بجد
3- ان الواحد يحس بامان زى ما كان بيحسه زمان
مش لاقى حاجة اقولها
غير
اتمنى الحياة الكريمة للمواطن ياااااااااااااااااااااااا اااااارب
والناس ترجع للدين شوية على الاقل
كدة كفاية اوى
الخل الوفي موجود الحمدلله
المستحيلات اللي في بالي حالياً
ان يكون في حل للزحمه في مصر
ان الحكومه تتعامل بشكل آدمي مع الشعب
ان يسود العدل في مصر
ان تنتهى المضايقات اللي بتحصل والإستيلاء على حقك والسبب الوحيد انك مجرد بنت
ومش هتردي
ان اصحاب العمل في القطاع الخاص يبطلوا افتراء وإستغلال
ان الناس ترجع تتعامل بذوق وأدب بعيداً عن الأنانيه السائده
ان الناس تتقن عملها وما تكسلش تفكر وتنتج
ايه رأيك......كفايه كده دلوقتي؟
-ان اشوف اليوم الى فيه العرب متحدين قبل ما اموت.
-ان وضع مصر يفضل كما هو عليه, من اسوء لاسوء, فى الكام سنة الى جاية.
-ان اى حاجه تتغير بمجرد الكلام.
1- الاقى وظيفة مهندس اتصالات لما اتخرج وابقى مهندس اتصالات ( مش اشتغل مكان الفنى)
2- الاقى الواحدة بنت الحلال الى نفسى فيها بجد ( دة لان كل لما افكر فى واحدة الاقى صحيفة سوابقها وحشة اوى )
3- اركب سوبر كار بسعر اى عربية ( وطبعا البنزين بتعها يكون فى سعر الـ 80 و طبعا مفيش مطبات علشان طبعا اركن براحتى )
4-( طبعا علشان لما اجرى بالعربية الرخصة متتسحبشاقتباس:
اخلص هندسة واشتغل وكيل نيابة :)))))
1- أن الفقير يبقي غني (حتى لو خد شهادات الدنيا كلها)
2- أن واحد راكب 128 يركب bmw بالحلال
3- أن اللى متجوز يفكر يتجوز تاني ( فقط لمجرد الجواز)
هو فى مستحيلات كتير خصوصا فى الزمن دا يعنى المفروض نحتار 3 للمستحيلات السياسيه وزيهم للاجتماعيه والرياضيه وهكذا هههههههههههه
انا هختار 3 على سبيل المثال بس فى 3 مجالات
1-(السياسه) يكون فى ديمقراطيه حقيقيه فى البلد مش كلام جرايد.
2-(الحياه) البنات تعقل .
3- (الرياضه) الزمالك بطولاته تعدى الاهلى او جماهيره تكون اكتر من الاهلى.
المستحيلات التلاتة بالنسبالى
1:الحكومة الذكية
2:الاقى ركنة تحت بيتى
3:نفسى اشمت فى الاهلى
--انتهاء الزحام
-- اللي بالي بالك حد تاني يجي مكانه
-- المصريين يبطلوا فهلوه
المستحيل الحقيقي الايام دي
الأمانة
ودي من علامات الساعة