شكر من ادارة نايل موتورز للسيد اللواء محسن حفظي مدير امن الجيزة

**mido_soliman** · 22-08-2010 10:31 PM

المشاركة الأصلية كتبت بواسطة damasry

لسه راجع من ميدان السيدة زينب وشايف بوكس شرطة موقف ميكروباص فى الشارع وبياخد رخصه واللى قدرت افهمه من طريقة وصف الظابط ان السواق كان واخد الطريق غرز.

يارب يقفشوهم كلهم ويسحبوا رخصهم قادر يا كريم علشان نخلص من شرهم اللى مالى شوارعنا بحق الايام المفترجة دى يارب

**adel1212** · 22-08-2010 11:04 PM

الله عليكى يا مصر لو فيكى شوية التزام
كام حركة من دى على فترات
حنعيش فى بلد تانية خاااااااااااااااااااااااا الص

**sv065** · 22-08-2010 11:26 PM

فعلا لفتة طيبة جدا منك أستاذ كريم

وكلنا نشاركك في تقديم الشكر لكل مسئول بيقف بنفسه علي موقع مسئوليته مش بيكتفي بالتقارير اللي بتتقدم له من ناس مش مسئولة خالص و دائما التقارير دي بتقول -كله تمام بتوجيهات سيادتك...- وكان الله بالسر عليم

وكما أفاد الجميع ياريت نشوف ده في أماكن وجهات كتيرة جدا في البلد ..... ودي رسالة لكل مسئول تارك مسئولياته وراء المكتب وكأنه ما يعرفش عنها حاجة

أكيد والله حجات كتير حتتحسن في البلد لأن للأسف... أصبحنا ما نجيش غير بالعين الحمرا

**ahmedhilmy** · 23-08-2010 07:05 AM

مؤيد للتحية و ارجو المزيد

**أبومعاذ** · 25-08-2010 04:44 PM

مدير أمن الجيزة. ‬يطارد سائق ميكروباص. ‬يسير عكس الاتجاه بالهرم
صدم طفلة أثناء فراره... ‬والتحريات تكشف هروبه من. ‬6. ‬أحكام
كتب ـ خالد إدريس.:‬ شهد طريق ترعة المريوطية مطاردة بين سيارة مدير أمن الجيزة وسائق ميكروباص كان. ‬يسير عكس الاتجاه ودهس طفلة اثناء هروبه..‬ كان اللواء محسن حفظي مساعد أول الوزير لأمن الجيزة. ‬يتفقد الحالة الأمنية في الشوارع قبل الافطار للتأكد من تيسير الحركة المرورية وانتظام الخدمات في الشوارع واثناء نزوله من نزلة الدائري علي ترعة المريوطية فوجئ بسيارة ميكروباص تسير عكس الاتجاه وتصعد النزلة،. ‬توقف مدير الأمن بسيارته امام الميكروباص واشار لمرافقيه بضبطه الا ان السائق عاد للخلف وفر هارباً. ‬بالسيارة،. ‬أسرع مدير الأمن بمطاردته واثناء المطاردة صدم الميكروباص الطفلة هدي خليل عبدالباقي. »‬9. ‬سنوات.« ‬وسقطت علي الأرض،. ‬توقف اللواء حفظي بسيارته بجوار الفتاة،. ‬وأشار الي الموتوسيكل المرافق له بمتابعة مطاردة السائق وضبطه واسرع مدير الأمن بنقل الطفلة لمستشفي الهرم لاسعافها وظل معها حتي تم تجبير. ‬يدها بعد اصابتها بكسر،. ‬في الوقت الذي تمكن فيه قائد الموتوسيكل المرافق لمدير الأمن،. ‬من ضبط السائق علي طريق الواحات بأكتوبر،. ‬وتبين انه. ‬يدعي رمضان عطية راضي وهارب من. »‬6.« ‬أحكام شملت قتل واصابة خطأ وضرباً.. ‬تم تحرير محضر للسائق واحيل للنيابة..‬

**powerofhelll** · 26-08-2010 07:14 AM

ياريت كل الناس تاخده قدوه

**Sh_sunsea** · 26-08-2010 11:38 AM

المشاركة الأصلية كتبت بواسطة mostafaismail

ما هو انا من سكان فيصل بقالى اكتر من 25 سنة مش شايف التواجد الامنى دة لية؟!!! يمكن انا مش بشوف.
ونبى ياجماعة اللى مش ساكن فى فيصل ولا يعرف المنطقة دى عاملة ازاى ميتكلمش عليها ولا بالطيب ولا بالوحش مش كلام وخلاص هو يعنى.

الناس دى الواحد بيشوفها فى الاعياد بس او لما واحد منهم بقرشين يكون معدى من هناك. بلاش حرقة دم الله يخليكم.

واللى مش عاجبة كلامى يمشى فى شارع فيصل ابتداء من ميدان الجيزة من الساعة 3 الضهر لحد بعد نص الليل ويشوف وبعدها يتكلم. وتحديدا كام نقطة فى الشارع (بعد منزل الكوبرى وداخلة شارع الهرم, اول تيرن, تانى تيرن امام تربية رياضية, شارع العشرين الفظيع, الطالبية, المطبعة, الطوابق) كل دى نقاط زحام وهتشوفوا فيها احلى تواجد ميكروباصى ..... قصدى امنى.

ولو محسش بحاجة او مشكلة ممكن يدخل من شارع العشرين زيارة خفيفة ... ولو محسش بحاجة او مشكلة يكمل لحد طريق صفط اللبن اللى تحت المحور الجديد وهناك اكيد هيعرف تعريف ومفهوم جديد للتواجد الامنى وسلملى على سيادة اللواء.

امبارح كنت راكب ميكروباص من الجيزة لفيصل - وفوجئت بالسواق طالع في لعبة جديدة - لحد العشريني ب 75 قرش - والي هايكمل للطالبية بجنيه - يعني بعد كده هايبقى أكتر كمان - الاصلاح مايبقاش بفتوة بيضرب بيد من حديد وكل يوم يتكتب اسمه في الجرائد - عايزين يصلحوا يعملوا أي طريقة لجعل الركاب هم رقيب السواقين- علشان مستحيل الشرطة لوحدها هاتسيطر على الموضوع ده - لكن كمان ماينفعش يبقوا مظبطين معاهم - والضابط يروح يتخانق ويسحب رخص واحد علشان واقف بيركب ولا بينزل - والي وراه الي بيظبط الضابط ده كل يومين - ولا يكلمه ولا كأنه غلطان

انا امبارح فكرت عند العشريني أنزل للضابط أقوله على الموقف الغريب ده - لاقيت السواق بيسلم على الظابط وازيك يا مش عارف مين - حطيت لساني في بقي وسكت

كنا بنعترض انهم بيقسموا فيصل مثلا 4-5 أجزاء - والي ساكن في آخر فيصل ده ربنا يتولاه - دلوقتي كل جزء بقى حتتين ...؟؟؟

يخلوا كل ميكروباص ليه رقم - ليه حاجة للشكوى - ولما الشكاوي تتكرر من رقم معين يراقبوه - وهكذا
ولا أنا بحلم .........!!!!