تمام كده الله ينور عليك
عرض للطباعة
لا يا باشا ازاز الجناب اما بيتسرطن او بيتخبط .. بينزل فتافيت
يعنى متعرفهوش ده ايه بضبط
هو طبيعته كده عشان ميأزيش حد
انا كنت شاكك انه اتسرطن وواحد بن حلال معدى قام مادد ايده واخد الموبيل
كان فى حاجات تانيه مأخدهاش كنت سايب النضاره وسايب ام بى ثرى
هو لقى شويه فلوس فضى كمان قام واخدهم بالمره بقى
وفتح درج الطابلوه ملقاش حاجه عدله ياخدها
انا عملت شغل مخبرين فضلت ابص حوالين العربيه انى الاقى ظلطه كبيره ولا حاجه
انسى مافيش ده اكيد مليون الميه واحد معاه عدة شغل ونازل يكسر علطول
بس مش ممكن ده ايه الصدفه دى
ده انا مكملتش 5 دقايق بضبط ابص على محل ورجعت بسرعه
ده كان مراقبنى بقى اول ما انزل يقوم بالواجب
100000000000 حمد لله على السلامة و ان عملية تركيب الإزاز تمت بخير و بدون معوقات...
يا ريت بس تلحق تطلع شريحة جديدة بدل اللي ضاعت.....
في رعاية الله....
انا بحثت فى موضوع الازاز ده ولاقيت كالأتى
اقتباس:
بالنسبة للفرق بين e1 و e6 و غيرهم يكون كالاتي
الدول الاوروبية مفيش عندهم الفهلوة بتاعتنا في مصر و العرب و كمان مفيش عندهم كل واحد يمشي بدماغة او يحط اكواد من نفسة
المواصفة الاوروبية تفرض علي الجميع اتباع ما فيها حيث تقوم بوضع كود لكل قطعة زجاج لجميع انواع السيارات في العالم و بكل موديلاتها أيضا
حيث يكون مثلا الزجاج الامامي bmw 518 يكون لة كود خاص و لا يتم تكرارة نهائيا و هذا الكود يكون في المواصفة مكتوب امامة نوع السيارة و موديلها و مقاس الزجاج طولا و عرضا و كل البيانات المطلوبة
ويلتزم جميع مصنعي الزجاج في اوروبا بوضع هذا الكود علي الزجاج الذي يتم تصنيعة
كما ان شركات السيارات او مراكز الخدمة عندما تطلب هذا الزجاج من الشركات تقول لهم نريد 100 قطعة من الزجاج الذي كودة ( .............. ) و يكتب الكود فقط
و من الكود تعرف الشركة نوع و موديل و مقاس و مواصفات الزجاج المطلوب بكل سهولة
و زيادة في النظام قاموا بترقيم المصانع في اوروبا أيضا حيث يأخذ مصنع بلجيكا مثلا الكود e1 و مصنع فرنسا الكود e2 و مصنع ايطاليا الكود e3 و e4 و هكذا علي سبيل المثال
أما لدينا في مصر فمن يدعي انة يستخدم الاسم العلمي عند شراء الزجاج تجدة يقول لك عايز عربية مرسيدس s200 مو 85 و دة ممكن يربك التجار كمان و ميعرفوش طلبك
هما عايزينك تقول ليهم عايز عربية شبح أو بودرة أو تمساحة أو خنزيرة أو ......... الخ
و ممكن واحد يقولك عايز زجاج سيارة ملاكي حمراء بس عايز الاصلي مش التقليد و يكون درجة اولي مش فرز تاني !!!!!!!!!؟؟؟؟؟؟؟؟؟
هو دة الفرق يا ريس
و لكن لالتزامنا في شركة جريش بمعايير دولية محددة و تعاملنا مع شركات الزجاج العالمية نتبع الترقيم و التكويد الدولي وفقا للمواصفات العالمية
يارب أكون افدتك
شكرا جزيلا
لا حول ولا قوه الا بالله
فداك الموبايل والزجاج بس قولى صحيح كنت راكن فين فى سموحه لما دا حصل
الحمد لله انه الموضوع وصل لحد كده
انت موعود بموضوع الازاز ده
المهم حمد الله علي سلامتك وفداك
باشا الكلام ده كله في سموحة ؟ فين بظبط علاشن الواحد ياخد بالوا ؟ و الكلام ده الساعة كام ؟ عزبة سعد فين ؟ قبل المحلات و لا في الشارع الجانبي الي فيه بوابه سودا ؟ و التوقيت ؟
ربنا يعوضك و فداك اي حاجة و الهي يولع الحرامي بجاز !!!!!!!!!!
هيا ليه السرقة كترت و سخت في رمضان ؟ هوا الناس بتوب ولا بتسوئها !!!!! استغفر الله العظيم !