ومفيش حاجه عجبتني للعربيه
وكنت مستغربه ان مفيش اختيارات كتير عندهم
ومفيش ناس ومفيش عماله هو بائع واحد بس
بعد كده أخدت لفه في شارع دمشق ووقع اختيار
الفرش المناسب في محل اسمه القبطان
والمحل كان زحمه وفيه عربيات كتير منتظره
دورها في تركيب الفرش ومنهم عربيه جيب شيروكي
الزحمه دي اوحت لي بإنطباع خاطىء عن جودة التركيب
المهم بدأ التركيب بعامل صغير وكويس اسمه سيد
وبدأ في فك قاعدة الكنبه وتركيب الفرش عليها بطريقة
المشابك وبعدين ركب الفرش على ظهر الكنبه وهي راكبه
بس بطريقه تخليه يشبك الفرش في استك واصل من فوق لتحت
وده طبعاً ظاهر في شكل الكنبه من الخلف لما بأفتح شنطة العربيه
ودي كانت أول ملاحظه لكن العامل كان تفسيره ان ده الحل الوحيد
لأنه مش عايز يشبك المشابك في ظهر الكنبه الأصليه
بعد كده العامل ده اختفى تماماً
وبعدها بفتره بدأ عامل تاني شغله سىء جدا اسمه محمد صادق
يركب في الكراسي
بدأ بالقاعده وجه يركب الظهر اكتشف ان مقاس الفرش مش مناسب
لكرسي العربيه رغم ان البائع سألنا قبل الإختيار على موديل العربيه
وفجأه لقيناه بيقص الظهر بتاع الكرسي من الخلف ودخل الورشه
علشان يظبطه وجه ركبه بطريقه مش مظبوطه خالص والخياطات كانت
مرحله لأسفل ومش مظبوطه في مكانها وبدأ سيادته يتأفف ويقنعنا انها
كده كويسه بس اصريت انه يفك تركيبه ويظبطه
وعمله على مضض بعد ما عمل الكرسي التاني الكارثه
بعد كده اشتغل في الكرسي الأخير بتاع السائق بمنتهى الإستهتار
وأخد المقاس مش مظبوط والخياطه من الخلف كانت سيئه جداً
وفي جزء اتقطع من الخلف بنقوله عليه عمله بالأمير
ومن الأمام من ناحية الحزام كمان عمل الفتحه زياده عن المطلوب
في النهايه طلبنا تغيير فرش الكرسي ده لأنه سىء جدا جدا
المسئول في المحل بدأ يستفزنا ويقول هأغيره بس معنديش
نفس اللون !!!!!!
بس في الآخر قال ان ممكن نعدي عليه بعد يومين يكون جاله زيه
ودي حاجه مش متأكده منها
بعد الحوار الجميل ده مشينا من عنده وخلاص بندور على مكان نفطر فيه
لأن الساعه كانت 7.30
اكتشفنا المهزله الأخرى انه مش عامل فتحات لأحزمة الأمان في الكنبه الخلفيه
وسايبها تحت القاعده واكتشفنا ان الخطوط في القاعده مش ماشيه مع الخطوط اللي في الظهر
رجعنا تاني وفك القاعده وعملها فتحات الحزام وركبها مظبوطه أخيراً
ومشينا من عنده مش طايقين نفسنا
